Is 38:10 - Chuj San Sebastian Bible

¹⁰ A xwutj in nani to caw te'n in to ax in chami, yujto alb'ilx 'ayin to 'ayn xo 'och 'a yol sc'ab' chamel, man̈x wojcoc toto tzat wil jaye'ocx ab'il.

Chuj San Mateo Bible

¹⁰ A in naani to tec'an into ol in chamoc. Yujto ix alchaj d'ayin to ayinxooch d'a yol sc'ab' chamel. A in naani to man̈xo ol vil jayeocxo ab'il.

Is 38:10 Iomraidhean Croise

Job 6:11

Man̈x 'a wip tzwab'i yic tzwa'n techjoc yailal, man̈x 'a pax tas yuj 'i'n cob' to pitzn in.

Job 7:7

Ach in Diosal, na cot nab'an to a jab' in q'uinl tic, lajn 'icha yic tzyi'n junc mach yic' jun 'ejmoc, 'ixta yeq'ui. Man̈x b'a'n̈ 'oj wil jacx tzaljc'ojlal 'a tic.

Salmos 102:24

Yuj cha, xwaln 'aych 'ixtic: Ach in Diosal, man̈ in e'l muc'uc, 'a yic to mantzac paclj in q'uinal, xin chi. A 'a q'uinl ach tic Mamin, may b'a'n̈ 'ay slajub'.

Salmos 102:25

A 'a yictax yel yich, ach a b'ojnac lum lum tic, a b'on pax satcha'an̈.

Salmos 107:18

Man̈x 'a tas tznib'j eb' sc'uxu', yujto 'ayx 'ec' eb' 'a yol sc'ab' chaml tzyab'i.

Salmos 31:23

E masnil ex to yic ex xo Jehová wet'oc, qui chamc'ojloquec qui Diosal. A tztan̈wni eb' to wach' tzyutj sb'a. Palta ax 'a eb' tzyij chan̈ sb'a yet' stu nab'enal, caw tz'acn tzyutj ya'n spac 'a eb', atn syailal eb'.

Ec 9:10

A smasnil tas tzqui b'o'ec, qui b'oc 'a smasnil qui c'ojol; yujto a yic 'oj qui chamec, yic 'ayn̈ecx 'ec' 'a campusan, toc 'ayt tas 'oj qui b'oc ta'. Ata', man̈x 'a tas 'oj qui na'ec, man̈x 'a pax yel'ch jelnal ta'.

Is 38:1

A 'a yic jun tiempoal cha, caw ow ya'n syailal Ezequías, jab'xoj ma'ix chami. Ax Isaías yunnal Amoz, win schecb' Dios, 'ix 'at win 'at yila', 'ix yaln win 'ixtic: —Tox 'ix yal Jehová oj 'ixtic: A ticnec, b'ocn yaj tas 'ay 'ayach, yujto 'oj a chami, man̈x 'oj b'oxc a c'ojol, xchi Dios, xchi Isaías cha.

Is 38:9

A yic tox xb'ox sc'ojl rey Ezequías yuj syailal, 'ix sb'on can jun b'it tic 'ixtic:

Jonás 2:6

In 'em'ch can 'a yich eb' lum witz 'a yojl a a cha. A walni to jun 'ejmn̈ej in macx can 'ejmi, palta ach tic Jehová, in Diosal ach, xin a colcn 'el 'a yol sc'ab' chamel.

2 Co 1:9

A wal qui nan on̈, to tzon̈ cham ta 'on̈. 'Ixta wal 'ajnc on̈ ta 'on̈, sec wach' cojxn Dios tzca'ch yipc qui c'ojl on̈, yujto a tz'a'n pitzwc pax eb' chamnac. Aln̈ on̈, man̈xtzac ca'ch yipc qui c'ojl on̈, to tztac' qui coln qui b'a on̈.