Is 5:18 - Chuj San Sebastian Bible

¹⁸ 'Oltac wal eb' tz'i'n b'ey maysch'olnil yet' ya'm 'esal, lajn eb' 'icha junc wacx to'jnac junc careta.

Chuj San Mateo Bible

¹⁸ Ob'iltac ex mach ex max eyactej e c'ulan chucal chi', malaj yalan tas tze c'ulej chi'. Ichato n̈erb'il chucal chi' eyuuj, icha sn̈erchaj junoc carreta tzec'b'iloch d'a tas sn̈eran chi'.

Is 5:18 Iomraidhean Croise

Salmos 10:11

Tznan eb' maysch'olnil chi 'ixtic: Satnc sc'ojl Dios 'ayon̈, chuc 'aj q'ueln 'ati, matz on̈ yil xon jab'oc, xchi eb'.

Salmos 14:1

A eb' tu sb'eyb'al, may Dios snan eb'. 'Ix juw 'el snab'en eb' smasnil. Til wal tas yajb'entac xlaj sb'o eb', man̈x 'a junc mach tzb'on tas wach'.

Salmos 36:2

Tzyalch sb'a eb' wach'il, man̈ 'ojcab'ilc smul eb' chi snani; palta matz yactj eb' sayn smuloc.

Pr 4:17

Caw tznib'jn̈ej eb' sb'o maysch'olnil 'a yit 'anma'il, 'icha qui nib'n wa qui b'a.

Is 28:15

Yujto eyaljnac ab' 'ixtic: 'Ay jun qui trato qui b'ojnac yet' syajlil chamel, a yic 'oj jawc jun tas tzon̈ satn 'eli, ma'oj jawc jun chi 'ayn̈ec, yujto xca' qui trato yet' chamel, to a 'es yet' tas man̈ yeloc a tzon̈ colnec, xe chi.

Jeremías 23:10

A wal jun nacion̈ tic, caw b'ut'n yuj eb' tzb'on 'ajmulal, yuj eb' 'anma caw tz'a'n 'ip sb'on maysch'olnil. Tzc'anlb'ej eb' yip smasnil yic tzyixtn eb' yit 'anma'il. Yuj wal cha, 'ix scatb'an can Jehová lum lum tic. Yuj cha, 'ix tacj chan̈ lu'um, 'ix tacj pax 'el te c'ultc tzlo e no noc'.

Jeremías 23:14

'Ix wiln pax eb' tzyalch sb'a in checb'oc 'a Jerusalén, tzb'o eb' 'anma tas caw tu'. Tzb'o eb' 'ajmulal, tzyixtn eb' yit 'anma'il, tz'iptzax eb' sb'on maysch'olnilal yuj eb'. Yuj wal cha, may junc eb' tzyij 'el sb'a 'a scal maysch'olnil. A wal 'a in sat, a jun tzo'n̈ 'anma tic, yet' eb' cajn 'a Jerusalén, caw lajn eb' 'icha eb' 'aj Sodoma yet' eb' 'aj Gomorra.

Jeremías 23:24

May xon junc lugar 'aj wach' e c'ub'n 'el e b'a 'a in sat. An tic, 'aynn̈ej 'ec' 'a satcha'an̈ yet' 'a sat lum tic.

Jeremías 36:23

A yic xlajw yawtn win Jehudí 'oxe', mto chan̈ macn̈ yojl ch'an̈ un̈ cha, ax win rey cha, 'ix scotc poln 'elt win ch'an̈ yet' jun q'uen cuchlub' tzc'an ewin 'ajtz'ib', xlajw cha, xya'n 'at win ch'an̈ 'a yib'n̈ c'ac' cha. 'Ixta xyutj win sn̈usn smasnil ch'an̈ un̈ cha.

Jeremías 5:31

Cojn 'es tzyal-l eb' tzcob' yalch sb'a in checb'oc. Ax eb' ya'mal 'och sti eb' 'anma 'ayin, tzyac' eb' yajlil 'icha tas tznib'ej. Ax jun in chon̈b' tic, wach' tzyab' 'ixta'. Palta ¿tas wal 'oj yutc sb'a eb', yic 'oj jawc jun slajb' tiempoal? xchi Dios.

Ez 13:22

Yuj eyixtm 'anma'il xlaj eya'nc cus sc'ojl eb' tojl snab'en. A jun cha, caw matz in nib'j an tic. Ax eb' maysch'olnil sb'eyb'al, tzeyac' sc'ojloc eb' sec matz jel eb' sb'eyb'al yic tzchan eb' sq'uinl 'ayin.

Sofonías 1:12

A 'a jun tiempoal cha, 'oj in tzictajc smasnil 'anma cajn 'a chon̈b' Jerusalén. 'Oj wa'ch syailal eb' 'anma may jac tas tzna'a, tzlaj cob' yaln eb' 'ixtic: A Jehová toc 'ay tas tzpactzej 'ayn̈ 'a wach'il, matz pactzej pax 'ayn̈ yet' yailal, xchi eb'.

Jn 16:2

Yujto 'oj ex spech 'elt eb' quit israelal 'a yol scapiya. 'Ay wal jun tiempoal 'oj jawoc, yaln̈ej mach 'oj e milni, ax snan eb', to a Dios wan ya'n servil eb'.

A Tas Sc'ulejnac Eb' Schecab' Jesús Hechos 26:9

A wal in nab'en 'a yic yalan̈, til wal tas tu wa'jnac 'a eb' yic Jesús 'aj Nazaret. A in nani, caw wach' wutjnac in b'a,

Jueces 17:13

'Ix sna winac, to 'oj scha syaxilal Jehová, yujto levita jun 'aych ya'malc 'och sti 'a sdiosal cha.

Jueces 17:5

'Ixta 'ix 'aj yatut Micaía yoch yatutoc comn dios. 'Ix ya'n win b'o jun chaleco yic eb' ya'mal 'och sti eb' 'anma', yet' jun tzo'n̈ xo yechel. 'Ix ya'n pax 'och win junc eb' yunnal ya'malc 'och sti' eb' 'anma 'a sdiosal cha.