Is 41:6 - Chuj San Sebastian Bible

⁶ A eb' josm te', a eb' tzjucb'tzan yit munljumal chi 'a smunljel.

Chuj San Mateo Bible

⁶ Junjun eb' ol laj scuchb'ejcot sb'a, ol yac'an yip eb'.

Is 41:6 Iomraidhean Croise

Is 35:4

Alc 'ixtc 'a eb' chab'c'ojlal yaji: Te'wtzejc e b'a, man̈ ex xiwoc, yaj qui Diosalec 'a tic, a 'oj qui colnec 'eli, ax eb' 'ajc'ojl yajch 'ayn̈ec, 'oj 'ajxoc 'och syailal eb' 'a 'icha wal smoj schani, xe chi.

Is 40:19

'Iltec nab'n eb' comn dios. A eb' tzb'on jun tzo'n̈ yechl cha, tzyac' 'ejm eb' 'a yol smoldeal, ax junc tenm q'ue'en, a tzsucn 'och oro 'a 'a. A eb' tzb'on q'uen plata cadenail, tzya'n 'och eb' ston̈c jun yechl cha.

Is 41:5

Yiljnac smasnil eb' nacion̈ 'ay 'a sti a mar, caw xiwnc eb' yilni. Smasnil eb' 'anma cajn 'a 'aj tzlajw c'och sti lum lu'um, caw 'ib'xnac eb' yuj xiwlal, wan laj smolb'tzan cot sb'a eb', xchi Dios.

Is 41:7

Ax eb' tzb'on junc yechel, a eb' tzjucb'tzan eb' tzsucn 'och q'uen plata 'a jun yechl cha, ax eb' tzsucn 'och q'uen plata chi 'a jun yechl cha, a eb' tzjucb'tzan eb' tzma'n 'och slawxil jun yechl cha, tzyaln eb': Caw wach' jun qui n̈uslab' q'uen tic, xchi eb'. Wal 'a yajn̈ej tzma'n san̈b'oc eb' junc yechl chi yet' lawux, sec man̈xtzac 'ib'xi.

Is 44:12

A ticnec, 'oj quil tas tzyutj munljoc sb'a win tenm q'ue'en. Tzyij cot win cincel, ax yic tox 'ix tz'a q'uen q'uen chi yuj win 'a cal c'ac', tztenn tojlb'oc win q'uen yet' martillo. Tzb'o 'el'ch 'icha wal tznib'ej, yet' wal yip sc'ab' winac tzb'o'i. Palta toto may tas tzc'ux winac, tzcot swejel, tz'och stacn̈ti'al, caw tz'el yip, tzc'unb' pax cha'an̈.