Is 41:5 - Chuj San Sebastian Bible

⁵ Yiljnac smasnil eb' nacion̈ 'ay 'a sti a mar, caw xiwnc eb' yilni. Smasnil eb' 'anma cajn 'a 'aj tzlajw c'och sti lum lu'um, caw 'ib'xnac eb' yuj xiwlal, wan laj smolb'tzan cot sb'a eb', xchi Dios.

Chuj San Mateo Bible

⁵ A juntzan̈ chon̈ab' ay d'a stitac a' mar, ol yil eb', ol xiv eb' yilani. Masanil eb' cajan b'aj slajvic'och lum luum tic, ol ib'xocq'ue eb' yuj xivelal yuj tas ol in c'ulej yed' jun rey chi', xchi Dios. Ol smolb'ej sb'a eb' anima.

Is 41:5 Iomraidhean Croise

Gn 10:5

A eb' tic, yin̈tl Jafet eb' smasnil. Ata x'aj cajn eb' 'a stitc a mar, junjn c'aj eb' yet' slu'um, junjn c'aj eb' yet' sti'.

Salmos 65:8

An̈jtona eb' cajn 'a snajtil sat lum lum tic, 'oj 'ib'xoc chan̈ eb' yiln tas satjub'tac yilx tza b'o'o. O'oj 'ay 'aw yic tzaljc'ojlal 'a stojlal 'aj tzq'uel c'u masnto 'a 'aj tz'em c'u.

Salmos 65:9

Ach 'aych 'och eln sat lum lum tic, tza'n cot n̈ab' 'a yib'n̈ lu'um. Tza'n q'uib' tas 'ay 'a sat, yet' a a tz'el yoctac, atn a tz'a'n q'uib' 'ixm trigo. 'Ixta wal tzotj a b'on lum lum ach qui Diosal on̈.

Salmos 66:3

Calc 'a Dios 'ixtic: A wal a munljel Mamin, caw satjub'tac yilxi. Yuj wal a jelnal, caw tz'ib'x chan̈ eb' 'ajc'ojl 'a ojltac.

Salmos 67:7

'A'n̈j a yaxilal 'a quib'n̈ on̈, niwn cab' el'ch 'a smasnil yolyib'n̈q'uinl tic.

Ex 15:14

A yic 'oj yab'nc jun tzo'n̈ xo nacion̈ jun tic, caw 'oj 'ib'xoc eb' yuj xiwlal, 'oj xiw chan̈ pax eb' filisteo.

Is 41:1

Tzyal Dios 'ixtic: Ex chon̈b' cajn 'a sti a mar, sictac tzex 'aj 'a wojltac. Te'wtzejc e b'a e masnil ex nacion̈. Cotn̈ec, yamn tzon̈ 'ajec, tzqui mol alnec jun tzo'n̈ tic.

Is 41:6

A eb' josm te', a eb' tzjucb'tzan yit munljumal chi 'a smunljel.

Ez 26:18

Ax ticnec, a jun tzo'n̈ chon̈b' 'ay 'a snan̈l a mar, caw wal tz'och eb' 'a xiwc'ojlal o'oj, yujto tzyil eb' tas tzach 'aji, caw wal tzxib'tj sb'a' eb' o'oj, 'oj xchic eb' 'a sb'it cha.

Josué 2:10

Yujto 'ix cab'i, to a yic ex 'elt 'a Egipto, ax Jehová a 'ix 'a'n tacjoc chan̈ a Chac Mar yic ex 'e't 'a yojl a'. An̈jtona', 'ix cab'n paxi, to xe satl chawn̈ eb' sreyl eb' amorreo cajn 'a sti 'ec' a Jordán, atn win Sihón yet' win Og.

Josué 5:1

Ax smasnil eb' sreyl eb' amorreo cajn 'a junx sc'axpil 'ec' sti a Jordán, 'a stojlal 'aj tz'em c'u, yet' pax eb' sreyl eb' cananeo cajn 'a sla'nil sti a Mar Mediterráneo, 'ix yab' eb' yab'xil, to tacjnac chan̈ a Jordán yuj Jehová yic ye't chon̈b' Israel 'a yojl a'. Yuj cha, caw wal xiw chan̈ eb', may xon junc eb' ste'wtzej sb'a sjaw yac' owl yet' eb' israel.