Is 41:4 - Chuj San Sebastian Bible

⁴ ¿Mach 'ix 'a'n sb'o jun tzo'n̈ tic? ¿Mach 'ix nalb'an smasnil tas 'ix uj 'a yictax pecti'? An ton Jehová in, an b'ojnac, cojn in ton Dios in, b'ab'l waj 'a smasnil, slajb' in paxi.

Chuj San Mateo Bible

⁴ ¿Mach ol ac'an elc'och juntzan̈ tic? ¿Mach najinaquelta masanil tastac ujinac d'a yichb'anil? A in ton Jehová in, a in in b'onac. A inn̈ej Dios in, b'ab'el vaj d'a smasanil, slajvub' in paxi.

Is 41:4 Iomraidhean Croise

Salmos 102:27

Ach tic Mamin, an̈j 'ijnoc achn̈ej, may xon wal b'a'n̈ 'ay slajb' a q'uinal.

Salmos 102:28

A eb' cunnal an̈ a checb' on̈ tic on̈, 'oj a tan̈wc eb' b'aq'uin̈. Yuj a colwal 'a eb', yuj cha, may tas 'oj 'i'nc eb' 'a ojltac.

Is 40:12

¿Tom 'ay junc ex tox xe yechtej a mar 'a yol e c'ab', mto tox xe yechtej satchan̈ yet' yune e c'ab'? ¿Tom 'ay junc ex tox xe yechtej smasnil spoccal lum lum tic 'a yol junc 'echtab', mto tox xe yechtej jantc yal-l smasnil eb' lum witz yet' eb' lum tzalctac?

Is 40:26

Q'uen̈ec q'ueln 'a satcha'an̈, ¿tom man̈oc Dios xb'on smasnil jun tzo'n̈ cha? A xb'on 'och junjn eb' c'anal 'a yet'ul. Tzb'isn smasnil junjn c'aj eb', tz'awtx sb'i junjn eb' yu'uj. May junc eb' tzsati, yujto caw niwn yel'ch Dios chi yet' spoder.

Is 41:20

sec wach' tzyil smasnil 'anma', ax snachj 'el yuj eb', chajtlto an ton Jehová in, an 'ix 'in b'o jun tzo'n̈ tic yet' in poder. Cojxn In Ton e Diosal In, an 'ix wac' 'el'choc jun tzo'n̈ tic, xchi Dios.

Is 41:26

Ax yechl ex tic, ¿mach junc 'ayx 'ix aln 'el yab'xil jun tic 'a yictax pecti', sec wach' tzcab' yab'xil? ¿Mach junc 'ayx 'ix aln 'a yic yaln̈tax cha, yic wach' tzcala to yel tzyala? May junc ex 'ix eyal-l yab'xil tas 'oj ujc b'aq'uin̈, may junc 'anma 'ix 'ab'n eyalni.

Is 41:3

'Oj 'at eb' rey 'elc yu'uj, palta ax jun rey cha, caw tzaljc'ojlal 'oj 'at 'a yojltac, 'icha to matz tec' 'ejm yoc 'a sat lum sb'eyi.

Is 42:24

¿Mach 'ix chan 'ajxc ganar eb' israel yin̈tl can Jacob yic 'ix 'el'x 'at smasnil tas 'ay 'a eb'? Atn Jehová, yujto 'ix 'och smul eb' 'a 'a. Ma'ix schaj sc'ojl eb' sb'eylb'ej sb'eyb'al, ma'ix syiclj pax eb' scuynb'il, atn jun tzo'n̈ 'ac'b'il can 'a eb' yu'uj.

Is 43:10

A Jehová a tzaln pax 'ixtic: Ax israel ex tic in testigo ex, in checb' ex, sic'b'ilx 'el wu'uj, sec wach' tzin eyojquej 'eli, tzin eya'n 'och yipc e c'ojol, nachj cab' pax 'el eyu'uj, to cojn in toni. May junc xo dios b'ab'l 'e'nc wu'uj, may pax junc xo tza'n 'oj jawoc.

Is 43:13

A 'a yictax pecti', Dios in xoni. May junc mach tztac' scoln 'el sb'a 'a yol in c'ab', may junc mach tztac' sjun 'el tas tzin b'o'o, xchi Dios.

Is 46:10

A 'a yictax pecti', waln cani tas 'oj ujc 'a slajb' c'ual. Waln cani to 'oj ujc tas nab'il wu'uj, 'oj in b'o smasnil tas tzin nib'ej.

Is 48:12

A Dios tzaln 'ixtic: Ex israel yin̈tl can Jacob, 'ab'c wal tas 'oj wala', to an si'jnacx can 'eli: Cojn in ton Dios in, an b'ab'l waj 'a smasnil tas, slajb' in paxi.

Mt 1:23

'Ay jun cob's 'ix, mant 'a xon junc winc tzyi'aj, palta 'oj pitzwc chan̈ jun 'unn 'a 'ix. 'Oj 'aljoc jun swinc 'unin, ax ya'n sb'ic Emanuel, xchi. (Emanuel tzyal 'el'chi, 'ayc' Dios quet'oc).

Mt 28:20

Tz'ec' laj e cuy eb', sec wach' jantcn̈ej tas waljnac can 'ayex, 'oj laj syiclc eb'. An tic 'ayn 'ec' eyet' 'a smasnil tiempo, masnto 'oj lajwc 'ec' yolyib'n̈q'uinl tic, xchi Jesús 'a eb'. [B'o cab' 'ixta']

A Tas Sc'ulejnac Eb' Schecab' Jesús Hechos 15:18

'Ixta yutjnac Cajlil yalni, atn 'a'jnac cojcoc 'el jun tzo'n̈ tic, yictax pecti', xchi 'a Ch'an̈.

A Tas Sc'ulejnac Eb' Schecab' Jesús Hechos 17:26

Atn b'ojnac jun b'ab'l winac, yin̈tl junjn chon̈b'al. Yuj cha, 'ayn̈j 'anma 'a smasnil yolyib'n̈q'uinl tic. An̈j tzalni, 'aja tiempoal tzq'ue wan junjn chon̈b'al. A tz'a'n slugar junjn chon̈b'al eb' 'anma 'aj tzcan cajan.

Dt 32:39

An tic, cojn in ton Dios in, may junc xo dios 'icha 'in tic. An tzwac' cham junc mach, an pax tztac' wa'n sq'uinal. An tzwac' lajwc eb' 'anma', an pax tzwan̈tj eb'. ¡May junc mach tztac' scoln 'el sb'a 'a yol in c'ab'!

Apoc 1:11

'Ix yaln 'ayn 'ixtic: [—An ton tic, b'ab'l waj 'a smasnil, slajb' in paxi. 'Icha chab' letra A yet' Zeta, 'ixta 'in.] A tas wan elni, tza tz'ib'j can 'a junc libro. Tza'n 'at 'a eb' creyente 'a uque iglesia ['a yol yic Asia,] atn 'a Éfeso, 'a Esmirna, 'a Pérgamo, 'a Tiatira, 'a Sardis, 'a Filadelfia yet' 'a Laodicea, xchi 'ayin.

Apoc 1:17

A yic xwilni, in telw 'ejm 'a yojltac 'icha junc chamnac. Palta squil 'ejm swach' c'ab' 'a wib'an̈, 'ix yaln 'ayn 'ixtic: —Man̈ ach xiwoc. An ton tic b'ab'l waj 'a smasnil, slajb' in paxi.

Apoc 1:8

Yaljnac Cajlilec 'ixtic: An tic b'ab'l waj 'a smasnil, slajb' in paxi. 'Icha chab' letra A yet' Zeta, 'ixta 'in, xchi Cajlilec, atn pax jun tztac' yuj smasnil. A 'ayc' ticnec, 'ayc'n̈ej tax 'a yic pecti', atn jun 'oj jawoc.

Apoc 2:8

'Ix yaln pax 'ayn 'ixtic: 'Ixtc tzotj a tz'ib'n 'at 'a jun in checb' 'ayc' 'a iglesia 'a Esmirna: A jun b'ab'l yaji, slajb' paxi, atn jun xchami, palta xpitzw paxi, a tzaln 'ayx 'ixtic:

Apoc 22:13

An tic, b'ab'l waj 'a smasnil, slajb' in paxi. 'Icha chab' letra A yet' Zeta, 'ixta 'in. An b'ab'l in 'a smasnil tas, slajb' pax waj 'a smasnil, xchi Jesucristo.