Is 39:3 - Chuj San Sebastian Bible

³ Xlajw spaxcn eb' winc cha, 'ix 'at Isaías win schecb' Dios 'a win rey Ezequías, 'ix sc'anb'n 'a 'ixtic: —¿'Ajtil 'ix cot jun tzo'n̈ winc cha? ¿tas xchi eb' 'ayach? xchi. —'Ix cot eb' 'a jun nacion̈ caw najat, atn 'a Babilonia, xchi Ezequías.

Chuj San Mateo Bible

³ Axo yic ix paxcan eb' vin̈, ix in b'at a in Isaías in tic schecab' Dios vil vin̈aj rey Ezequías chi', ix in c'anb'an icha tic: —¿B'ajtil ix cot juntzan̈ eb' vin̈ vinac chi'? ¿Tas ix ul yal eb' vin̈ d'ayach? xin chi. Ix yalan vin̈ icha tic: —A d'a jun chon̈ab' te najat ix cot eb' vin̈, aton Babilonia, xchi vin̈.

Is 39:3 Iomraidhean Croise

A Ch'an̈ Schab'l Libro Samuel 12:1

'Ix schecn 'at Jehová win Natán 'a David. Ax yic xc'och win 'a David cha, 'ix yaln win 'ixtc 'a 'a: —'Ay chawn̈ winc 'a jun chon̈ab', jun winac caw wal rico, ax junx winac, caw wal meb'a'.

2 Cr 16:7

A 'a yic jun tiempoal cha, 'ix jaw jun schecb' Dios Hanani sb'i 'a win Asa sreyl Judá, 'ix yaln 'a win 'ixtic: Yujn̈ej to a sreyl Siria 'ix a'ch yipc a c'ojol, man̈oc Jehová qui Diosal, yuj cha, 'ix 'el eb' soldado sreyl Siria 'a yol a c'ab'.

2 Cr 19:2

Ax jun schecb' Dios Jehú sb'i, yunnal Hanani, 'ix 'elta yic tzwul schanc rey Josafat. 'Ix yaln 'a 'ixtic: ¿Tas yuj ach colwj yet' jun win tu snab'en cha, caw 'ix a chamc'ojlej jun 'ajc'ojl yajch 'a Jehová? Yuj wal cha, 'ix cot yowl sc'ojl Jehová 'a eb'an̈.

2 Cr 25:15

Yuj jun cha, caw 'ix cot yowl sc'ojl Jehová 'a Amasías, 'ix schecn 'at jun schecb' 'a 'a, xyaln 'a 'ixtic: —¿Tas yuj ach 'och 'emmquilal 'a jun tzo'n̈ comn dios yic junc xo nacion̈, jun tzo'n̈ dios to matz tac' scoln 'el schon̈b' 'a yol a c'ab'? xchi.

Is 38:1

A 'a yic jun tiempoal cha, caw ow ya'n syailal Ezequías, jab'xoj ma'ix chami. Ax Isaías yunnal Amoz, win schecb' Dios, 'ix 'at win 'at yila', 'ix yaln win 'ixtic: —Tox 'ix yal Jehová oj 'ixtic: A ticnec, b'ocn yaj tas 'ay 'ayach, yujto 'oj a chami, man̈x 'oj b'oxc a c'ojol, xchi Dios, xchi Isaías cha.

Is 38:5

to tz'at yalx 'ixtc 'a Ezequías: A Jehová qui Diosal yet' a mam 'ichm David, a tzaln 'ixtc 'ayach: 'Ix wab' a lesal, xwiln pax oq'ui, yuj cha, 'oj wac' olajn̈ec xo ab'il a q'uinal.

Is 39:4

—¿Tas xwul yil eb' 'a a despacho tic? xchi Isaías. —'Ix yil eb' smasnil tas 'ay 'a in despacho tic, yet' jantcn̈ej tas molb'il wu'uj. C'uxn xin ch'ox 'a eb' smasnil, xchi Ezequías.

Jeremías 4:16

Alc 'a jun tzo'n̈ nacion̈ yet' 'a Jerusalén, chajtlto a 'a jun nacion̈ 'ay 'a caw najat, ata tzcot eb' 'ajc'ojol. Caw tzya'l eb' yaw scot yac' owl 'a jun tzo'n̈ chon̈b' 'ay 'a yol yic Judá.

Jeremías 5:15

Tzyaln pax Jehová 'ixtic: Ex yin̈tl can Israel, a wal jun chon̈b'al eb' 'anma caw najt 'ay, a eb' 'oj wi' cot 'ayex, atn eb' 'anma caw 'ay yip, eb' 'ayc' xon 'a yictax pecti', eb' man̈ eyojcoc sti', ma'oj eyab' xon tas 'oj yal eb'.

Jeremías 8:19

Caw wal tz'ab'x yel yaw eb' wit chon̈b' 'a smasnil yol qui nacion̈ tic. ¿Tom man̈x 'ayc 'ec' Jehová 'a Sión? ¿Tom man̈x 'ayc 'ec' qui Reyl ta'? xchi eb'. 'Ix ta'w Jehová 'a eb' 'ixtic: ¿Tas yuj xe tzuntzj cot yowl in c'ojol, yic xeyaln e b'a 'a jun tzo'n̈ yechel, atn jun tzo'n̈ comn dios may jac yel'chi, chuc 'aj cotnac? xchi 'a eb'.

Dt 28:49

A junc nacion̈al eb' 'anma caw najt 'ay 'a slajb' yolyib'n̈q'uinl tic, a 'oj yi' cot Jehová 'ayex. 'Icha wal sjelnal sb'ey junc no salt'iw yic tzjen̈wj no', 'ixta 'oj 'aj sjaw eb'. Chuc sti eb', ma'oj eyab' tas tzyal eb'.

Josué 9:6

Ax yic xc'och eb' 'aj 'ay camplamento 'a Gilgal, 'ix yaln eb' 'ixtc 'a Josué yet' 'a eb' yajl yaj 'a eb' israel cha: —An̈ tic on̈, checb'il qui cot yuj eb' quit chon̈b' on̈. Caw najt xcan qui chon̈b' on̈, tzqui nib'j on̈ to tzqui b'oc junc qui trato, xchi eb'.

Josué 9:9

—Caw wal najt on̈ coti, yujto xcab'i to a Jehová e Diosal caw wal 'ay spoder. 'Ix cab' paxi tas 'ix sb'o 'a chon̈b' Egipto.