Is 38:19 - Chuj San Sebastian Bible

¹⁹ Cojn mach pitzan, atn eb' chi tztac' yaln swach' paxti 'ayach, 'icha tzwutj in b'a 'aych ticnec. Ax eb' mamb'il yet' nunb'il, a eb' tzaln yab' eb' yunnal, to tz'el'ch tas tzala.

Chuj San Mateo Bible

¹⁹ An̈ej eb' pitzan syal yalan vach' lolonel d'ayach, icha tz'aj valan d'ayach ticnaic. A eb' mamab'il nunab'il, a eb' tz'alan d'a eb' yalyuninal to tzaq'uelc'och tas tzala'.

Is 38:19 Iomraidhean Croise

Gn 18:19

An 'ix in sic' 'elta yic tzyaln smasnil in checnb'il 'a eb' yunnal yet' 'a smasnil eb' yin̈til, sec 'oj syiclc eb'. Ax sb'eylb'an eb' smasnil tas wach' yet' tas tojol, sec wach' tz'el'ch smasnil tas waljnac can yet' in ti 'a eb', xchi Dios 'a snab'en.

Salmos 118:17

Ma'oj in cham muc'uc, palta pitzn in to, sec 'oj wal-li to satjub'tac tas tzb'o Jehová.

Salmos 119:175

Tzin nib'j to pitzn in, sec tztac' waln in wach' paxti 'ayach, ax a tojlal a tzcolwj wet'oc.

Salmos 145:4

A eb' mamb'il, 'oj laj yalcn eb' 'a eb' yunnal b'aq'uin̈, chajtlto 'ay tas b'ob'il o'oj, ax laj yaln eb' yab'xil a b'ob'en cha.

Salmos 146:2

'Oj wal in wach' paxti 'a Jehová ya' sb'a pitzn in. 'Oj in b'itnoc in Diosal ya' sb'a 'aynto 'ec' 'a sat lum lum tic.

Ex 10:2

'Oj eyal cot yab' eb' eyunnal yet' eb' eyiechicn jun tzo'n̈ tic, yujto an tzwac' jawc smasnil jun tzo'n̈ tic 'a yib'n̈ Egipto tic, atn tas to satjub'tac yilx tzin b'o'o. 'Ixta tzeyutj eyojcan 'eli, chajtlto an ton Jehová in, xchi Dios.

Ec 9:10

A smasnil tas tzqui b'o'ec, qui b'oc 'a smasnil qui c'ojol; yujto a yic 'oj qui chamec, yic 'ayn̈ecx 'ec' 'a campusan, toc 'ayt tas 'oj qui b'oc ta'. Ata', man̈x 'a tas 'oj qui na'ec, man̈x 'a pax yel'ch jelnal ta'.

Jl 1:3

Alc jun tzo'n̈ tic 'a eb' eyunnal, ax eb' 'oj alnc 'a yunnal, ax pax eb' chi 'oj alnc 'a eb' 'oj 'aljoc yic b'aq'uin̈.

Jn 9:4

Yowlal tzin b'o smunljel jun mach checjnacn coti, ya' sb'a 'ayt c'u. Yujto a yic tox x'at c'u, man̈x 'a mach tztac' smunlji.

Dt 11:19

'A'c scuy eb' eyunnal jun tzo'n̈ paxti tic 'a yol eyatut, yic tzex b'ey yet' eb', yic tzex waycn 'ejmi yet' 'a yic tzex q'uexwa'an.

Dt 4:10

Nac cot jun c'u yic 'ayn̈ec 'ec' 'a yojltac Jehová qui Diosalec 'a lum yich witz Sinaí. Ata 'ix yal Jehová 'ayn 'ixtic: Yamb'tzej eb' 'anma tic, yujto 'oj wac' yojcoc 'el eb' in paxti'. Ax scuyn sb'a eb' yoch 'emmquilal 'ayin, sec 'ay wel'ch 'a sat eb' yic pitzn eb' 'a sat lum lum 'oj wac' 'a cha, ax scuyn can eb' yunnal, xchi.

Dt 4:9

Yuj cha, caw wal tzeyil e b'a, man̈ eyac' sat e c'ojl 'a tas xeyil tic. Man̈ eyi'l e nab'en 'a jun tzo'n̈ ley tic, ya' sb'a pitznex. A eyico', to tzeyalcn yab' eb' eyunnal yet' eb' eyiechiquin.

Dt 6:7

'A junjn c'u, tze cuyn eb' eyunnal 'a jun tzo'n̈ paxti tic. Tzeyalb'tan̈j 'a yol eyatut, 'a yol b'e, 'a yic tzex waycn 'ejmi yet' pax 'a yic tzex q'uexwa'an.