Is 41:23 - Chuj San Sebastian Bible

²³ Toto caw yel dios ex, alc 'ayn̈ on̈, tas wal 'oj ujc yic b'aq'uin̈. B'oc tas tztac' eyu'uj, toxn̈ej wach' mto tu', sec tzsat qui c'ojl quilni, ax qui xiw yu'uj.

Chuj San Mateo Bible

²³ Tato yel dios ex, alec d'ayon̈ tas toto ol ujoc chi', yic scojtaquejeli to dios ex. Ch'oxec val quila' tas syal eyuuj chi', taxon̈ej vach', ma chuc, yic sat co c'ool quilani, yic tzon̈ xivq'uei.

Is 41:23 Iomraidhean Croise

Is 19:12

Ach faraón, ¿'ajtil 'ay eb' tz'a'n a nab'enoc cha, sec tzch'ox eb' 'ayach mto tzyal eb' ab'i', tas nab'ilx 'a yib'n̈ a chon̈b' Egipto yuj Jehová tztac' yuj smasnil?

Is 42:9

'Iltec wal 'ix 'aj 'el'ch smasnil tas waljnac 'a yictax yaln̈taxi. Ax ticnec, 'ay jun tzo'n̈ xo tas mantzac wal 'ayex, a 'oj wala'. 'Aycto tzwaln cani, ya' sb'a mantzac uji, xchi Dios.

Is 43:9

Molb'tzejc e b'a e masnil ex chon̈ab' yet' ex nacion̈. Tzeyalni mach e diosal ax nacion̈ ex tic. ¿Tom 'ay junc eb' aljnac 'eli tas ujnc 'a yic pecti', mto 'icha tas wan yuj ticnec? Yi' cot cab' eb' stestigo toto yel yaljnac eb', sec wach' tz'ojcax 'eli to yel tas yaljnac eb' cha, xchi Dios.

Is 45:21

Paxtinan̈ec, alec tas chi eyojc cha, c'anb'jlajec 'ayex, jun lajn tzeyutj eyalni. ¿Mach aljnac 'el jun tzo'n̈ tic 'a yictax yel yich sb'o smasnil tas? ¿Mach aljnac 'el 'a yictax pecti'? ¿Tom man̈ oquin an Jehová in 'ix wal-l jun tzo'n̈ tic? May junc xo Dios, To Cojxn In Toni. Cojn in tzwac' 'el'choc tas tzwala yic tzex in coln 'eli.

Is 45:3

Ax ricoal to c'ub'b'il 'eli yet' tas to c'ultac yaji, 'oj wac' 'ayach, sec wach' tzojquej 'eli to an ton Jehová in, sDiosal in chon̈b' Israel, an ach wawtej.

Is 46:7

Tzya'n q'ue 'a sjolm squelab', tzyi'n 'ati, tzya'n q'ue 'a sat junc mexa, sin̈n̈i tzyutj can 'a yet'ul sec matz 'ib'xi. Wach'xam jantc yawj 'och jun 'ay yic chi 'a 'a, yic tzc'ann scolwal, palta matz ta'w xon jun yechl cha, matz tac' scolx 'el jun chi 'a syailal yu'uj.

Jeremías 10:5

A jun tzo'n̈ yechl cha, lajn eb' 'icha xib'tnub'al ch'ic 'a scal junc 'awb'en. Matz tac' spaxtini, yowlal to tzcuchx b'eyc'oc, yujto matz tac' sb'eyi. Man̈ ex xiw 'a jun tzo'n̈ cha, yujto matz tac' sb'on tas tu', matz tac' pax sb'on tas wach', xchi Dios.

Dn 2:9

Toto ma'oj eyal 'ayn yuj tas 'ix wil 'a in waych cha, eyojc wal b'i'an to 'oj 'el'choc tas nab'ilx wuj 'a eyib'n̈ cha, yujto 'ix e mol alej tas tzeyutj eya'n 'es yic tze pacn 'ayin. Yuj cha, tze tan̈wni sec toq'ue tzin jel tas nab'ilx wuj 'a e patc cha. Alc 'ayn 'an tas 'ix in waychej cha, sec tzwojquej 'eli chajtlto 'oj stac' eyaln tas tzyal 'el'ch in waych cha, xchi win rey chi 'a eb'.

Jn 13:19

'Aycto tzwaln can jun tzo'n̈ tic 'ayex, sec wach' a yic 'oj jawc jun chi 'a wib'an̈, ax e wach' 'a'n 'och e c'ojl 'ayin, to an ton Cristo in.

A Tas Sc'ulejnac Eb' Schecab' Jesús Hechos 15:18

'Ixta yutjnac Cajlil yalni, atn 'a'jnac cojcoc 'el jun tzo'n̈ tic, yictax pecti', xchi 'a Ch'an̈.