Is 5:30 - Chuj San Sebastian Bible

³⁰ A 'a jun c'ul cha, a jun nacion̈ cha, 'oj 'el yaw sjaw 'a spatiquil 'el qui chon̈b'ec tic, lajn wal 'oj c'an̈ 'icha a mar. A mach 'oj 'at q'ueln 'a jun chon̈b' cha, 'oj yil jun yailal cha, 'icha to 'oj 'och q'uic'q'uinl 'a yib'an̈, ax stup sacq'uinal, caw q'uic'q'uinl 'oj 'ajcn smasnil.

Chuj San Mateo Bible

³⁰ Ayic ol cot eb' anima d'a juntzan̈ chon̈ab' chi', aton d'a jun c'u chequel yaj chi', ol el yav eb' sjavi d'a spatic co chon̈ab' tic, icha val sc'an̈ a' mar. A mach ol ilancotoc, ol yil eyaelal chi' eb'. Ichato q'uic'q'uinal yaji, ol tup saquilq'uinal yuj asun.

Is 5:30 Iomraidhean Croise

Ec 12:2

Nac cot jun Dios b'ojnac ex, ya' sb'a wach' to eyiln yoc c'u, yoc 'uj yet' c'anal. Yujto 'oj niwtjoc sjaw b'elb'noc yailal.

Is 13:10

Ax smasnil c'anal 'a satcha'an̈, man̈x 'oj yac' sacq'uinlal 'a yib'n̈ lum lum tic, cojn yic tzq'uel c'u, ax yochx can musan, 'ixta pax 'uj, man̈x 'oj yac' sacq'uinlal 'a 'ac'wal.

Is 13:4

Ex 'aj Babilonia 'ab'c wal jun 'aw 'a eb' lum jolmctac witz cha. A wal tzcab'i to caw niwn 'anma yamn ta', atn eb' 'anma xcot 'a jun tzo'n̈ xo nacion̈. A Jehová tztac' yuj smasnil, a wan ya'n 'awtxoc slistail eb' soldado 'oj 'och 'a owl cha.

Is 17:12

'Oltac wal eb' 'anma tzcot 'a jun tzo'n̈ xo nacion̈, caw wal tzc'an̈ cob' scot eb' yujto niwn sb'isl eb', lajn wal sc'an̈ scot eb' 'icha sc'an̈ sq'ue wan a mar. Caw wal cob' tz'el yaw eb' nacion̈ chi scoti, 'icha wal sc'an̈ yem pawnjoc a niwc a'.

Is 30:6

Yaljnac Dios 'ixtc yuj no 'ictzum noc' tzlaj 'ec' 'a sat lum Neguev: A jun lugar cha, caw wal 'ay smay. Ata cajn 'ec' no león, til wal yel yaw no ta', 'ay no niwc chan, yet' no chan tzlaj jen̈wi. Ata tzb'ey no chej yet' no cameyo tzlaj cuchnc 'at sricoal chon̈b' Judá, yic tzya'n siylab'oc 'a Egipto, jun chon̈b' to matz colwj jab'oc.

Is 59:9

Yuj cha, tzeyaln 'ixtic: A ticnec b'i'an, 'ix cojquejec 'eli tas yuj matz on̈ colx 'el 'a yol sc'ab' eb' tzon̈ 'ixtni; cob' tan̈b'il sjaw sacq'uinl 'ayn̈ec, palta cojxn q'uic'q'uinl oyn 'och 'ayn̈ec, tan̈b'il cob' cujec b'a'n̈ tzon̈ colxec 'a yol sc'ab' eb' tzon̈ 'ixtn cha.

Is 8:22

ax cob' yemx q'ueln eb' 'a sat lum tic. Cojxn cusc'ojlal 'oj scha sb'a eb' yet'oc, atn yailal yet' q'uic'q'uinal. 'Icha to 'oj yamxoc 'ejm eb' yuj q'uic'q'uinl cha. Man̈x 'oj stac' scoln sb'a eb' 'a 'a.

Jeremías 13:16

A tze na'a, to 'oj jawc sacq'uinal, palta to 'oj wach' q'uic'b'oc si'mb'il yu'uj. Yuj cha, meltzjan̈c 'a Jehová qui Diosalec, tzeyaln q'uet e mul, ya' sb'a mantzac ex telw 'a lum tzalctac yuj q'uic'q'uinl 'oj ya' coti.

Jeremías 30:5

'Ix yaln 'ixtic: Caw tz'ab'x yel 'aw yuj xiwc'ojlal, man̈x 'a jac tzaljc'ojlal.

Jeremías 50:42

Yet' eb' sjul-lab', yet' eb' slanza. Yel xo wal caw ow eb', matz 'o'ch xon jac sc'ojl eb'. Lajn yel yaw eb' 'icha sc'an̈ a mar, 'ay q'ue eb' 'a yib'n̈ chej. Lista xo yaj eb' scot wul yac' owl 'a Babilonia.

Jeremías 6:23

Yet' eb' sjul-lab', yet' slanza, caw yel xo tu eb', man̈xtzac 'o'ch sc'ojl eb'. 'Icha sc'an̈ a mar 'ixta sc'an̈ sb'ey eb' 'ay q'ue 'a yib'n̈ chej. Lista xo yaj eb' scot wul yac' owl eyet' ex cajn ex 'a Jerusalén, xchi Dios.

Lm 3:2

In spechcn 'at 'a scal q'uic'q'uinl 'aj may xon jac sacq'uinal. In ya'n b'ey 'a b'e yic may in cantil wet'i.

Ez 26:3

Yuj cha, an Jehová Yajl in, an tzwal 'ixtic: Ach Tiro, a ticnec tox in 'och 'ajc'ojlal 'ayach. An tzwala ax yoch pax jun tzo'n̈ xo nacion̈ 'ajc'ojlal 'ayach, 'oj cot eb' 'aych 'icha sq'ue wan b'alb'noc yib'n̈ a mar yuj 'ic'.

Jl 2:10

Caw tz'ib'x lum lum 'a yojltac e no', tzi'mj pax satcha'an̈. Tztup yoc c'u yet' yoc 'uj yuj yen̈l no', man̈x checloc swetzwni c'anal.

Am 5:18

'Oltac wal eb' tznib'j tzjaw jun c'u yic yowl sc'ojl Jehová. ¿Eyojc am wal tas 'oj jawc 'a eyib'n̈ 'a jun c'u cha? A wal 'a jun c'u cha, q'uic'q'uinl xoj 'oj 'ajoc, man̈x 'a sacq'uinal.

Am 8:9

An Jehová in, an tzwal 'ixtc yuj jun c'u 'oj jawc cha: Caw wal chimc'ual, ax wa'n 'och q'uic'q'uinal, yic wach' yem yoc c'u, ax wa'n q'uic'b'oc 'el yolyib'n̈q'uinl tic.

Mt 24:29

A 'a yic 'oj lajwc 'ec' jun niwn yailal cha, 'oj 'och q'uic'q'uinl 'a c'u, 'oj tup yoc 'uj, ax yemt jun tzo'n̈ c'anal, yujto 'oj stzicb'tan̈c Dios tas 'ay 'a satcha'an̈.

Apoc 6:12

A jun tzcuch Calnelu cha, 'ix wiln sn̈i'chtan pax jun swacl seyo. 'Ix 'ec' jun quixcab' caw ow. A c'u, caw q'uic' x'aj 'icha lopil. Ax 'uj, caw chac x'aj 'icha chic'.