Is 47:5 - Chuj San Sebastian Bible

⁵ Ach 'icha cob's 'ix, 'emn̈ wocn 'a scal q'uic'q'uinal, yujto man̈x 'oj a b'inax reinail 'a yib'n̈ jun tzo'n̈ xo nacion̈.

Chuj San Mateo Bible

⁵ Ex caldeo, eman̈ec c'ojan d'a cuseltaquil d'a cal q'uic'alq'uinal. Man̈xa b'aq'uin̈ ol ex b'inaj yajalil d'a juntzan̈xo nivac nación.

Is 47:5 Iomraidhean Croise

Salmos 31:17

A 'aych wan waln in b'a, man̈ a cha wac' in q'uixwloc. A cab' eb' maysch'olnil tzyac' sq'uixwloc; 'a'cn 'at eb' 'a 'aj caw cusltac yilxi, atn 'a yet'l eb' chamnac.

Salmos 46:10

'Ix yaln Dios chi 'ixtic: 'Actjec eya'n owal, 'ojquejec 'eli chajtlto an ton Dios in. 'Oj alxoc 'el wab'xil 'a jun tzo'n̈ nacion̈ 'a smasnil sat lum lum tic, to cojn in niwn wel'chi, xchi.

Is 13:10

Ax smasnil c'anal 'a satcha'an̈, man̈x 'oj yac' sacq'uinlal 'a yib'n̈ lum lum tic, cojn yic tzq'uel c'u, ax yochx can musan, 'ixta pax 'uj, man̈x 'oj yac' sacq'uinlal 'a 'ac'wal.

Is 14:23

Cojn no lechuza 'oj cajnoc, ax yochcn yaxlumal. Mesmni 'oj wutc in satn can 'eli, xchi Dios.

Is 14:4

a 'a jun tiempoal cha, ata 'oj eyalb'tan̈c jun poesía tic, yic tze b'uchn win sreyl Babilonia, 'oj eyal 'ixtic: 'Iltec wal tz'ajcn win tzon̈ 'ixtnec tic, 'iltec wal x'ajcn yuj sb'an̈quintaquil.

Is 21:9

Ax ticnec, tzwil scot jun winc yet' jun caruaje toc'b'il yuj chawn̈ no chej, xchi. Xlajw cha, xyaln jun winc ajun 'a jun caruaje chi 'ixtic: 'Ix 'ejm Babilonia, 'ix lajw 'ejmi. Smasnil jun tzo'n̈ yechl comn dios 'a jun chon̈b' cha, choc' x'ajcn spoj 'a sat lu'um, xchi.

Is 23:2

Ex cajn ex 'a sti a mar yet' ex chon̈wjum 'a Sidón, sictac ex 'ajcni. A 'a yic yalan̈, xlaj e checb't eb' e manwjum 'a sc'axpil 'ec' a mar.

Is 47:1

Tzyal Dios 'ixtc 'a Babilonia: 'Emn̈ta 'a a despacho, 'emn̈ wocn 'a scal pococ. Yujto a 'a yic pecti', lajn wal elx 'icha junc 'ix cob's mant 'a yichmil. Ax ticnec, man̈x 'oj alxoc 'aych 'ixtic: 'Ix cob's 'unn ya'ilb'il.

Is 47:7

'Ix aln 'ixtic: An tic yajl in 'a smasnil tiempo, xa chi. May wal jac xa na 'a yib'n̈ jun tzo'n̈ tic, ma'ix nachj 'el o'oj tas 'oj aj 'el'chi.

Jeremías 25:10

A wal 'oj wutoc, man̈x 'a 'aj 'oj 'ab'xoc yoch b'it yic q'uin̈ yuj tzaljc'ojlal, yet' b'it yic nupnel. Man̈x 'a 'aj 'oj 'ab'xoc sc'an̈ q'uen cha', man̈x 'a 'aj pax 'oj 'ilxoc yoc cantil.

Jeremías 8:14

Ax yaln eb' 'aj Judá 'ixtic: ¿Tas to yuj tzon̈ canc 'a tic? Qui yamc qui b'a qui masnil, coyc 'a jun tzo'n̈ chon̈b' wach' yajch smuroal. Ata 'oj qui chamec, yujto 'ixta x'el 'a sc'ojl Jehová qui Diosalec, to tzon̈ satc 'eli, tox 'ix yac' cu'c a a 'ay't veneno 'a scal, yujto 'ix 'och qui mulc 'a 'a.

Lm 1:1

Cusltac xoj yilx x'ajcn chon̈b' Jerusalén, atn jun niwquil chon̈b' 'aj til wal 'anma 'a pecti'. Lajn xoj yilx x'ajcn 'icha junc 'ix 'ix chamnc yichmil. A 'a pecti cha, 'icha to yajl yaj 'a scal jun tzo'n̈ xo nacion̈, ax ticnec, 'ix 'ajx pural yoch 'a munljel.

Lm 2:10

A eb' yichm wincal chon̈b' Sión, sictac xoj yaj eb', wocn 'ejm eb' 'a sat lu'um. Tzlaj sjopn q'ue eb' pococ 'a sjolom, tzya'n 'och eb' jun tzo'n̈ pichl n̈achtac sat. Ax eb' 'ix cob'stac 'ix 'aj Jerusalén, c'uxn tzlaj 'em quiln sat eb' 'ix 'a sat lu'um.

Habacuc 2:20

Palta an Jehová in, 'ayn 'ec' 'a yol watut to cojn in 'ay wico'. Yuj cha, smasnil tas 'ay 'a sat lum tic, sictac cab' tz'aj 'a wojltac, xchi Dios.

Zacarías 2:13

Sictac cab' tz'aj smasnil 'anma 'a yolyib'n̈q'uinl 'a yojltac Jehová, yujto tzjaw yuj eb' schon̈ab', spet 'a scajnub' to yicn̈ej yaj 'a satcha'an̈, xchi Zacarías.

San Judas 1:13

'Icha wal tzyac' yib'n̈ a mar, caw ow sq'ue wan chel-loc, 'ixta 'eb', yujto toxn matz tac' stenx 'och wan eb' 'a maysch'olnil. 'Icha swom a a tzcan 'a sti', til wal tastc maysch'olnil 'aych 'a scal, 'ixta eb' yuj jun tzo'n̈ q'uixwelal chi tzb'o cha. Q'uinloc 'ay junc c'anal tzsat 'a sb'e, 'ixta eb'. Yowlal 'oj c'och eb' 'a scal jun niwquil q'uic'q'uinal. Ata 'oj can eb' 'a jun 'ejmn̈ej.

Apoc 17:18

A jun 'ix chi xel cha, atn jun niwquil chon̈b' tz'a'n yajlil 'a yib'n̈ eb' yajl 'a yolyib'n̈q'uinal.

Apoc 18:7

Caw xyij chan̈ sb'a 'ix si'mb'il. An̈j ricoal 'aj xya'ch snab'en. Yuj cha, 'ixta tzeyutj eya'n 'och syailal yet' scusc'ojlal. Yujto 'ix sna 'ix yet' snab'en 'ixtic: An tic, caw 'ay wopiso reinail. Man̈ in lajnoc 'icha junc 'ix chamnc yichmil. May wal b'a'n̈ 'oj wab' syal jab'oc, xchi cob' 'ix.

A Ch'an̈ B'ab'el Libro Samuel 2:9

Ach tza tan̈wj eb' eco', palta ax eb' maysch'olnil, ata tzcham eb' 'a scal q'uic'q'uinal. Matz tac' qui q'ue'ch yet' qui jelnal 'a mun yol quic on̈.