Is 47:8 - Chuj San Sebastian Bible

⁸ 'Ab' tas 'oj wala', cojn wal tas caw wach' yilx tza nib'j 'ochi. Man̈ jantcoc sja'l aj 'elt wocn 'a a despacho, yuj cha, tzcob' a nanc 'ixtic: Cojn in toni, may junc xo mach lajn wet'oc, ma'oj in can 'a to man̈x 'a wichmil, ma'oj in can pax 'a to man̈x 'a wune', xa chi.

Chuj San Mateo Bible

⁸ Yuj chi' ach chon̈ab' Babilonia, ab' val tas ol vala': Lajan ach icha syutej sb'oan sb'a junoc ix ajmul ix. Te junc'olalxo ajeq'ui, tza naan d'a a pensar to malaj junocxo mach lajan icha ach tic. Tza naani to malaj b'aq'uin̈ ol ach can icha junoc ix ix chamnac yetb'eyum, malaj b'aq'uin̈ pax ol ach can man̈ uninal a naani.

Is 47:8 Iomraidhean Croise

Is 14:14

'Oj in q'ue'ch 'a yib'n̈ q'ue 'asn cha, lajn 'oj waj 'icha jun mach caw niwn yel'chi, xa chi.

Is 32:11

Ax wal ax may tas tze na tic, xiwn̈ec cha'an̈, 'ijec 'el e pichl wach't 'aych eyu'uj; 'a'c 'och e pichl to n̈achtac sat, yic tze ch'oxn 'eli, to 'ayx 'och eyailal.

Is 32:9

Ax wal ax 'ixx tic, ¿toc 'ay tas tze na'a? 'Ab'c wal tas 'oj wal 'ayex.

Is 45:18

Mamin Jehová, ach b'ojnac satcha'an̈ yet' lum lum tic, wach' otjnac can 'a yet'ul, caw ach b'ojnac. Man̈toc sictac 'ajnc cani, palta to xcajxi. Ach aljnac can 'ixtic: Cojn in ton Jehová in, may junc xo.

Is 45:5

Cojn in ton Jehová in, may junc xo. May junc xo Dios, Cojxn In Toni. An 'oj wac' ep, wach'xam man̈ in ojcoc.

Is 45:6

Sec wach' tz'ojcax 'el yuj smasnil 'anma 'ay 'a stojlal 'aj tzq'uel c'u, masnto 'a eb' 'ay 'a stojlal 'aj tz'em c'u, chajtlto cojn in ton Jehová in, may junc xo.

Is 47:10

A tza na'a to wach'n̈j aj yet' a maysch'olnilal cha, tza nan pax 'ixtic: May mach tz'iln tas tzin b'o'o, xa chi. A tas ojc yet' a jelnal, a tzach 'ixtni; tza nan 'ixtc 'a a nab'en: Cojn in toni, may junc xo mach lajn in yet'oc, xa chi.

Jeremías 49:31

An Jehová in, an tzwal 'a eb' 'aj Babilonia chi 'ixtic: 'Ixquec, 'at 'a'c owl 'a jun chon̈b' to caw may jac tas tzna'a, caw tzaljc'ojlaln̈ej yajq'ui, may spuertail schon̈ab', may tas macjnac, caw cojn 'ayc' sch'ocoj.

Jeremías 50:11

Ax wal ax tic ex 'aj Babilonia, caw ex tzalji yic xeyelc'n 'at smasnil tas 'ay 'a eb' in chon̈ab'. Caw ex b'atj chan̈ 'icha junc no quelm wacx tzte'w trigo, tzeya'n 'el eyaw 'icha yoc' no chej.

Jeremías 51:53

An Jehová in, an tzwala: Wach'xam tzq'ue'ch Babilonia 'a satcha'an̈, chan̈ tzyutj sb'on smuroal, palta 'oj wa'tn̈ej eb' 'ajc'ojl ta', sec tzsatx 'el yuj eb', xchi Dios.

Ez 16:49

Yaj jun tzo'n̈ smul chon̈b' Sodoma yet' yaldeail. Caw wal sb'an̈ sb'a yet' tas 'ay 'a 'a. Til wal tas tzc'uxu, caw wach' yaji, palta ma'ix colwj jac 'a eb' meb'a', yet' 'a eb' 'anma may tas tzc'uxu.

Ez 28:2

Ach 'anma', al jun tzo'n̈ tic yab' win sreyl Tiro: To an Jehová Yajl in, an tzwal 'ixtic: Caw wal tzcob' a b'an̈ a b'a yet' a nab'en, tzaln 'ixtic: An tic dios in, 'ay wopiso 'a yib'n̈ a mar tic, an tzwac' yajlil 'a eb' chon̈b' tic 'icha junc dios, xcob' a chioc. Palta 'anma achn̈ej, man̈ ach diosoc, wach'xam tzcob' a na'a to jeln ach 'a yib'n̈ junc dios, palta may tas tztac' o'oj.

Ez 30:9

A yic 'oj c'och stiempoal wa'n jawc yailal 'a yib'n̈ Egipto, 'oj wa' cot eb' alm 'ab'x 'a yol barco 'a yib'n̈ a', ax yalx yab' eb' 'aj Etiopía, eb' may jac tas nab'il yu'uj. Ax yic 'oj yab'nc eb', caw 'oj xiw eb' yab'n tas 'oj jawc 'a yib'n̈ Egipto cha. Caw wal jab'xoj sjaw sc'ul jun cha.

Dn 11:36

A jun rey 'ay 'a norte cha, 'oj sb'o 'icha wal tas tznib'j sc'ojol. Caw 'oj sb'an̈ sb'a, ax yalni chajtlto caw niwn yel'ch 'a yib'n̈ jun tzo'n̈ tzalx 'och diosal. 'Intax 'oj b'uchwjoc 'a jun Dios to caw yel. 'Oj sb'o smasnil tas tznib'j sc'ojol, masnto 'oj ya' cot Dios yowl sc'ojl 'a yib'an̈, yujto a smasnil tas nab'il yuj Dios, yowlal 'oj 'el'choc.

Dn 4:22

A mach tzch'ox jun te cha, ach ton mamin rey, caw 'ix ach q'uib' yet' a b'inab'ilal. 'Ix 'och ep, masnto 'ix q'ue'ch a b'inax 'a satcha'an̈. 'Ix c'och a'n yajlil 'a 'aj tzlajw c'och lum lum tic.

Dn 4:27

Yuj wal cha mamin rey, chaj ab' jun tzo'n̈ tzwal 'aych tic. Wach' cab' tzotj a b'a, man̈x 'och a mul. Comnoc wal tzactj can a b'on maysch'olnil, colwjan̈ 'a eb' tz'ixtxi. Toto 'ixta', tecn 'oj a can 'a junc'ojlal, ax a q'ue'ch yet' tas 'ay 'ayach, xchi Daniel 'ayin, xchi win rey cha.

Dn 4:30

'Ix yaln win 'ixtic: ¡'Iltec wal yilx niwquil chon̈b' Babilonia tic! An xin b'o yet' in jelnal, yet' wip xin b'oni, yic tzwa'n yajlil 'a 'a, sec a tzch'oxn 'eli, chajtlto caw niwn wel'chi, xchi winac.

Dn 4:4

An reyn tic, caw wal tzaljc'ojlal waj 'a in despacho, caw wal tzniwtj tas 'ay 'ayin.

Dn 5:23

A eco', to 'ix a b'an̈ a b'a 'a sat jun sYajlil satcha'an̈. 'Ix a'n 'ijxoc cot 'a ojltac jun tzo'n̈ svaso 'ayc' 'a yol yatut. Ach xo tic yet' smasnil eb' 'awtb'il cot o'oj, 'ix o'j 'an̈ yet' eb' 'a yojl jun tzo'n̈ vaso cha. 'Ix aln wach' paxti 'a jun tzo'n̈ comn dios nab'a plata, oro, bronce, hierro, te', yet' q'uen q'ue'en, atn jun tzo'n̈ matz tac' xon yilni, matz yab'i, may jac yojtac. Man̈oc 'a Dios 'aj 'ix al wach' paxti', palta ticni a 'a yol sc'ab' 'ayc' a q'uinal, a tzach 'i'n b'eyc'oc.

Dn 5:30

Ax 'a yic jun 'ac'wl cha, 'ix milx cham win Belsasar sreyl eb' caldeo cha.

Nahúm 1:10

'Icha to caw 'u'm ex 'an̈. 'Oj e lajw 'ejm 'icha tz'aj stz'a 'ejm te q'uix caw jeltz'm yaji mto 'icha tzyac' yoc trigo.

Nahúm 3:4

'Ixta 'ix 'aj sjaw 'a yib'n̈ chon̈b' Nínive, yujto caw x'ixtx jun tzo'n̈ xo chon̈b' yu'uj. A wal eb' yajl 'a jun chon̈b' cha, caw jeln eb' 'a 'ajchumal yic tzya'n ganar eb' yoch jun tzo'n̈ xo chon̈b' 'a yaln̈ schecnb'il. Lajn yaj schon̈b' eb' 'icha junc 'ix 'ajmul 'ix tzmontj 'och winc 'a 'a, caw wach' yilxi, caw nib'b'il 'ix, 'ixta jun chon̈b' cha.

Habacuc 1:7

A jun tzo'n̈ 'anma cha, caw 'ay smay eb', tzxiw eb' 'anma yuj eb'. Caw tzyij chan̈ sb'a eb'. Mun a sley eb' 'a yol yico', a tzyac' eb' c'anlb'axoc.

Sofonías 2:15

'Ixta wal 'oj 'aj jun chon̈b' may tas tzna cha, mun cob' tzyipc'ojlej sb'a sch'ocoj, tzyaln cob' eb' cajn 'a 'a, to may junc xo chon̈b' lajn yet'oc. Palta cusltac xoj 'oj 'ajcni, axn̈ej no calte'al noc' 'oj 'ec' 'a 'a. A eb' 'oj 'ec' 'a stz'ey, caw 'oj b'uchwjoc eb' 'a 'a.

2 Ts 2:4

A jun cha, 'oj yac' owl yet' Dios. 'Oj chichnoc pax 'och 'a jantcn̈ej tas tzalx 'och diosal, yet' 'a jantcn̈ej tas 'aj tzyal sb'a eb' 'anma'. 'Oj 'em wocn 'a yol yatut Dios, ax yaln 'och sb'a Diosal.

Jueces 18:27

Ax eb' yic Dan 'ix yij 'at eb' smasnil tastc b'ob'il yuj Micaía, yet' jun ya'mal 'och sti cha, masnto xc'och eb' 'a Lais. Ax eb' 'aj lugar cha, caw wal tzalj eb', junc'ojlal pax yaj eb', yuj cha, caw wal may syaloc xmilx cham eb' yuj eb' yin̈tl Dan cha. Sn̈usn can eb' jun chon̈b' cha.

Jueces 18:7

Xlajwn̈ej cha, 'ix 'at eb' own̈ 'ilm lum chi 'a chon̈b' Lais. A eb' 'anma cajn 'a jun chon̈b' cha, caw may jac tzna eb', 'icha wal sb'eyb'al eb' 'aj Sidonio. 'Ayc' eb' 'a tzaljc'ojlal yet' 'a junc'ojlal. May mach tzuntzn eb' 'a junc tas, may pax tas tzyac' palta 'a eb'. Yic sb'a eb' sch'ocoj. Caw wal najt tzcan chon̈b' Sidón 'a stz'ey eb'.