Is 38:1 - Chuj San Sebastian Bible

¹ A 'a yic jun tiempoal cha, caw ow ya'n syailal Ezequías, jab'xoj ma'ix chami. Ax Isaías yunnal Amoz, win schecb' Dios, 'ix 'at win 'at yila', 'ix yaln win 'ixtic: —Tox 'ix yal Jehová oj 'ixtic: A ticnec, b'ocn yaj tas 'ay 'ayach, yujto 'oj a chami, man̈x 'oj b'oxc a c'ojol, xchi Dios, xchi Isaías cha.

Chuj San Mateo Bible

¹ A d'a jun tiempoal chi', te ov jun yaelal ix och d'a vin̈aj Ezequías, vanxo scham vin̈. A inxo Isaías in schecab' Dios yuninal in vin̈aj Amoz, ix in c'och d'a vin̈, ix valan d'a vin̈ icha tic: —Icha tic yalan Jehová: Alcani tas ol ajcan tastac ay d'ayach, yujto ol ach chamxon̈ej, man̈xo ol ach b'oxoc, xin chi d'a vin̈.

Is 38:1 Iomraidhean Croise

A Ch'an̈ Schab'l Libro Samuel 12:22

'Ix ta'w 'a eb' 'ixtic: —Yujto pitznto win 'unn cha, yuj cha, in 'och 'a c'ajb'c'ojlal, in 'oc' yuj winac. 'Ix in nani, lemb'il tzyac' Dios niwnc'ojlal 'ayn yet' winac, sec matz chami.

A Ch'an̈ Schab'l Libro Samuel 17:23

Palta ax xyiln win Ahitofel to ma'ix 'och yopiso snab'en xyala, 'ix ya'n 'och stzum sb'uru, 'ix pax 'a schon̈b' 'aj 'ay yatut, 'ix laj sb'onc can yaj smasnil tas 'ay 'a 'a, xlajw cha, 'ix st'un̈n q'ue sb'a, 'ix chami. Axta 'ix mucx 'a 'aj mucn smam.

2 Cr 32:24

A yic jun tiempoal cha, caw ow ya'n syailal Ezequías. Jab'xoj ma'ix chami. Yuj cha, 'ix leslwi 'a Jehová, 'ix ta'wxi, 'ix ch'oxx jun senya 'a 'a, chajtlto 'oj b'oxc sc'ojol.

Ec 9:10

A smasnil tas tzqui b'o'ec, qui b'oc 'a smasnil qui c'ojol; yujto a yic 'oj qui chamec, yic 'ayn̈ecx 'ec' 'a campusan, toc 'ayt tas 'oj qui b'oc ta'. Ata', man̈x 'a tas 'oj qui na'ec, man̈x 'a pax yel'ch jelnal ta'.

Is 1:1

An Isaías tic, yunnal in Amoz. 'Ix alx jun tzo'n̈ paxti tic 'ayin yuj tas 'oj jawc 'a yib'n̈ eb' 'aj Judá yet' eb' 'aj Jerusalén, atn 'a yic x'ec' ewin tic reyl 'a Judá: Ozías, Jotam, Acaz yet' pax Ezequías, ata 'ix yal Jehová 'ixtic:

Is 37:2

'Ix schecn 'at win rey win Eliaquim mayltoma yaj 'a sdespacho, yet' Sebna tz'ib'n ab'ix, yet' pax eb' ya'mal 'och sti eb' 'anma 'a Dios to 'ichm winc xo. 'Ix ya'ch ewin spichl n̈achtac sat, 'ix 'at eb' 'a win schecb' Dios, atn win Isaías, yunnal Amoz.

Is 37:21

Xlajw cha, 'ix ya'n Isaías alxc 'ixtc 'a win Ezequías cha: A Jehová qui Diosal a 'ix aln 'ixtic: 'Ix wab' a lesl yuj tas xyal Senaquerib sreyl Asiria, xchi.

Jonás 3:10

A yic xyiln Dios sjeln eb' 'aj Nínive snab'en, 'ix yactn can eb' stu b'eyb'al, yuj cha, 'ix sjeln snab'en 'a yib'n̈ eb' 'anma cha, xyalni to mant 'oj yac' lajwc 'el jun chon̈b' cha, 'icha xyutj ya'n alxc 'eli.

Jonás 3:4

'Ix 'och Jonás 'a yol chon̈b' cha, 'a b'ab'l c'u 'ix yaln 'ixtc 'a caw 'ip. ¡Yic wal chawn̈q'uej ticnec, 'oj lajwc 'el chon̈b' Nínive tic! xchi.

A Tas Sc'ulejnac Eb' Schecab' Jesús Hechos 9:37

Ax 'a jun tiempoal cha, 'ix yamchj 'ix yuj jun yab'il, 'ix cham 'ix. Xlajw cha, 'ix b'icx 'el sniwnal, 'ix 'ajx q'ue 'a yol jun cuarto 'a cha'an̈.