Is 41:18 - Chuj San Sebastian Bible

¹⁸ 'Oj wac' pac'q'uet a a 'a lum jolmctac witz, ax wa'n pitzwc a spac'b'a 'a snan̈l eb' lum pan̈n 'a'lic. A lum cusltac lu'um, 'oj wa'cn 'och lum yaxlumal, ax 'a lum tacn̈ sat, 'oj wac' pac' a a 'oj b'ey yoctac.

Chuj San Mateo Bible

¹⁸ A d'a lum jolomtac vitz taquin̈ sat, ol laj vac'q'ueul a nivac a' sb'eyi, axo d'a snan̈altac lum ac'lic, ol laj q'ueul sjaj a' cotac a'. A lum taquin̈ sat, sitz'atac ol ajcan luum. Axo d'a lum taquin̈ luum, ol laj q'ueul a' cotac a' sb'eyi.

Is 41:18 Iomraidhean Croise

Salmos 104:10

Ach 'ix ala, yuj cha 'ay a spac'b'a', xlaj b'ey a 'a lum ch'olctac.

Salmos 105:41

Xya'n poj snan̈l q'uen niwquil q'ue'en, axta 'ix 'elt secnjoc a a'. 'Ix b'ey a 'a lum tacn̈ lum 'icha wal sb'ey a 'elmal a',

Salmos 107:35

A lum tacn̈ lum may yalil sat, ax tz'a'n pitzwc a niwc pama' yet' eb' a spac'b'a 'a lu'um.

Salmos 126:4

Mamin Jehová, 'a'x a wach'c'ojlal 'a quib'n̈ on̈ 'icha xon caj 'a pecti 'on̈. 'Icha tz'aj syaxb' pax sat lum cusltac lum yuj n̈ab' 'a lum Neguev, 'ixta cab' tzon̈ otj on̈.

Salmos 46:4

'Ay jun a niwquil a tz'el yoctac, a tz'a'n tzaljc'ojlal 'a eb' cajn 'a schon̈b' Dios, atn jun chon̈b' to cojn Dios niwn yel'chi, a 'ay yico'.

Is 12:3

A mach 'ay stacn̈ti'al, 'oj 'ajxoc yuc' a 'a tzaljc'ojlal, atn scolnb'il tz'ajx yuj Dios.

Is 30:25

A yic 'oj c'och sc'ul yem junn̈joc storre eb' 'ajc'ojl yajch 'ayex, caw niwn chaml 'oj 'och 'a scal eb', til wal eb' a niwc a 'oj 'elt secnjoc 'a eb' lum jolmctac witz, yet' 'a eb' lum jolm tzalan.

Is 32:2

A junjn eb', 'icha to qui colnb'il yaj eb' 'a junc 'ic' caw ow, mto 'a niwc yaxn̈ab'. 'Icha sb'e a yaj eb' 'a lum tacn̈ lu'um, 'icha wal pax yen̈l junc niwquil q'uen 'a lum cusltac lu'um, 'ixta yaj eb'.

Is 33:21

Ata 'oj sch'ox Jehová spoder to caw 'ay smay 'ayn̈ec. Til wal a niwc a lewn sat tzb'ey ta', palta ma'oj stac' yoch eb' 'ajc'ojl yet' sniwc barco yic tz'at ya'nc eb' owl quet'ec.

Is 35:1

'Oj tzaljoc chan̈ lum cusltac lu'um, ax snichn te c'ultc 'a lum tacn̈ lu'um.

Is 44:3

An 'oj wac' 'el yoctc a a 'a lum cusltac lu'um, ax sb'ey pax a 'a lum tacn̈ sat. An 'oj wac' Wespíritu 'a eb' eyin̈til, ax wa'n cot in yaxilal 'a yib'n̈ eb'.

Is 48:21

Nac coti tas 'e'nc eb' e mam eyichm 'a lum cusltac lu'um, to man̈ 'ochncoc stacn̈til eb'. An 'ix wac' jat snan̈l q'uen niwc q'ue'en, axta 'ix 'elt secnjoc a niwc a 'ix b'ey yoctac.

Is 58:11

Toto 'ixta 'oj eyutc e b'a, an xo an Jehová in, an 'oj ex in quetz b'eyoc. 'Oj yac' sobra wa'n tas tze c'ux 'a lum cusltac lu'um. 'Oj wac' eyip, lajn 'oj eyaj 'icha junc 'awb'ente 'aychn̈ej yalil, mto 'icha junc spac'b'a may tz'aj stupi.

Is 65:13

Palta tzwal 'ayex, to a eb' in checab' 'ay tas 'oj sc'ux eb', ax xo tic, 'oj e cham yuj wejel. 'Ay tas 'oj yuc' eb', ax xo, 'oj e cham yuj tacn̈ti'al. 'Oj tzaljoc eb', ax xo, to 'oj e q'uixw can 'eli.

Jl 3:18

A 'a yic jun tiempoal cha, caw 'oj b'ut'joc 'el eb' lum jolmctac witz yuj te uva, ax eb' lum tzalctac, 'oj b'ut'joc 'el eb' lum yuj e no wacax. A wal eb' a spac'b'a 'ay 'a Judá, caw 'oj b'ey yoctc eb' a'. Ax 'a yol watut, ata 'oj pac' q'uet jun a a 'oj pucb't 'a span̈nil lum Sitim.

Zacarías 14:8

A 'a yic jun c'ul cha, 'oj pac' q'uet jun a a 'a Jerusalén. 'Oj b'eyn̈j yoctc 'a cuaresma yet' 'a n̈ab'lq'uinal. A jun a cha, nan̈l a 'oj 'atcn 'a a Mar Muerto, ax nan̈l xo a 'oj 'atcn 'a a mar Mediterráneo.

Apoc 22:1

Xlajw cha, 'ix sch'oxn jun ángel chi jun niwn a 'ayin, caw yaxt'ujnac. Atn jun a tz'a'n qui q'uinlec 'a jun 'ejmn̈ej. Caw yaxt'ujnac yilx 'icha cristal. A 'a sdespacho Dios yet' jun tzcuch Calnelu, ata tzpac' 'elta.

Apoc 7:17

Yujto a jun tzcuch Calnelu, atn jun 'ayc' 'a spacl snan̈l jun despacho, a tz'iln eb' 'icha junc 'ilm calnelu. A tz'i'n 'at eb' 'a jun a a yic q'uinl 'ayc' 'a jun 'ejmn̈ej. Ax Dios, man̈x 'oj chanc 'oc' eb', xchi 'ayin.

Jueces 15:19

Xlajw cha, 'ix sjacn Dios jun a spac'b'a 'ay 'a Lehi cha. 'Ix yu'n Sansón a a cha, caw wal 'ix japx sc'ojl tzyab'i. 'Ix 'ochx yip jun 'ejm xo. Yuj cha, a jun a spac'b'a 'ay 'a Lehi cha, scuchcn En-hacore. (Tzyal 'el'chi yuc'b'ila mach tz'awji).