Is 49:3 - Chuj San Sebastian Bible

³ 'Ix yaln 'ayn 'ixtic: Ach yin̈tl Israel in checb' 'aji, ojn̈ej ax checlj 'eli to niwn wel'chi, xchi.

Chuj San Mateo Bible

³ Yalannac d'ayin icha tic: Ach Israel in checab' ach, uuj ol checlaj in vach'il, xchi d'ayin.

Is 49:3 Iomraidhean Croise

Is 41:8

Tzyal Dios 'ixtic: Ex israel yin̈tl can Jacob 'ab'xnan̈c 'a tas tzwala, caw yel in checb' eyaji, an si'jnacx 'eli, ax tic yin̈tl ex can in wach'c'ojl Abraham.

Is 42:1

Tzyaln pax Dios 'ixtic: A jun tic in checab', an 'ayn 'och yet'oc, an in si'jnac 'eli, caw tzin tzalj yet'oc, 'oj wa'cn 'och Wespíritu 'a 'a, sec 'oj sb'oyaj eb' nacion̈ 'a stojlal.

Is 43:21

B'ob'ilx wu'uj, yic tzeyaln wach' paxti 'ayin.

Is 44:23

A satcha'an̈, 'el cab' yaw sb'itn 'a tzaljc'ojlal yuj smasnil tas sb'ojnac Jehová. A xab'l yich lum lu'um, q'ue cab' yaw, ax eb' lum niwc witz, eb' lum tzalctac, yet' eb' te niwc te smasnil, ya'l cab' eb' yaw yuj tzaljc'ojlal. Yujto a Jehová tox 'ix sch'oxl stzictznial yic 'ix 'ajx 'el eb' israel 'a libre, atn eb' yin̈tl can Jacob.

Is 50:10

Ex to 'ay yel'ch Jehová 'a e sat, ex tzeyab' tas tzyal schecab': Toto scal q'uic'q'uinl tzex b'eyi, 'a'c 'och Jehová yipc e c'ojol, cann̈ec yamn 'a qui Diosal.

Is 52:13

Yuj cha, xyaln Jehová 'ixtic: A jun in checb' tic, 'oj sta'n̈j yu'uj, yel xo wal niwn yel'ch 'oj 'ajoc, 'oj b'inaxc 'a scal 'anma', ax yijx chan̈ sb'i.

Is 53:10

A Jehová a 'ix 'a'n yab' syail, 'icha wal yaj snani. 'Ix ya'n sb'a xajmb'al-l 'a yol sc'ab' chamel, sec tz'ajx lajwc smul smasnil 'anma yu'uj. Yuj cha, pitzn 'a jun 'ejmn̈ej. A jun cha, til wal 'oj 'aj yin̈til, ax ya'n 'el'choc Jehová tas nab'il yuj 'a yib'an̈.

Lv 10:3

Xlajw cha, xyaln Moisés 'a Aarón 'ixtic: —Yuj jun tic, x'el'ch tas yaljnac Jehová 'ayin yic yaln 'ixtic: A eb' tzin 'a'n servil, yowlal 'ay cab' wel'ch 'a sat eb'. 'Oj in ch'oxli to niwn wel'ch 'a smasnil eb' israel, xchi Dios, xchi Moisés. Ax Aarón man̈x 'a tas 'ix yala.

Zacarías 3:8

Tzcham wal ab'n ticnec ach Josué, ach tic, sat ya'mal 'och sti eb' 'anma aji. Cham wal ab'n yet' eb' 'aych yopiso et'oc, yujto ax tic, ch'oxnb'il eyaj yuj jun mach wan sjawi, atn jun in checb' 'oj 'eltoc 'a scal eb' yin̈tl Isaí, 'oj 'ajxoc sb'ic Swol.

Mt 17:5

Wanto spaxtin Pedro cha, 'ix 'eml jun 'asn caw tzictzni yilx 'a yib'n̈ eb'. Xlajw cha, 'ix alx 'emt jun paxti 'a scal 'asn cha, 'ix yaln 'ixtic: —Atn jun Wunnal tic chamc'ojlb'il wu'uj, caw tzin tzalj yet'oc. 'A'c 'och e chicn 'a tas tzyala, xchi.

Jn 12:28

Mamin, checlj cab' 'eli, chajtlto caw niwn el'chi, xchi Jesús. Xlajw cha, 'ix yab'n eb' yoch jun paxti 'a satcha'an̈, 'ix yaln 'ixtic: —Tox xin ch'oxo chajtlto niwn wel'chi. Al ticnec, 'oj in ch'ox pax jun 'ejm xo, xchi.

Jn 15:8

Toto niwn 'oj e satni, 'oj checljoc 'el eyu'uj, to niwn yel'ch in Mam. 'Ixta 'oj eyutc e ch'oxn 'eli, chajtlto yel in cuywum ex.

Jn 17:1

Xlajw yaln Jesús jun tzo'n̈ cha, 'ix q'ue q'ueln 'a satcha'an̈. 'Ix yaln 'ixtic: —Mamin, tox xjaw stiempoal yic tza ch'oxn 'eli to niwn wel'ch an Onnaln tic. Ax in ch'oxn paxi, to caw niwn pax el'chi.

Jn 17:4

A yic 'ayn 'ec' 'a yolyib'n̈q'uinl tic, xin ch'oxo, to caw niwn el'chi. A jun munljel tic 'ac'b'il can 'ayn o'oj, 'ix b'o 'el'ch wu'uj.

Ef 1:6

Yuj cha, tzcalc wach' paxti 'a 'a, yujto caw niwn yel'ch swach'c'ojlal. 'Ix ch'ox wal swach'c'ojlal tic 'ayn̈ec, yujto junxn̈ej cajc yet' Yunnal, atn jun caw chamc'ojlb'il yu'uj.

2 Ts 1:10

A 'a yic jun c'u yic 'oj jawc Cajlilec, caw niwn yel'ch 'oj 'aj 'a qui satc an̈ yic on̈c xo. Qui masnil an̈ creyente on̈ec, 'oj ca'c 'ejm qui b'a 'a 'a. Locn ex quet' ta 'on̈, yujto eya'jnac 'och e c'ojl 'a jun 'ab'x 'ec' caljnac 'ayx on̈.

A Sb'ab'el Carta San Pedro 2:9

Palta an̈ec xo tic, junxn̈ej quin̈tl qui masnil 'a sat Dios, yujto sic'b'iln̈ec xo 'el yu'uj. 'Ayx copisoec ca'n 'och qui ti 'a Dios, tzca'nec servil qui Reyal. Caw junxn̈ej chon̈b'al cajc 'a sat Dios. Cojn wal 'a tzca'c servil. Yic on̈c xo qui masnil ticnec. 'Ixta tzon̈ 'ajec, sec wach' calnec 'eli, chajtlto man̈ jantcoc swach'l Dios. Yujto a on̈ 'awtnec 'elt 'a scal q'uic'q'uinal, yic on̈ 'ochc 'a jun sacq'uinl caw wach', atn jun yico'.