Is 48:8 - Chuj San Sebastian Bible

⁸ Yel toni, a jun tic mant 'a 'aj eyab'jnac, mant eyojcoc, an̈jtona mantzac eyab' pax ticnec. Yujto wojtac to man̈ ex yiclumoc, tenmtacx xon 'a yic mantzac ex 'alji.

Chuj San Mateo Bible

⁸ Yel toni, a jun tic manta b'aj eyab'nac, manto eyojtacoc, an̈eja' manto eyab'pax ticnaic. Yujto vojtactaxoni to max e c'anab'ajej, pit ex yictax ex alji.

Is 48:8 Iomraidhean Croise

Salmos 40:6

Ach tic matz a nib'j no noc' tz'ajx xajmb'alil, yet' jun tzo'n̈ xo tas tz'ajx ofrendail. May xon junc xajmb'al xa c'ana, no xajmb'al to tz'a smasnil, no xajmb'al yic tz'ajx lajwc mul. A eco' to 'ix a jac in chiquin sec yiclum tzwutj in b'a 'ayach.

Salmos 51:5

Wal yel a yic in 'alji, toxnto may in ch'olnil. Yictax 'aynto 'ec' 'a yol sc'ojl in nun, man̈ in wach'oc.

Salmos 58:3

A eb' tzb'on maysch'olnil, 'ayt 'ec' eb' 'a yol sc'ojl snun, tzcuyn eb' tu nab'enal. A eb' 'a'm 'es, cojn tz'alj eb', tzcuyn sb'a eb' ya'n 'es cha.

Is 21:2

Caw wal 'ay xo smay jun tas x'ajx wil tic 'a 'icha waychil. A mach toxn to tu snab'en, caw tu tas tzb'o'o, a mach milwjum xoni, caw tzmilwjn̈ej. 'Ixquec mu'c 'a owl ex 'aj Elam, ex 'aj Media, 'ochn̈ec oyn 'a chon̈b' Babilonia. Smasnil jun tzo'n̈ yailal xya'ch Babilonia cha, c'uxn 'oj 'och wan yuj Jehová.

Is 26:11

Mamin Jehová, caw wach'x yaj yailal o'oj, palta matz nachj 'el yuj eb' 'anma'. A yic 'oj yilnc eb' a niwquil chamc'ojlal 'a eb' a chon̈ab', caw 'oj q'uixwc can 'el eb' 'ajc'ojl yajch 'ayach, satl cab' eb' yuj yowl a c'ojl tzn̈ilchj 'icha te c'ac'.

Is 33:1

'Oltacch wal ach satm 'el 'anma', a ticnec mant 'a mach tzach satn 'eli, ach macm sat 'anma', mant 'a mach tzmacn a sat 'a junc tas. At 'a yic 'oj 'och wan a satn 'el eb' 'anma', atta 'oj a satx 'eli, at 'a yic 'oj 'och wan a macn sat eb' 'anma', atta 'oj macxoc a sat.

Is 42:25

Yuj wal cha, 'ix cot yowl Dios, xya'n 'och yailal 'a yib'n̈ eb', 'ix jaw wal jun niwquil owl 'a yib'n̈ eb', 'icha wal sn̈ilchj te c'ac', 'ixta 'ix 'aj sjawi; palta man̈ yujoc cha 'ix sna sb'a sc'ojl eb'.

Is 46:8

Nacc cot jun tic ex 'ajmul, tzcham wal e nan tas in b'ojnac, q'uixwan̈c 'eli.

Is 47:11

Palta a yic 'oj jawc tas man̈ wach'c 'a eb'an̈, man̈x 'oj stac' a coln a b'a yet' tas cuyb'il oj cha. 'Oj jawc cusc'ojlal 'a eb'an̈, palta ma'oj stac' a tenn 'och wa'an; a wal yic man̈ nanoc o'oj, ax sjaw tza'njoc yailal chi 'a eb'an̈.

Is 48:4

Yujto wojtac to caw wal pit ex, matz eyij 'ejm e b'a, matz ex q'uixw pax jab'oc.

Is 48:7

Atn jun tzo'n̈ tas tzat in chaj 'el yich waln tic, man̈ alb'ilc eb' 'ayx 'a pecti', jun tzo'n̈ tas to mant 'a 'aj tzeyab' xon yalxi masnto ticnec. Sec ma'oj stac' eyaln 'ixtic: Cojc xo jun tic, man̈ xe chioc.

Is 50:5

A Jehová Wajlil a 'ix 'a'n sjelnal in nab'en, caw man̈ tenmtacc xwutj in b'a, ma'in 'elcn ch'umn 'a 'a.

Is 57:4

¿Mach 'aj tzex b'uchwj tze na'a? ¿Mach jun chi tzeyetz'tej, tzlaj e ju e sat 'a 'a? Ax tic, caw wal tenmtaquex, 'a'm ex 'es.

Jeremías 3:20

An Jehová in, an tzwala, to lajn wal xeyutj e b'a 'icha junc 'ix 'ix caw tu tzyutj sb'a 'a yichmil, 'ixta xeyutj e b'a 'ayin.

Jeremías 5:11

An Jehová in, an tzwala to 'ixta 'oj 'ajoc, yujto in yactj can eb' 'aj Israel yet' eb' 'aj Judá, xchi Dios.

Jeremías 5:21

Ex chon̈b' to may jac e nab'en, a ticnec 'ab'c jun tzo'n̈ tic. 'Ay yol e sat, palta matz eyila, 'ay e chiquin, palta matz eyab'i.

Jeremías 6:10

In ta'w 'ixtc 'a 'a: ¿Mach 'ajtil 'oj wala', sec 'oj yab' jun 'ab'x 'oj wal 'a tic? Mamin, 'icha wal to macn schicn eb', caw matz yab' eb'. Ton̈j tzb'uchwj eb', matz chaj sc'ojl eb' a paxti'.

Os 5:7

Yujto tenmtac tzeyutj e b'a 'ayin, 'ay eyunnal mitz' 'unn yaji. Yuj cha, a 'a yol stiempoal e q'uin̈ tzeya'ch 'a yic tzpac' 'uj, ata 'oj e satl e masnil yet' e lu'um.

Os 6:7

Palta ax in chon̈b' ex tic, 'ix e ten in trato, ma'ix eyiclj 'ayin, 'icha ya'jnac Adán.

Os 7:9

A eb' chuc chon̈b'al 'ix 'i'n 'el yip eb', palta matz yil cot sb'a eb'. 'Icha to sacx xil sjolm eb', palta matz yil sb'a eb'.

Malaquías 2:11

A eb' 'aj Judá, ma'ix syiclj eb' 'aj 'ix yac' sti 'a sat Dios. Caw 'ix ya'ch eb' smul, yel xo wal tu xyutj sb'a eb' 'a Jerusalén yet' 'a smasnil yol yic Israel. Caw xyixtj 'el eb' scajnub' Dios, atn jun caw chamc'ojlb'il yu'uj. A eb' winac, a jun tzo'n̈ eb' 'ix 'ix tzyal sb'a 'a jun tzo'n̈ sdiosal eb' chuc nacion̈al, a eb' 'ix xyij ewin yistziloc.

Ef 2:3

'Ixta cutjnaquec qui b'a qui masnil 'a yic yalan̈. Qui b'ojnaquec 'icha tzqui nib'ej. Cojn 'a jun tzo'n̈ maysch'olnil tznib'j 'och qui niwnalec tic, ata ca'jnaquec 'och qui nab'en. Yujto mun a qui nab'enec 'a'jnacn̈ec mandar. Yuj cha, smoj tz'ajx jun niwn yailal 'a quib'n̈ec, 'icha 'oj 'aj sjaw 'a yib'n̈ jun tzo'n̈ xo 'anma'.

Dt 31:16

'Ix yaln Jehová 'a Moisés 'ixtic: Ach tic jab'xoj wal 'oj a chami, ax jun chon̈b'al eb' 'anma tic, 'oj ya'cn 'at sb'a eb' 'a sdiosal jun tzo'n̈ chuc chon̈b'al 'ayc' 'a sat lum lum 'aj 'oj c'och cajn eb' cha. Yuj cha, ax in yactn can eb', ax sjun 'el eb' in trato 'ix in b'o yet'oc.

Dt 31:18

Palta wal yel 'oj wel ch'umn 'a eb' 'a jun c'u cha, yuj smasnil maysch'olnil tzb'o eb', yet' yuj pax to tzyal sb'a eb' 'a jun tzo'n̈ comn dios.