Is 45:1 - Chuj San Sebastian Bible

¹ A Jehová a 'ix si'n 'och Ciro reyal, caw a 'ix quetzn b'ey yet' swach' c'ab', sec tz'ejm jun tzo'n̈ nacion̈ yu'uj, yuj pax yi'n 'ec' yopiso eb' rey. A Jehová, a 'oj 'a'nc jacwc spuertail jun tzo'n̈ chon̈b' 'a Ciro, may junc mach 'oj stac' smacni. Yuj cha, tzyaln Dios 'a 'ixtic:

Chuj San Mateo Bible

¹ A Jehová ix sic'anoch vin̈aj Ciro reyal. A ol cuchb'an vin̈ yic ol yac'an ganar juntzan̈ nivac nación vin̈, ol yic'anec' yopisio juntzan̈ eb' vin̈ sreyal nación chi' vin̈. A Jehová chi' ol ac'an jacchaj spuertail juntzan̈ nivac chon̈ab' d'a vin̈aj Ciro chi', malaj junoc mach ol yal smacani. Yuj chi' syalan Jehová icha tic:

Is 45:1 Iomraidhean Croise

A Ch'an̈ B'ab'el Libro Yic Yab'ixal Eb' Rey 19:15

Yuj cha, xyaln Jehová 'ixtc 'a 'a: 'Ixic, ata tzach meltzj pax 'a a b'e 'aj ach jaw 'a lum cusltac lum yic Damasco. A yic tzach c'och ta', tza si'cn 'och win Hazael sreyloc Siria.

Esdras 1:1

A 'a yic b'ab'l ab'il yoch Ciro reyl 'a Persia, ata x'el'ch tas ya'jnac Jehová yal-l Jeremías. A Jehová a 'ix aln 'a snab'en Ciro sreyl Persia, yic xya'n tz'ib'xoc jun ley, xya'n alxoc 'el 'ixtc 'a smasnil yol snacion̈:

Esdras 1:2

An Ciro in tic, sreyl in Persia, an tzwal 'ixtic: A Jehová Dios 'ay yic satcha'an̈, a x'a'n 'och smasnil nacion̈ 'ay 'a sat lum tic 'a yol in c'ab'. A 'ix aln 'ayin, to tzin b'o chan̈ junc yatut 'a Jerusalén 'a yol yic Judá.

Job 12:21

A eb' caw 'ay yel'ch 'a sat 'anma', a tz'a'n patquilx can 'el eb'; ax eb' caw wal 'ay yip, a tz'i'n 'el yip eb' cha.

Salmos 73:23

Palta an tic, 'aynn̈ej 'ec' et'oc, quetzb'iln oj yet' a wach' c'ab'.

Is 13:2

A 'a sjolm jun witz may ste'al, ata tzeyac' chan̈ junc e bandera. Alx cab' yab' eb' soldado, to tz'och eb' 'a owal, 'ijec chan̈ e c'ab' yic tze ch'oxni 'ajtil tztac' yoch eb' soldado chi 'a yol sti spuertail yatut eb' yajl 'a Babilonia.

Is 13:3

Tox xwac' alxc 'a eb' in soldado, atn eb' jeln 'a owal, a eb' xwac' si'xoc 'eli, 'oj tzaljoc eb', yic 'oj wa'n ya'ch eb' syailal eb' 'ajc'ojl yajch 'ayin, xchi Dios.

Is 41:13

Yujto an tic, an ton Jehová e Diosal in, an ex in quetzb'eyoc', 'ix waln 'ayx 'ixtic: Man̈ex xiwoc, an 'oj ex in colo', xin chi, xchi Dios.

Is 41:2

¿Mach 'oj 'a'n checljoc jun rey 'a 'aj tzq'uel c'u? ¿Mach 'oj 'a'n yac' ganar jun rey chi owal yic tzann̈j 'aj 'oj 'ec'oc? ¿Mach 'oj 'a'n 'och jun tzo'n̈ nacion̈ 'a yol sc'ab' jun rey cha, sec tzyij 'ejm sb'a eb' 'a 'a? A yespada yet' sjul-lab' jun rey cha, a 'oj pechnoc 'el eb', ax sactzic can 'at eb' 'a juncxo lugar 'icha tz'aj solcal trigo tzpucn 'at 'a scal 'ic'.

Is 41:25

'Ix wac' checlj chan̈ jun mach 'a stojlal norte, 'oj wawtc coti, ax scot 'a 'aj tzq'uel c'u, ax yaln sb'a 'ayin. A 'oj te'nc 'ejm eb' syajlil chon̈ab', 'icha wal tz'aj ste'x lum b'iq'uich, 'icha wal tzyutj win tz'acm ste'wtan̈n lum b'i'ch cha, 'ixta 'oj 'ajcn eb' yu'uj.

Is 42:6

An Jehová in an ach wawtej, sec tza b'o tojlal 'a sat lum lu'um. Caw tan̈b'ilch wu'uj. Ach 'oj ach in c'anlb'oc yic 'oj in b'onc in trato yet' eb' 'anma', ax ochcn sacq'uinlal 'a jun tzo'n̈ xo nacion̈.

Is 44:28

An tzwal 'a win Ciro 'ixtic: Ach 'aych 'och yilmalc wu'uj, ach 'oj a b'o smasnil tas tzin nib'ej, xin chi 'a 'a. Tzwaln 'a Jerusalén: Ach tic 'oj a b'ox chan̈ jun 'ejm xo, ax yajx pax 'ejm yich watut jun 'ejm xo, xin chi 'a 'a, xchi Dios.

Is 45:5

Cojn in ton Jehová in, may junc xo. May junc xo Dios, Cojxn In Toni. An 'oj wac' ep, wach'xam man̈ in ojcoc.

Is 48:15

An 'ix wala xcot jun cha, yuj cha 'ix jawi. Ax smasnil 'aj 'oj 'ec'oc, 'oj ya'n̈j ganar.

Jeremías 27:6

An tzwa'cn 'och snacion̈ eb' 'a yol sc'ab' in checb' Nabucodonosor sreyl Babilonia. An̈jtona pax e no calte'al noc', tzwa'cn 'och e no 'a yaln̈ schecnb'il.

Jeremías 43:10

Tzaln 'a eb' 'ixtic: A Jehová tztac' yuj smasnil, atn qui Diosalec an̈ israel on̈ec tic, a tzalni: 'Oj wi' cot in checb' Nabucodonosor sreyl Babilonia, ata oj wac' sb'o 'ejm sdespacho, ax wa'n sb'o q'ue smantiado yen̈loc 'a yib'n̈ jun tzo'n̈ q'uen 'ix 'a muccn 'ejm tic.

Jeremías 50:3

A 'a stojlal norte, ata 'oj cot jun nacion̈ 'oj wul 'a'nc owl yet'oc. A 'oj 'a'noc can 'och 'a cusltaquil. Man̈x 'a 'anma 'oj can cajn 'a 'a, man̈x 'a pax no noc'. 'Oj 'at 'elc smasnil, xchi Dios.

Jeremías 50:35

Tzyaln pax Jehová 'ixtic: 'Och cab' owl 'a Babilonia yet' 'a smasnil eb' cajn 'a 'a, yet' 'a eb' yajl yaj 'a scal eb', yet' 'a eb' tzyal jelnal sb'a.

Jeremías 51:11

A Jehová 'ix 'a'n sb'o eb' sreyl chon̈b' Media jun cha, yujto nab'ilx xon yu'uj to 'oj satl Babilonia. 'Ixta wal 'oj yutc ya'n spac yuj tas 'ix 'aj yixtx 'el yatut yuj eb'. Tzalx 'a eb' soldado: 'A'c lista e jul-lab', 'a'c 'och tas tzmacn sat jul-lab' 'ayex.

Jeremías 51:30

A eb' soldado yic Babilonia, man̈x 'a tas 'oj yal eb'. Toxn̈ej 'oj smacn 'och sb'a eb' 'a yol scuartel. Man̈x 'a yip eb', lajn xoj 'oj 'ajcn eb' 'icha eb' 'ix 'ix. Ax 'oj yilnc cot eb', wan xo slan̈chj 'ejm schon̈b' eb', wan sn̈usx can pax yatut eb'.

Jeremías 51:58

An Jehová in, tztac' wuj smasnil, an tzwala: To a jun smuroal Babilonia caw wal pim yaji, 'oj lan̈chjoc can 'ejm 'a jun 'ejmn̈ej, yet' jun tzo'n̈ spuertail to caw wal niwac, c'uxn 'oj tz'aoc. Nab'an̈ej wal munljnac 'och jun tzo'n̈ nacion̈ 'a 'a. A jantc munljel 'aj c'unb'nac eb', ton̈j 'oj tz'aoc, xchi.

Ez 29:20

An tzwala, to 'oj wac' lum Egipto chi 'a yol sc'ab' winac, 'icha to a jun chi 'oj wac' stojloc yic xit' munljoc wuj 'a Tiro.

Dn 5:6

caw sacb'el win yuj xiwlal. Yuj wal jun xiwlal x'och 'a win cha, syamn 'och win yib'x sniwnal smasnil, caw x'el yip winac.

Dn 7:5

Ax no schab'il, lajn yilx 'icha no oso, tz'eyn 'ejm jun pac' sniwnal 'a yib'n̈ jun pac' xo. Ax 'a yol sti', ata 'aych 'oxe sb'acl costl 'a slot'l ye. 'Ix wab'n yalx 'a 'ixtic: ¡'Ixic, chi 'ejm jantc chib'j tza nib'j tza chi'a, xchi jun cha.

Dn 8:3

Ax xwiln 'ati, 'ay jun no calnelu 'ayc' 'a sti a cha. 'Ay chab' sch'ac niwc ste'il, palta 'ay jun sch'ac chi tza'n to xq'ueli. A jun cha, yel xo caw niwquil x'aj stel 'a yib'n̈ junx cha.

Dn 8:4

Ax xwilni, a jun calnelu cha, a yet' sch'ac chi tzyac' satnc 'el smasnil tas 'ay 'a stojlal 'aj tz'em c'u, 'a stojlal norte yet' pax 'a stojlal sur. May xon junc noc' tztac' ste'wtzan sb'a 'a yojltac, may pax junc mach tztac' scoln sb'a 'a 'a. Tzb'on̈j tas tznib'j sc'ojol. Caw 'ipn yoch yip 'a junjn 'ejem.

Nahúm 2:6

'Oj jacwc jun tzo'n̈ puerta 'ay 'a sti eb' a a', 'oj lan̈chjoc 'ejm despacho.

Nahúm 3:13

A eb' e soldado, caw lajn xoj eb' 'icha eb' 'ix 'ix. A spuertail e chon̈ab', jacn xo 'a eb' 'ajc'ojol, xlajw stz'a 'ejm jun tzo'n̈ 'aych smacloc e chon̈b' cha.