Is 5:8 - Chuj San Sebastian Bible

⁸ 'Oltac wal eb' cob' niwn yatut tzb'o'o, tzcob' smacn 'ec' eb' lum lum smasnil yico'oc. Tznib'n eb' to man̈x 'a tas tzcan 'a junc xo mach, tznib'n pax eb' to cojxn eb' tzcajn junc chon̈b' cha.

Chuj San Mateo Bible

⁸ Ob'iltac eb' tzijtum spat ix smana', nivan pax lum sluum eb' ix smaccani. Man̈xa jab'oc tas ix yactejcan eb' d'a juntzan̈xo eb'. Axon̈ej eb' snib'ej tz'aj d'a sat lum d'a jun chon̈ab' tic.

Is 5:8 Iomraidhean Croise

Job 15:28

Ax jun chon̈b' chi 'aj cajn cha, 'oj lajwc 'eli, man̈x 'a mach 'oj cajnc smasnil te n̈a. 'Oj can 'a sictaquil, jun b'uln̈ xoj 'oj 'ajcn 'icha c'alem.

Pr 15:27

A mach til wal tas tznib'j 'ochi, caw tzjuw 'el yol yatut yu'uj; ax toto matz chaj q'uen c'ultac tumin, 'oj najtxb'oc sq'uinal.

Ez 11:15

Ach 'anma', a eb' et israelal 'aycn 'a Jerusalén tzyal eb' 'ixtc eyu'uj yet' yuj eb' eyican 'ijxnac cot 'icha presoal: A eb' 'anma cha, caw wal najt 'ix 'ijxcan 'el eb' 'a stz'ey Jehová, ax lum lum tic, 'ix 'ajx can lum 'ayn̈ec, xchi eb'.

Ez 33:24

Ach 'anma', a eb' 'anma cajn 'a jun tzo'n̈ chon̈b' mac'b'il 'ejm 'a yol slugar eb' et israelal, ata tzlaj yal eb' 'ixtic: A win Abraham sch'ocj wal winac, palta smacjnac win yico'oc lum lum tic. An̈ec xo tic, caw niwn qui b'islec, smoj wal quica'anec jun nacion̈ tic, xchi eb'.

Am 1:13

A Jehová tzaln 'ixtic: A wal eb' 'aj Amón, man̈x jantcoc maysch'olnil sb'o eb', yuj cha, yowlal 'oj wa'ch yailal 'a yib'n̈ eb'. Yujn̈ej snib'n eb' yi' jacx slum, yuj cha, xlaj stecnc 'elt eb' yolsc'ojl eb' 'ix 'ix yet'x yune cajn 'a yol yic Galaad.

Miqueas 2:1

'Oltac wal eb' waync cob'i', palta xoj smitz'tz'ec' snab'en eb' snani tas maysch'olnilal 'oj sb'o eb', ax yic tzsacb' 'eli, tzyamn 'och eb' sb'on tas tzna cha, yujto 'ayc' 'a yol sc'ab' eb' sb'oni.

Miqueas 2:2

Toto tznib'j 'och eb' slum junc yit 'anma'il, tojln̈ej sto'n 'ec' eb', toto tznib'j 'och eb' junc n̈a, tojln̈ej yi'n 'ec' eb'. 'Ixta wal tz'aj yixtx eb' mamb'il yet' yunnal.

Habacuc 2:6

Palta a smasnil eb' 'anma 'a jun tzo'n̈ nacion̈ tz'ijx 'ec' cha, 'oj b'uchwjoc eb' 'a eb' caldeo tz'i'n 'ec' lum lum cha, ax laj yalnc eb' 'ixtic: ¡'Oltacx wal ax tic! Caw tzex 'och ricoal yuj tas man̈ eyico'oc. ¿B'a'n̈ wal tzex 'och wan eyecn syam sb'a smasnil tas tze chaj yuj eyixtm 'anma'il? 'oj schic eb'.

Mt 23:13

Ax xo ex cuywjum 'a ley yic Moisés yet' ex fariseo, caw 'oltac ex, caw chab'sat ex. Tze macch wan eb' 'anma', sec matz 'och eb' 'a yol sc'ab' Dios 'aj satcha'an̈. An̈jtona', 'ixta ex ax tic, matz ex 'ochi, matz e chaj pax 'och eb' tznib'j 'och sb'a.