Is 41:2 - Chuj San Sebastian Bible

² ¿Mach 'oj 'a'n checljoc jun rey 'a 'aj tzq'uel c'u? ¿Mach 'oj 'a'n yac' ganar jun rey chi owal yic tzann̈j 'aj 'oj 'ec'oc? ¿Mach 'oj 'a'n 'och jun tzo'n̈ nacion̈ 'a yol sc'ab' jun rey cha, sec tzyij 'ejm sb'a eb' 'a 'a? A yespada yet' sjul-lab' jun rey cha, a 'oj pechnoc 'el eb', ax sactzic can 'at eb' 'a juncxo lugar 'icha tz'aj solcal trigo tzpucn 'at 'a scal 'ic'.

Chuj San Mateo Bible

² ¿Mach ol ac'an checlaj jun rey d'a stojolal b'aj sjavi c'u, jun ol ac'ann̈ej ganar oval? ¿Mach ol ac'anoch nivac chon̈ab' d'a yol sc'ab', yic ol yac'anem sb'a eb' d'ay? A yed' yespada jun rey chi' yed' sjul-lab' ol sactzipanb'at eb' icha sb'at smatz'il ixim trigo yuj ic'.

Is 41:2 Iomraidhean Croise

Gn 11:31

Xlajw cha, 'ix 'el Taré 'a yol chon̈b' Ur 'a yol yic Caldea, yic tz'at 'a yol yic Canaán. 'Ix yi'n 'at jun yunnal yet'oc atn Abram, 'ix yi'n pax 'at Lot, atn win yixchiquin, win yunnal can win Harán, yet' 'ix yalb' winac, tzcuch Sarai. Xc'och eb' 'a chon̈b' Harán, ata 'ix can cajn eb' ta'.

Gn 17:1

A Abram 99 ab'il sq'uinal, yic sch'oxn sb'a Jehová 'a 'a, xyaln 'a 'ixtic: —An ton Dios in, tztac' wuj smasnil, wach' tzotj a b'a 'a in sat.

A Ch'an̈ Schab'l Libro Samuel 22:43

Caw choc' 'ix 'aj eb' wu'uj, 'icha wal lum pococ xwutj in te'n chojc eb', 'icha wal tz'aj ste'x lum b'i'ch 'a yol caye.

A Ch'an̈ Schab'il Libro Yic Yab'ixal Eb' Rey 13:7

A Joacaz cha, man̈x niwnoc sb'isl eb' soldado win 'ix cani. Cojxn̈ej 50 soldado tz'och 'a yib'n̈ chej, lajn̈e caruaje yic owal, lajn̈e pax mil soldado tzb'ey 'a yoc, yujto a sreyl chon̈b' Siria, a 'ix satn 'el eb'.

2 Cr 36:23

An Ciro in tic, sreyl in Persia, an tzwal 'ixtic: A Jehová sDiosal satcha'an̈, a x'a'n 'och smasnil nacion̈ 'ay 'a sat lum tic 'a yol in c'ab'. A 'ix aln 'ayin, to tzin b'o chan̈ junc yatut 'a Jerusalén 'a yol yic Judá. Yuj cha, tzann̈j ex to schon̈b' Jehová eyaji, colwj cab' Jehová e Diosal eyet'oc. A ticnec 'ixquec 'a Jerusalén cha, xchi Ciro.

Esdras 1:2

An Ciro in tic, sreyl in Persia, an tzwal 'ixtic: A Jehová Dios 'ay yic satcha'an̈, a x'a'n 'och smasnil nacion̈ 'ay 'a sat lum tic 'a yol in c'ab'. A 'ix aln 'ayin, to tzin b'o chan̈ junc yatut 'a Jerusalén 'a yol yic Judá.

Is 40:24

Lajn eb' yajl chi 'icha junc 'unn c'ultc tot 'awb'il, mant 'a sch'an̈lyib' tz'at 'a yol lu'um. Toto tzyutz'j 'och Dios yic' 'a 'a, wal 'a yajn̈ej tztacji, ax chacxuxm'ic' tz'utz'n 'at 'icha solcal trigo.

Is 41:25

'Ix wac' checlj chan̈ jun mach 'a stojlal norte, 'oj wawtc coti, ax scot 'a 'aj tzq'uel c'u, ax yaln sb'a 'ayin. A 'oj te'nc 'ejm eb' syajlil chon̈ab', 'icha wal tz'aj ste'x lum b'iq'uich, 'icha wal tzyutj win tz'acm ste'wtan̈n lum b'i'ch cha, 'ixta 'oj 'ajcn eb' yu'uj.

Is 41:3

'Oj 'at eb' rey 'elc yu'uj, palta ax jun rey cha, caw tzaljc'ojlal 'oj 'at 'a yojltac, 'icha to matz tec' 'ejm yoc 'a sat lum sb'eyi.

Is 42:6

An Jehová in an ach wawtej, sec tza b'o tojlal 'a sat lum lu'um. Caw tan̈b'ilch wu'uj. Ach 'oj ach in c'anlb'oc yic 'oj in b'onc in trato yet' eb' 'anma', ax ochcn sacq'uinlal 'a jun tzo'n̈ xo nacion̈.

Is 45:1

A Jehová a 'ix si'n 'och Ciro reyal, caw a 'ix quetzn b'ey yet' swach' c'ab', sec tz'ejm jun tzo'n̈ nacion̈ yu'uj, yuj pax yi'n 'ec' yopiso eb' rey. A Jehová, a 'oj 'a'nc jacwc spuertail jun tzo'n̈ chon̈b' 'a Ciro, may junc mach 'oj stac' smacni. Yuj cha, tzyaln Dios 'a 'ixtic:

Is 45:13

An Jehová in tztac' wuj smasnil, 'oj in b'o snab'en win Ciro sec 'oj sb'o tojlal. An 'oj wac' nachjoc 'el yu'uj sec a wach'l 'oj sb'o'. A 'oj b'onc pax in chon̈b' Jerusalén jun 'ejm xo. Ax eb' in chon̈b' to 'ijxnac 'at 'icha presoal, 'oj 'ajxoc 'el eb' 'a libre yuj 'a nab'an̈ej. May tas 'oj stoj eb', may pax spac 'oj yac' eb' 'a 'a, xchi Dios.

Is 46:11

'Ay jun mach tox 'ix wawtj cot 'a stojlal 'aj tzq'uel c'u, caw najt 'oj cot 'icha junc no c'uc'um. A jun cha 'oj wac' sb'o smasnil tas nab'ilx wu'uj. A tas 'ix wala, mto a tas nab'il wu'uj, 'oj wac' 'el'choc.

Is 48:15

An 'ix wala xcot jun cha, yuj cha 'ix jawi. Ax smasnil 'aj 'oj 'ec'oc, 'oj ya'n̈j ganar.

Lm 1:15

Caw wal najt xyijcan 'el Cajlil eb' 'anma caw jeln on̈ scoln on̈. Ax eb' soldado 'ajc'ojl yajch 'ayn̈ on̈, a eb' xyij coti, sec tzlajw 'el smasnil eb' qui soldado caw jeln on̈ scolni. An̈ 'aj Judá on̈ tic on̈, on̈ te'x can 'ejm yuj Cajlil 'icha tz'aj ste'x 'el yalil te uva.

A Ch'an̈ Carta D'a Eb' Hebreo 7:1

A win Melquisedec, sreyl chon̈b' Salem win 'a pecti'. Ya'mal 'och pax sti eb' 'anma win 'a Dios, atn jun caw niwn yel'chi. A 'a jun 'el, xit'nc Abraham yac' owl yet' jun tzo'n̈ eb' rey, yic yajx ganar eb' yu'uj. Ax yic spaxta, ax win Melquisedec xit' c'umnoc 'a yol b'e. Sc'anjnac win swach'c'ojlal Dios 'a yib'an̈.

Apoc 16:12

Xlajw cha, ax jun swacl ángel, 'ix secn 'ejm sb'al svaso 'a yib'n̈ a niwquil a Éufrates. Ax jun a cha, 'ix tupi. 'Ix tacj can sb'e a'. 'Ixta x'aj sb'o jun sb'e eb' yajl xcot 'a stojlal 'aj tzq'uel c'u.

Apoc 7:2

Xwiln paxi, 'ay junx ángel xcot 'a stojlal 'aj tzq'uel c'u. 'Ay jun seyo yet'i, atn jun yic Dios pitzan. Caw 'ip 'ix 'awj 'a chan̈wn̈ eb' ángel cha. Atn eb' chan̈wn̈ chi 'ac'b'il spoder yixtn tas 'ay 'a sat lu'um, yet' tas 'ay 'a a mar, 'ix yaln 'a eb' 'ixtic: