Is 48:1 - Chuj San Sebastian Bible

¹ A Dios a tzaln 'ixtic: 'Ab'c wal jun tic ex yin̈tl Jacob, ex tze cuch israel, yin̈tl ex pax can Judá. Tze loc in b'i an Jehová in tic, tzeyalni to tzex 'och 'emmquilal 'ayin. Ex israel, e Diosal in eyalni, palta man̈ yelc tzeyala, tzex paxtin 'a chab'satil.

Chuj San Mateo Bible

¹ A Jehová tz'alan icha tic: Ab'ec val jun tic ex yin̈tilal Jacob, ex tze cuch Israel, yin̈tilal ex pax Judá. Tze loc in b'i a in Jehová in tic, tzeyalani to tzex och ejmelal d'ayin e Diosal in, palta man̈ yeloc tzeyala', chab'satil tzex loloni.

Is 48:1 Iomraidhean Croise

Gn 32:28

Xyaln win 'a Jacob 'ixtic: —A ticnec man̈x 'oj a b'ic Jacob. Palta Israel 'oj a b'i'oc, yujto stac' 'a'n owl yet' Dios, yet' pax 'anma', xchi winac.

Gn 35:10

'Ix yaln 'ixtic: Ach tic tza cuch Jacob, palta ticnec man̈x 'ichcta 'oj a b'i'oc, a ticnec tza cuchcn Israel, xchi Dios 'a Jacob. Yic xlajw sjeln can Dios sb'i Jacob,

A Ch'an̈ Schab'il Libro Yic Yab'ixal Eb' Rey 17:34

Sb'eylb'ejn̈ej eb' 'icha xon sb'eyb'al 'a yaln̈taxi; matz 'och eb' 'emmquilal 'a Jehová, matz yiclj eb' sb'on 'icha yaln sley yet' schecn̈b'il jun 'ix 'ajx sb'eylb'oc eb' yin̈tl Jacob, atn jun 'ix 'ajx sb'ic Israel.

A Ch'an̈ Schab'il Libro Yic Yab'ixal Eb' Rey 5:20

ax win Giezi win schecb' Eliseo, 'ix snan 'ixtic: A win wajlil tic schaj 'at win Naamán 'aj Siria, toxn may jac schaj can win 'a jun tzo'n̈ yet' cha. Wal 'a sb'i Jehová tzin 'at 'a spatquil, yaln̈j tas 'oj wi'cn 'ec' 'a 'a, xchi.

Salmos 63:11

Palta an xo an reyn tic, 'oj wac' tzaljoc in c'ojl 'ayach. 'Oj b'itnc smasnil eb' tzb'inan a b'i 'a 'aj tzyac' eb' sti'. Ax eb' 'a'm 'es, sictac 'oj 'aj eb'.

Salmos 66:3

Calc 'a Dios 'ixtic: A wal a munljel Mamin, caw satjub'tac yilxi. Yuj wal a jelnal, caw tz'ib'x chan̈ eb' 'ajc'ojl 'a ojltac.

Salmos 68:26

E masnil ex yin̈tl Israel to yamn eyaj 'a tic, alc wach' paxti 'a Dios. Alc wach' paxti 'a Jehová.

Salmos 68:27

A 'a yojltac ata b'ab'l s'at eb' yin̈tl Benjamín, atn win tza'n 'unin. Til wal eb' syajlil yic Judá, eb' yic Zabulón, yet' eb' yic Neftalí, tza'n 'ochi.

Ex 23:13

Yicljec smasnil tas 'ix wal 'ayx tic. Man̈ eyal e b'a 'a jun tzo'n̈ tzalx 'och diosal, man̈ e b'inoc sb'i eb'.

Pr 5:16

May cab' onnal tz'el 'a eb' 'ix 'ix tz'ec' 'a yoltc b'e yet' 'a plas.

Is 26:13

Mamin Jehová qui Diosal ach on̈. Wach'xam 'ay jun tzo'n̈ xo ewin 'anma x'och qui yajliloc on̈, palta cojn ach tzach calch qui yajliloc ticnec.

Is 44:5

A 'a scal eb' chuc chon̈b'al, ata 'ay eb' 'oj alnc 'ixtic: An tic yic in Jehová, 'oj xchioc, ax junc xo 'oj alnoc chajtlto yin̈tl can Jacob. 'Ay pax junc 'oj yac' tz'ib'xoc 'och 'a sc'ab' 'ixtic: Yic in n̈ej Jehová, 'oj xchioc, ax ya'n 'och sb'i Israel sjolmoc sb'i, xchi Dios.

Is 45:23

Mun tzin loc in b'i, yic tzwa'n in ti', to yel tas tzwala, ma'oj in jel in paxti'. 'Oj 'em cumn smasnil 'anma 'a wojltac, ax ya'n eb' sti 'ayn smasnil.

Is 46:12

Ex pit 'anma'il, 'ab'c wal tas tzwala; caw wal man̈ tojloc e nab'en 'a in sat.

Is 51:1

A Jehová a 'ix aln eyuj 'ixtic: Ex tze nib'j b'ey e b'a 'a stojlal, ex to tze nib'j jawc e b'a 'ayin, macljec eyab' tas 'oj wala'. Tzcham wal e maclni eyila' 'aj cotnc eyin̈til, 'aj pax 'ay yin̈tl e mam eyicham.

Is 51:2

'Iltec nab'n e mam 'ichm Abraham yet' e nun chichm Sara. May yunnal eb', sch'ocj eb' schawn̈il yic xwawtn eb'. Palta xwac' in yaxilal 'a yib'n̈ eb', til wal x'aj sniwtj yin̈tl eb'.

Is 58:2

Junjn c'u tzcob' 'och eb' 'a 'emmquilal 'ayn yalni. Caw tzalj cob' eb', tznib'n eb' cob' yojcoc 'el in b'eyb'al. Lajn xo wal tzyutj sb'a eb' 'icha junc chon̈b'al eb' 'anma tzb'on swach'il. May 'aj tzyij 'el eb' snab'en 'a in checnb'il. Caw tznib'j eb' cob' yojcoc 'el jun tzo'n̈ checnb'il yic tojlal, tzch'oxn eb' 'ilxoc to 'ay stzaljc'ojlal eb' sjaw 'ayin.

Is 62:8

Yuj cha, yet' wal spoder Jehová xya'n can sti 'ixtic: Man̈x 'a wal b'a'n̈ 'oj wac' swa eb' 'ajc'ojl e trigo, ax wa'n yuc' eb' chuc chon̈b'al eyal uva tzeyij 'a e munljel.

Is 64:6

Qui masnil on̈, lajn quilx 'icha junc mach man̈ wach'c yaji. Smasnil tas wach' xlaj cob' qui b'o 'on̈, lajn xoj yilx 'icha junc nip yajb'entac yilxi. Yuj tas maysch'olnil xlaj qui b'o 'on̈, yuj cha, lajn on̈ xoj 'icha te xil te tzpucli, c'un xoj s'at yuj 'ic'.

Is 65:16

Tzann̈j mach 'a jun nacion̈ tic, to tznib'j tzchaj yaxilal, sc'an cab' 'ayn an Dios in 'a caw yel. Tzann̈j mach to tzyac' sti yuj junc tas, ya' cab' sti 'ayn an Dios in tic 'a yel. A smasnil yailal xlaj 'eq'ui, tox x'atcn 'a satc'ojlal wu'uj.

Jeremías 4:2

Toto caw yel tzin e b'inej an Jehová in tic, wal 'a stojlal yet' wal 'a swach'il. To 'ixta', 'oj scha smasnil nacion̈ in yaxilal, ax yi'n chan̈ pax eb' in b'i, xchi Dios.

Jeremías 44:26

Palta 'ab'c wal e masnil ex 'aj Judá, ex cajn ex 'ec' 'a Egipto tic tas tzyal Jehová 'ayex, yujto tzyal 'ixtic: An wal tzwa'cn in ti', to man̈x 'a junc eb' 'aj Judá tic 'oj in b'inan 'a Egipto tic yic tzya'n sti 'a junc tas.

Jeremías 5:2

'Ay cob' eb' tzin b'inan an Jehová in tic, palta tzin sb'inej eb' 'a ya'm 'esal, xchi.

Lv 19:12

An Jehová in an tzwala. Man̈ e loc in b'i 'a scal 'es paxti tzeyala. Toto 'ixta tzeyutej, man̈x 'a wel'ch 'a e sat.

Miqueas 2:7

Toc catb'tzab'il an̈ yin̈tl on̈ Jacob tic. ¿Tom xlajw sniwnc'ojlal Dios, yuj cha, 'ixta wal 'oj on̈ yutquec? xchi eb'. Yuj cha, tzyaln Jehová 'ixtic: Yel toni, wa'jnac in ti', to wach'n̈j tzwutj in b'a, palta cojn 'a eb' caw tojl tzyutj sb'eyb'al.

Sofonías 1:5

'Oj in satl pax smasnil eb' tzlaj q'ue 'a yib'n̈ span̈nil yatut yic tzlaj yalnc sb'a eb' 'a jun tzo'n̈ c'anal, yet' eb' tzlaj 'em cuman yic tzlaj slocn eb' in b'i, palta tzloc pax eb' sb'i jun comn dios tzcuch Milcom.

Zacarías 5:3

Xlajw cha, xyaln 'ayn 'ixtic: —A 'a ch'an̈, ata tz'ib'b'il jun yailal 'oj jawc 'a yib'n̈ smasnil eb' maysch'olnil sb'eyb'al 'a jun nacion̈ tic. Atn tic tz'ib'b'il 'a schapaq'uil: Jun pac' 'aj tzyal yuj smasnil eb' 'elc'um, ax 'a junx pac', ata tzyal yuj eb' 'a'm 'es, c'uxn 'oj satxoc 'el eb' 'a sat lum lu'um.

Malaquías 3:5

An Jehová tztac' wuj smasnil, an tzwal 'ixtic: 'Oj in jaw 'a e cal wul ex in b'eyc'ojloc. An wal 'oj wac' testigoal in b'a yuj jun tzo'n̈ eb' tic: atn eb' 'ajchum, eb' tzb'on 'ajmulal, eb' tz'a'n 'es, eb' man̈ tz'acnoc tzyutj stojn smajan, eb' tz'ixtn eb' 'ix chamnc yichmil yet' eb' meb'a 'unn chamnc smam, eb' matz b'onyaj eb' chuc chon̈b'al, yet' pax smasnil eb' may jac wel'ch 'a sat.

Nm 24:7

A 'aj 'ayc' chon̈b' Israel cha, caw wal 'ay a a wach' yu'n eb' 'anma', wach' pax ya'n 'och eb' yalil tas tzyawej. A sreyl eb', 'ec'b'al 'a yib'n̈ rey Agag. Caw wal niwn tas tztac' yuj jun sreyl eb' cha.

Mt 23:13

Ax xo ex cuywjum 'a ley yic Moisés yet' ex fariseo, caw 'oltac ex, caw chab'sat ex. Tze macch wan eb' 'anma', sec matz 'och eb' 'a yol sc'ab' Dios 'aj satcha'an̈. An̈jtona', 'ixta ex ax tic, matz ex 'ochi, matz e chaj pax 'och eb' tznib'j 'och sb'a.

Jn 1:47

Ax 'ix yiln 'at Jesús, wan sc'och Natanael 'a 'a. 'Ix yaln yuj 'ixtic: —A jun tzjaw tic, caw yel israel 'a sat Dios, may 'aj chab'sat tzyutj sb'a, xchi Jesús.

Jn 4:24

A Dios Espíritu, yuj cha, toto 'ay mach tzyal sb'a 'a 'a, yowlal tzyal sb'a eb' wal 'a yel, 'a 'esal, xchi Jesús 'a 'ix.

Ro 2:17

Palta 'ayx tzeyalch wal e b'a israelal si'mb'il, cojxn ley yic Moisés tzeya'ch wal yipc e c'ojol, caw tzeyij chan̈ e b'a, yujto schon̈b' ex Dios.

Ro 9:6

Wach'xam matz colchj eb' wit israelal smasnil, palta matz tac' calnec, to ma'ix 'el'ch jun tzo'n̈ tas 'aj ya'jnac can Dios sti 'a eb'. Yujto a eb' yin̈tl Israel cha, man̈ smasnilc eb' yel israel 'a sat Dios.

Ro 9:8

A jun tic, tzyal 'el'chi, may junc mach to yujn̈ej smam yicham, tz'och yunnalc Dios. 'Ay eb' yin̈tl Abraham pitzwnac 'eli, 'icha yaj ya'n can Dios sti 'a 'a. Cojn eb' yel yin̈tl Abraham 'a sat Dios.

Dt 10:20

'Ay cab' yel'ch Jehová 'a qui sat, cojn ton 'aj smoj caln qui b'a. Yiclum tzcutjec qui b'a 'a 'a. A yic 'ay junc tas 'aj tzcac' qui ti', cojn 'a sb'i Jehová tzcala'.

Dt 33:28

Ex wit chon̈ab', yelc'ojlal tzex can cajn 'a sat lum lum cha. A eb' eyin̈til, caw junc'ojlal 'oj 'aj yec' yuj eb' 'a sat lum lum cha. A 'a lum e lum cha, caw wach' 'oj 'aj 'ixm trigo yet' yal uva. May b'a'n̈ 'oj 'och wan ya'n n̈ab' 'a yib'n̈ lu'um.

Dt 5:28

Ya' sb'a wanto yaln eb' jun tzo'n̈ chi 'ayin, ax Jehová wan yab'n tas tzyal eb'. Yuj cha, xyaln 'ayn 'ixtic: 'Ix wab' smasnil tas wan yaln jun tzo'n̈ eb' 'anma tic. A jun snab'en eb' cha, wach' tzwab'i.

Dt 6:13

Cojn 'a Jehová Dios tzex xiwi, a tzeyac' servil. Cojn sb'i tze b'inej, yic tze ya'n junc e ti'.

1 Ti 4:2

'Oj ya'ch eb' schicn 'a jun tzo'n̈ 'anma tzyac' 'es. A eb' 'anma cha, caw chab'sat eb'. Toxn caw juwnac 'el snab'en eb' 'a jun 'ejmn̈ej.

Apoc 2:9

[Wojtac, jantcn̈ej tas tze b'o'o.] Wojtac, caw tzeyab' syal wu'uj. Caw meb'a 'ex, palta wal yel rico ex 'a sat Dios. Wojc paxi, chajtl tzex 'aj e b'uchx yuj eb' tzyalch sb'a israelal. Palta a eb' cha, atn win Satanás wan ya'n servil eb'.

Apoc 3:9

Yuj cha, a eb' tz'a'n servil win Satanás, atn eb' tzyalch sb'a israelal, 'oj wa't eb' 'ayex. Ax yem cumn eb' 'a eyojltac. 'Ixta 'oj wutc eb', sec 'oj nachjc 'el yuj eb', chajtlto chamc'ojlb'ilx wu'uj.