Is 39:2 - Chuj San Sebastian Bible

² Caw wal chab'il sjaw eb' schecb' chi yuj Ezequías. Xlajw cha, 'ix sch'oxn 'a eb' tas molb'il yuj 'a yol yatut, atn q'uen plata, q'uen oro, perjuma, aceite caw wal wach' yet' 'a 'aj molb'il yamc'ab' yic owal, yet' pax jantcn̈ej tas 'ay 'a 'a. C'uxn 'ix sch'ox 'ilxoc smasnil.

Chuj San Mateo Bible

² Ix te tzalaj vin̈aj Ezequías chi' yujto ix javi eb'. Ix sch'oxan masanil sb'eyumal vin̈ d'a eb', aton q'uen plata, q'uen oro, perfume, aceite te vach', b'aj molan masanil yamc'ab' yic oval yed' masanil tastac ay d'a yed'tal b'aj molb'ab'il. Man̈xa junoc tas ay d'a spalacio vin̈ yed' masanil tas ay d'a yol smacb'en vin̈ maj sch'ox d'a eb' vin̈.

Is 39:2 Iomraidhean Croise

A Ch'an̈ B'ab'el Libro Yic Yab'ixal Eb' Rey 10:10

Xlajw cha, xya'n 'ix 90 quintal q'uen oro 'a win rey cha, caw niwn perjuma xyac' 'ix 'a winac, yet' pax jun tzo'n̈ q'uen q'uen caw wach' yilxi. Man̈x 'a xon jun 'ejmoc xc'och perjuma 'a Israel 'icha wal sb'isl chi siyj 'ix sreinail chon̈b' Sabá chi 'a win rey Salomón.

A Ch'an̈ B'ab'el Libro Yic Yab'ixal Eb' Rey 10:15

Ax stojlb'al eb' chon̈wjum, yet' stojlb'al smasnil eb' rey 'a yol yic Arabia, yet' yic eb' yajl 'a yol yic Israel, man̈ 'ayc 'och jun tzo'n̈ chi stz'acb'oc.

A Ch'an̈ B'ab'el Libro Yic Yab'ixal Eb' Rey 10:25

Tzyij cot eb' siylab' 'a win 'a junjn ab'il: 'icha q'uen oro, q'uen plata, jun tzo'n̈ pichul, yamc'ab' yic owal, jun tzo'n̈ su'q'ui sjab', e no cawyu chej, yet' pax e no mula.

A Ch'an̈ Schab'il Libro Yic Yab'ixal Eb' Rey 20:13

Caw wal chab'il sjaw eb' schecb' chi yuj Ezequías. Xlajw cha, 'ix sch'oxn 'a eb' tas molb'il yuj 'a yol yatut, atn q'uen plata, q'uen oro, perjuma, aceite caw wal wach' yet' 'a 'aj molb'il yamc'ab' yic owal, yet' jantcn̈ej tas 'ay 'a 'a. C'uxn 'ix sch'ox 'ilxoc smasnil.

2 Cr 32:25

Wach'xam a Ezequías caw niwn swach'l 'ix scha'aj, palta ma'ix yac' yuj diosal yuj jun tzo'n̈ cha, a yico' to 'ix yij chan̈ sb'a yet' snab'en. Yuj cha, 'ix cot yowl sc'ojl Jehová 'a 'a, an̈jtona yet' 'a eb' 'a Jerusalén yet' 'a jun tzo'n̈ xo eb' 'a Judá.

2 Cr 32:27

A Ezequías caw wal rico si'mb'il, caw niwn yel'ch x'aji. Til wal q'uen plata, q'uen oro, q'uen q'uen caw wach yilxi, perjuma, smacl sat jul-lab', yet' jun tzo'n̈ xo tas to chan̈ stojl molb'il yu'uj.

2 Cr 32:31

Ax eb' yajl 'a Babilonia, 'ix chec cot eb' schecab' yic tzwul sc'anb'noc eb' yab' jun milagro satjub'tac 'ix uj 'a Judá. A Dios 'ix schaj sc'ojl sb'on Ezequías tas tznib'j sb'o', yic tz'ajx prowal yu'uj sec tzcheclj 'el smasnil tas 'ay 'a snab'en.

2 Cr 9:1

A 'ix sreinail chon̈b' Sabá, xyab' 'ix yel yab'xil rey Salomón, to caw niwn yel'chi. Yuj cha, 'ix jaw 'ix 'a Jerusalén yic tzwul sc'anb'noc 'ix jun tzo'n̈ paxti caw ya snachj 'a Salomón, yic tzya'n prowal. Caw niwn eb' schecb' 'ix xjaw yet'oc, niwn no cameyo cuchjnac perjuma, niwn q'uen oro yet' eb' q'uen q'uen yel xo wach' yilxi. A yic xjaw 'ix 'a yojltac Salomón, xyaln 'ix smasnil tas nab'ilx yu'uj.

2 Cr 9:9

Xlajw cha, xya'n can 'ix jun tzo'n̈ tic 'a rey Salomón: jun ciente quintal q'uen oro, caw niwn perjuma, yet' eb' q'uen q'uen yel xo wach' yilxi. Mant 'a jun 'ejmoc 'ix jaw perjuma 'a chon̈b' Israel, 'icha xyac' 'ix sreinail Sabá 'a rey Salomón.

Job 31:25

May xon 'aj xin nib'j tzin 'och ricoal, may 'aj xin nib'j to tzniwtj in tumin.

Pr 4:23

Tza ya'ilj a nab'en 'a yib'n̈ smasnil tas 'ay 'a yolyib'n̈q'uinl tic, yujto a 'a nab'en cha, a tzach 'i'n b'ey 'a swach'il mto 'a stu'al.

Ec 7:20

Palta may junc on̈ec caw tojl qui b'eyb'al 'a yolyib'n̈q'uinl tic, yic to may 'aj tz'och qui mulec.

Jeremías 17:9

Toc 'ay junc tas yel xo tz'ixtw paxti 'icha snab'en eb' 'anma', a jun nab'en cha, may xon tz'aj sb'o'i. ¿Mach wal tztac' yojcan 'eli?

2 Co 12:7

A jun tzo'n̈ tas ch'oxb'il 'ayn 'a satchan̈ cha, yel xo wal niwn yel'chi. 'Ay smay in b'an̈n in b'a yu'uj. Yuj cha, 'ay jun yailal 'ajxnac 'ayn yuj win Satanás, sec tzin yixtej. A jun cha, caw lajn 'icha junc niwquil q'uix tztecx 'och 'ayin. 'Ixta 'ajnc in, sec matz in b'an̈ in b'a.

1 Jn 1:8

Toto tzcalec to may qui mul, mun wan quixtnec paxti qui b'a qui nani, yujto may jac yel tzcalec.