Is 41:13 - Chuj San Sebastian Bible

¹³ Yujto an tic, an ton Jehová e Diosal in, an ex in quetzb'eyoc', 'ix waln 'ayx 'ixtic: Man̈ex xiwoc, an 'oj ex in colo', xin chi, xchi Dios.

Chuj San Mateo Bible

¹³ Yujto a in Jehová in tic, e Diosal in. A in ix ex in quetz b'eyoc. A in ton ix val d'ayex: Man̈ ex xivoc, ol in och eyed'oc, xin chi.

Is 41:13 Iomraidhean Croise

Salmos 109:31

Yujto ach tza col eb' 'oltac tz'aji, tza coln 'el eb' 'a yol sc'ab' eb' tz'a'n queja eb' cha.

Salmos 118:7

Wojtac to 'ayc' wet'oc, a tzcolwj 'ayin. 'Oj wila', tas tz'aj slajw 'el eb' 'anma tzin chacn 'eli.

Salmos 63:8

Caw wal junn̈j waj et'oc, quetzb'iln oj yet' a wach' c'ab'.

Salmos 73:23

Palta an tic, 'aynn̈ej 'ec' et'oc, quetzb'iln oj yet' a wach' c'ab'.

Ex 14:13

'Ix ta'w Moisés 'ixtc 'a eb' 'anma cha: —Man̈ ex xiwoc, te'wtzejc e b'a, 'oj eyila' tas 'oj yutc colwjoc sb'a Jehová quet'ec, yujto man̈x 'a xon b'a'n̈ 'oj eyilch jun tzo'n̈ 'aj Egipto tic, cojxn̈ej ticnec tzeyilcn 'och eb'.

Ex 20:20

'Ix ta'w Moisés 'ixtc 'a eb': —Man̈ ex xiwoc, ton̈j tzwul ex yac' prowal Dios, yic wach' 'ay e xiwc'ojlal 'a 'a, sec ma'oj laj 'och e mul, xchi.

Is 41:10

Man̈ ex xiwoc, 'ayn 'ec' eyet'oc. Man̈ ex 'och 'il, yujto an ton e Diosal in. An tzwac' eyip, an tzex in colo, an tzex in yamch wan yet' wip tzin c'anlb'ej 'a stojlal.

Is 42:6

An Jehová in an ach wawtej, sec tza b'o tojlal 'a sat lum lu'um. Caw tan̈b'ilch wu'uj. Ach 'oj ach in c'anlb'oc yic 'oj in b'onc in trato yet' eb' 'anma', ax ochcn sacq'uinlal 'a jun tzo'n̈ xo nacion̈.

Is 43:6

'Oj wal 'a eb' chon̈b' 'ay 'a stojlal norte 'ixtic: 'A'c meltzjoc eb' in chon̈ab', 'oj in chioc. Ax 'a eb' chon̈b' 'ay 'a stojlal sur, 'oj wal 'ixtc 'a eb': Man̈ eyamch wan eb', 'ijec cot eb' wunnal yet' eb' wisl 'aycn 'at 'a caw najt cha, eb' 'ay 'a 'aj tzlajw c'och yolyib'n̈q'uinal.

Is 45:1

A Jehová a 'ix si'n 'och Ciro reyal, caw a 'ix quetzn b'ey yet' swach' c'ab', sec tz'ejm jun tzo'n̈ nacion̈ yu'uj, yuj pax yi'n 'ec' yopiso eb' rey. A Jehová, a 'oj 'a'nc jacwc spuertail jun tzo'n̈ chon̈b' 'a Ciro, may junc mach 'oj stac' smacni. Yuj cha, tzyaln Dios 'a 'ixtic:

Is 51:18

A 'a scal smasnil eyunnal, may wal junc eb' ex jucb'tzani, a 'a scal smasnil eb' 'unn xe q'uib'tzej, may xon junc eb' ex quetzni.

Jeremías 30:10

Ex israel yin̈tl can Jacob, caw man̈ ex xiwoc, yujto in checb' eyaji, 'oj ex in col 'elt yet' eb' eyunnal 'a jun nacion̈ 'ay 'a najt 'aj yamchjnacx 'at 'icha presoal. An Jehová in, an tzwala, to 'oj eyaj cajn jun 'ejm xo 'a junc'ojlal yet' 'a tzaljc'ojlal, man̈x 'a mach 'oj e xib'tni.

Jeremías 46:27

'Ix yaln pax Jehová 'ixtic: Ex Israel, atn ex yin̈tl can Jacob, in checb' eyaji, caw man̈ ex xiwoc, yujto 'oj ex in col 'elt yet' eyunnal 'a jun nacion̈ 'aj ex 'ijx 'at 'icha presoal 'a caw najat. An Jehová in, an tzwala: 'Oj e cajx e lum 'a junc'ojlal, man̈x 'a tas 'oj e na', man̈x 'a junc mach 'oj e xib'tni.

Hageo 2:5

Man̈ ex xiwoc, yujto 'aychn̈ej Wespíritu eyet'oc, 'icha wutjnac wa'n can in ti', yic xwi'n 'elt eb' e mam eyichm 'a Egipto.

2 Ti 4:17

Palta ax Cajlil, a 'ix 'och wet'oc. 'Ix colwj wet'oc. Yuj cha, xin wach' aln 'el wach' 'ab'x yic colnb'il. A wal eb' man̈ israeloc, c'uxn xlaj yab' eb' smasnil. A 'a jun 'el, 'icha to yamchjnacn yuj junc no león, 'ijn schin 'ejm no'. Palta ax Cajlil, a 'in coln can 'el 'a yol sti no'.