Is 49:8 - Chuj San Sebastian Bible

⁸ A Jehová a tzaln 'ixtic: 'Ix c'och stiempoal in ch'oxn in wach'c'ojlal, yic tzin pacn tas tza c'an 'ayin. Xc'och stiempoal wa'n a colnb'il, yuj a'n 'el'choc in trato yet' eb' in chon̈ab'. Tza b'on pax in chon̈b' 'a 'icha xon yaji, sec wach' tzyij pax eb' israel chi smacl 'a lum lum sictac 'ajnc can sat.

Chuj San Mateo Bible

⁸ Syalan Jehová d'a schecab' icha tic: Ayic ol c'och stiempoal in ch'oxan in vach'c'olal, ol ach in colo', ol in pacan tas ix a c'an d'ayin. Ol ach in tan̈vej, ol ach vac'och yic tzac'anelc'och in trato yed' masanil chon̈ab', yic sb'ochajxiq'ue in chon̈ab', yic tza pojanxiec' smacb'en eb' d'a lum luum cannac tz'inan.

Is 49:8 Iomraidhean Croise

A Ch'an̈ Schab'l Libro Samuel 7:13

A 'oj b'onc chan̈ junc watut yic 'emmquilal cha, ax eb' yin̈tl 'oj ya'n̈j yajlil 'a sdespacho 'a smasnil tiempo.

Salmos 2:8

C'an 'ayin, ax wa'n jun tzo'n̈ niwc nacion̈ 'ayach, ax eca'an smasnil yolyib'n̈q'uinal, masnto 'aj tzlajw c'ochi.

Salmos 69:13

Palta an xo tic Mamin Jehová, a 'aych tzin leslwi. Ach in Diosal colwjan̈ wet' ticnec. Caw niwn a chamc'ojlal, ta'wj in yujto 'aych 'ochn̈ej wet'oc, yuj cha, coln 'el ticnec.

Salmos 75:3

Wach'xam 'oj 'ib'xoc lum lum tic yet' smasnil tas cajn 'a sat, an 'oj wac' yip smasnil yipnub'al yich lu'um.

Is 26:3

Mamin Jehová, ach tzac' sjunc'ojlal eb' to te'nn̈ej yaj snab'en, yujto cojn ach 'aych 'och yipc sc'ojl eb'.

Is 27:3

An Jehová in tic an tzin tan̈wj te', jab'jb' scal tzwa'n 'och yalil, tan̈b'il wuj 'a 'ac'wal yet' 'a c'ual, sec may tas tz'i'n te'.

Is 41:10

Man̈ ex xiwoc, 'ayn 'ec' eyet'oc. Man̈ ex 'och 'il, yujto an ton e Diosal in. An tzwac' eyip, an tzex in colo, an tzex in yamch wan yet' wip tzin c'anlb'ej 'a stojlal.

Is 42:1

Tzyaln pax Dios 'ixtic: A jun tic in checab', an 'ayn 'och yet'oc, an in si'jnac 'eli, caw tzin tzalj yet'oc, 'oj wa'cn 'och Wespíritu 'a 'a, sec 'oj sb'oyaj eb' nacion̈ 'a stojlal.

Is 42:6

An Jehová in an ach wawtej, sec tza b'o tojlal 'a sat lum lu'um. Caw tan̈b'ilch wu'uj. Ach 'oj ach in c'anlb'oc yic 'oj in b'onc in trato yet' eb' 'anma', ax ochcn sacq'uinlal 'a jun tzo'n̈ xo nacion̈.

Is 44:26

Palta an tic, tzwac' 'el'choc tas tzyal eb' in checab', sec wach' tz'aj 'el'ch tas tzyal eb' cha. An 'oj walxi ax scajx pax Jerusalén jun 'ejm xo, ax eb' lum chon̈b' juwnac can 'a yol yic Judá, 'oj 'ajxoc b'o eb' jun 'ejm xo. An 'oj wala', ax sb'ox eb' jun 'ejm xo 'a yet'l 'aj juwnac cha.

Is 49:19

A a chon̈b' mac'b'il can 'ejm lan̈chjoc, cusltac yajcni, palta ax ticnec, man̈x 'oj yab' lum scajn eb' 'anma cha. A eb' 'ajc'ojl satjnacch 'el cha, najt xo x'atcn eb'.

Is 51:16

An xin jen̈b't satcha'an̈, xin b'on pax lum lu'um. An pax xwac' eyal-l in paxti'. Tzex in coln pax yet' yipl in c'ab', yuj cha, xwaln 'ixtc 'a yib'n̈ Sión: A jun chon̈b'al eb' 'anma tic, caw yel wic eb', xin chi, xchi Dios.

Is 51:3

'Ixta 'oj wutc wa'n in wach'c'ojlal an Jehová in 'a yib'n̈ eb' 'aj Sión, atn jun chon̈b' mac'b'il 'ejm lan̈chjoc. A eb' lum tacn̈ lu'um, 'oj 'och eb' lum yaxlumal, 'icha lum 'aj 'ay te 'awb'ente 'a Edén. Cojxn tzaljc'ojlal, b'it yet' alj yuj diosal 'ay 'ayn ta'.

Is 54:3

yujto 'oj lewnb'oc slugar cha. 'Oj yi'cn 'ec' slum eb' 'anma cajn 'a stz'ey 'a swach' c'ab' yet' eb' 'ay 'a stz'ey 'a surito; ax eb' yin̈tl b'aq'uin̈, a eb' 'oj cajnoc jun tzo'n̈ xo nacion̈ 'aj sictac yajcn jun tzo'n̈ chon̈b' cha, xchi Dios.

Is 55:6

'A'c 'och Jehová yipc e c'ojol, ya' sb'a chab'ilx to yu'uj, 'awjan̈c 'a 'a, ya' sb'a to la'nto yaj 'a e tz'ey.

Is 57:13

A yic 'oj 'el eyaw e c'ann in colwal, an xo tzwal 'ayex to a cab' eb' e diosal chi tzex colni. A eb' cha lajn eb' 'icha c'alem, 'oj 'utz'xoc 'at eb' yuj 'ic'. Ax pax eb' tzin 'a'n 'och 'a sc'ojol, 'oj can cajn eb' 'a jun chon̈b' tic, 'oj can eb' 'a lum tzaln to wicn̈ej yaji, xchi Dios.

Is 58:12

'Oj e b'ox chan̈ e chon̈b' 'a yet'l 'aj lan̈chjnac can 'ejmi. 'Oj eya'x 'ejm 'a yib'n̈ yipnub'al yich b'ob'il can xon 'a yic pecti'. Ax yalx eyu'uj, to b'om ex pax smuroal chon̈ab', b'om ex pax n̈a lan̈chjnac 'ejmi.

Is 58:5

A jun tzeyal c'ajb'c'ojlal cha, to tzeya'ch e b'a 'a cusc'ojlal, tz'em pacn e jaj 'icha eb' te 'aj, tzlaj ex 'ec' c'otn yet' e n̈achtac pichl 'a yib'n̈ stan̈il c'ac'. Atn jun chi tzeyal cob' c'ajb'c'ojlal, tzeyaln paxi to chab'il ex wuj yet' jun e nab'en cha.

Is 61:2

Tzwaln 'eli, to tox xjaw sc'ul yajx colnb'il tzyac' Jehová, xjaw sc'ul ya'n Dios spac 'a eb' 'ajc'ojol. Checb'iln cot yu'uj, yic tzwul wa'nc sniwnal sc'ojl eb' 'ay scusc'ojlal.

Is 61:4

'Oj scha b'oc pax chan̈ eb' jun tzo'n̈ schon̈b' satnc can 'ejmi, ax sb'on eb' sjel jun tzo'n̈ n̈a lan̈chjnac can 'ejm 'a yic pecti cha.

Is 65:9

'Oj wactc can jaywn̈ocx eb' yin̈tl Jacob, sec wach' 'ay eb' 'anma cajn 'a eb' lum jolmctac witz 'a yol yic Judá. A eb' sic'b'il 'el wu'uj, 'oj can cajn eb' 'a lum lum tzwac' yico'oc cha, 'oj can cajn eb' in checb' chi ta'.

Mt 26:28

Yujto a jun tic in chiq'uil. Yuj in chic'l tic, 'oj 'el'choc jun strato Dios tzat yac' 'ayex. 'Oj 'elcn in chic'l tic, sec wach' til wal mach 'oj 'ajxoc can lajwc smul yu'uj.

2 Co 6:2

Yujto a tzaln 'ixtc 'a Ch'an̈ U'un̈: Xc'och stiempoal in ch'oxn in wach'c'ojlal yic tzin pacn tas tza c'an 'ayin. Xc'och stiempoal wa'n a colnb'il, xchi Dios. A ticnec, tox 'ix jaw jun tiempoal wach' yaljnac tic. Tox 'ix jaw stiempoal tz'ajx qui colnb'ilec ticnec.

Ef 1:6

Yuj cha, tzcalc wach' paxti 'a 'a, yujto caw niwn yel'ch swach'c'ojlal. 'Ix ch'ox wal swach'c'ojlal tic 'ayn̈ec, yujto junxn̈ej cajc yet' Yunnal, atn jun caw chamc'ojlb'il yu'uj.

A Ch'an̈ Carta D'a Eb' Hebreo 12:24

Ata 'ayc' pax Jesús, atn tz'a'n 'el'choc jun yac' trato Dios. Ax schiq'uil, a tz'i'n 'el qui mul 'ayn̈ec, 'icha to tzicx cot 'a quib'an̈. A schic'l cha, 'icha to a tzc'ann niwnc'ojlal 'a quib'n̈ec. Man̈ 'ichaoc schic'l win Abel, to tzc'an spac yuj schamlil.

A Ch'an̈ Carta D'a Eb' Hebreo 5:7

A yic yec' Cristo 'a yolyib'n̈q'uinl tic, leslwnac, sc'ann tas 'a Dios. Caw 'ip leslwnac, caw wal 'o'nac. Ax Dios a 'ay spoder scoln 'el 'a yol sc'ab' chamel. Yab'jnac Dios slesl Cristo, yujto 'emmquilal yutjnac sb'a 'a 'a.

A Ch'an̈ Carta D'a Eb' Hebreo 8:6

Palta a jun tz'a'n 'och qui tic 'a Dios ticnec, yel xo wal 'ec'b'al swach'l yopiso 'a yib'n̈ yopiso eb' cha. Yujto a tz'a'n 'el'choc jun strato Dios ya'jnac 'ayn̈ec. A jun strato cha, yel xo wach' 'a yib'n̈ jun 'a b'ab'el, yujto a jun tzo'n̈ tas ya'jnac Dios sti yu'uj, yel xo caw wach'.