Is 5:9 - Chuj San Sebastian Bible

⁹ A Jehová tztac' yuj smasnil, a 'ix 'a'n alxc 'ayn 'ixtic: A jun tzo'n̈ n̈a cha, toxn̈ej to niwac, mto caw wach' yilxi, palta 'oj can 'a sictaquil. Man̈x 'a mach 'oj cajnc eb' te'.

Chuj San Mateo Bible

⁹ A Jehová Yajal d'a Smasanil, a ix alan d'ayin icha tic: A juntzan̈ nivac pat te vach' yilji chi', ol sateloc vach'chom te vach' yilji, man̈xalaj mach ol cajnaj d'ay.

Is 5:9 Iomraidhean Croise

2 Cr 36:21

'Ixta 'ix 'aj yel'ch tas ya'jnac Jehová yal-l win Jeremías. 'Ixta x'aj yilj lum lu'um, yujto niwn tiempo may munljel xb'o 'a sat lu'um, masnto stz'acw 70 ab'il.

Job 15:28

Ax jun chon̈b' chi 'aj cajn cha, 'oj lajwc 'eli, man̈x 'a mach 'oj cajnc smasnil te n̈a. 'Oj can 'a sictaquil, jun b'uln̈ xoj 'oj 'ajcn 'icha c'alem.

Pr 15:27

A mach til wal tas tznib'j 'ochi, caw tzjuw 'el yol yatut yu'uj; ax toto matz chaj q'uen c'ultac tumin, 'oj najtxb'oc sq'uinal.

Is 22:14

Ax Jehová tztac' yuj smasnil, a 'ix sch'ox sb'a 'ayin, 'ix yaln 'ayn 'ixtc 'a stojlal: Ma'oj wac' niwnc'ojlal 'a eb' 'anma tic yuj stenmtacl cha, palta to 'oj cham eb' yu'uj, xchi.

Is 27:10

A jun chon̈b' to caw wach' yaj sb'o'i, c'uxn 'ix lan̈chj 'ejmi, 'icha junc n̈a man̈x 'a yajal, 'icha pax 'aj may 'anma', cusltac xoj yilxi. Swalab' xoj no noc' 'oj 'ajcni, c'uxn 'oj laj sc'uxcn 'ejm no sc'ab' te te', ax yem pun̈n e no yilj 'a yich te'.

Is 5:6

'Oj can 'a cusltacl wu'uj, may xon mach 'oj mesnoc 'el te sc'ab', may mach 'oj 'i'nc 'el ya'nil, 'oj q'uib'x chan̈ sc'ultcal, nab'a q'uix 'oj 'ajoc. Ax waln 'a 'asun, to man̈xtzac yac' cot n̈ab' 'a yib'n̈ jun lum cha, xchi win 'aj munljel cha.

Am 3:7

An̈jtona', toto 'ay tas tzb'o Jehová Dios, yowlal tzyalcn 'a eb' schecb' b'ab'el.

Am 5:11

Caw tzeyixtj eb' meb'a', tzeyi'n 'ec' strigo eb' 'anma 'a nab'an̈ej. Yuj cha, ma'oj stac' eyaj cajn 'a eyatut to nab'a q'uen xeyutj e b'oni. Man̈x 'oj eyuc' pax yalil te uva man̈x jantcoc sja'l yaj eyawni.

Am 6:11

Yujto 'oj yac' Jehová ma'xoc 'ejm smasnil niwc n̈a yet' eb' te cotc n̈a, c'uxn 'oj satl smasnil.

Mt 22:7

Ax win rey cha, caw xcot yowl winac. Yuj cha, 'ix checn 'at win jun tzo'n̈ eb' soldado 'at smil cham eb', ax jun schon̈b' eb' cha, 'ix n̈usx can tz'a'oc.

Mt 23:38

'Ab'ec, a jun e chon̈b' tic, 'oj cann̈j 'a sictacl sch'ocoj;

Santiago 5:4

A eb' e majn xmunlj 'ayex, 'in ma'ix e toj eb', ton̈j xeyixtj paxti eb'. Yuj cha, tz'awj chan̈ eb' 'a e patic, tzyaln eb' e mul. Ax yaw eb' cha, tzc'och 'a Cajlil 'a satcha'an̈.