Is 34:2 - Chuj San Sebastian Bible

² Yujto a Jehová caw 'ay cot yowl 'a jun tzo'n̈ xo nacion̈, yet' 'a smasnil eb' soldado. Tox 'ix snalb'ej satn 'el eb', ax scham eb' smasnil.

Chuj San Mateo Bible

² A Jehová, te aycot yoval d'a masanil nación yed' d'a yib'an̈ eb' soldado. Toxo ix sna Jehová chi' to ol cham eb', ol satanel eb' smasanil.

Is 34:2 Iomraidhean Croise

Salmos 2:5

Tzcotn̈j yowl 'a eb', tzlaj xib'tx eb' yu'uj. Yet' wal yowl sc'ojl cha, ax yaln 'a eb' 'ixtic:

Ex 8:14

'Ix laj si'nc syam sb'a eb' 'anma chi smasnil no chamnc pajtza cha, b'ulctac xlaj yutc can eb' no 'a smasnil lugar, caw wal tu x'ec' sjab' no'.

Is 10:5

'Ix yal Dios 'ixtic: A win sreyl Asiria, a win tzin c'anlb'ej yet' yowl in c'ojol, 'icha to in c'occh yaji, a tzwac' 'a'nc 'och eyailal.

Is 13:5

Atn eb' xlaj cot 'a jun tzo'n̈ nacion̈ 'a najat, 'a 'aj tzlajw c'och sti lum lum tic. 'Icha to syamc'ab' Jehová yaj eb' yuj 'a owal, sec a eb' tzsatn 'el smasnil tas 'ay 'a sat lum lum tic yuj yowl sc'ojol.

Is 13:6

C'uyyoc cab' yel eyaw, yujto jab'xoj wal sc'och sc'ul sjaw yowl sc'ojl Jehová 'a eyib'an̈, atn jun tztac' yuj smasnil, a tz'a'n cot jun yailal cha.

Is 26:20

Ex wit chon̈ab', 'ochn̈ec 'a yol eyatut, tze macn can 'elt e puerta 'a e patic, c'ub'jec 'el e b'a jab'oc, masnto tz'e'cn yowl sc'ojl Jehová.

Is 30:25

A yic 'oj c'och sc'ul yem junn̈joc storre eb' 'ajc'ojl yajch 'ayex, caw niwn chaml 'oj 'och 'a scal eb', til wal eb' a niwc a 'oj 'elt secnjoc 'a eb' lum jolmctac witz, yet' 'a eb' lum jolm tzalan.

Is 61:2

Tzwaln 'eli, to tox xjaw sc'ul yajx colnb'il tzyac' Jehová, xjaw sc'ul ya'n Dios spac 'a eb' 'ajc'ojol. Checb'iln cot yu'uj, yic tzwul wa'nc sniwnal sc'ojl eb' 'ay scusc'ojlal.

Is 63:6

Yet' wal yowl in c'ojol, xin te'n can 'ejm smasnil nacion̈, xin satl eb' yet' yowl in c'ojol, xwa'n b'ey schic'l eb' 'anma 'a sat lu'um, xchi Dios.

Is 65:12

Palta an pax wojtac tas yowlal tzjaw 'a eyib'n̈ cha, a tas wach' cob' tan̈b'il eyu'uj. Caw maysch'olnil 'oj 'aj 'el'ch 'a eyib'an̈: 'Oj wac' tzu'xoc 'el e jolm yet' q'uen espada, yujto xcob' ex wawtej, palta ma'ex ta'w 'ayin. In cob' 'awj 'ayex, palta ma'ix e tz'ac eyab'i'; a tas matz in nib'ej, a chi xe b'o'o.

Is 66:14

A yic 'oj eyilnc jun cha, caw 'oj e tzalj cha'an̈. 'Oj 'ochx eyip jun 'ejm xo. Caw tz'unnan yilx e niwnal 'icha tzyac' te 'unn c'ultac. Yujto 'oj sch'ox Jehová spoder 'a scal eb' schecab', ax yowl sc'ojol, ata 'oj ya'cn 'at 'a scal eb' 'ajc'ojl yajch 'a 'a.

Is 66:16

A Jehová, 'oj sb'eyc'ojloc smasnil 'anma 'a yolyib'n̈q'uinl tic yet' c'ac' mto yet' owal, til wal 'anma 'oj cham yuj jun tzo'n̈ cha.

Jeremías 25:31

'Oj 'ab'xoc sc'an̈ 'a 'aj tzlajw c'och lum lum tic, yujto 'ay wal tas 'oj yal Jehová 'a yib'n̈ smasnil nacion̈. Caw 'oj b'eyc'ojlaxc smasnil 'anma yu'uj, ax ya'n can 'och chaml 'a yib'n̈ smasnil eb' maysch'olnil, xchi Dios, xa chi 'a eb', xchi 'ayin.

Jeremías 25:32

A Jehová tztac' yuj smasnil, a tzaln 'ixtic: Caw stzol-l 'oj 'aj syamchj jun tzo'n̈ nacion̈ yuj yailal 'oj jawc cha. Wan syamn sb'a jun yailal chi 'a 'aj tzlajw c'och lum lu'um, xchi.

Jeremías 25:33

A wal eb' 'oj cham yuj Jehová 'a jun c'ul cha, b'ulctac 'oj 'ajcn sniwnal eb' chi 'a smasnil yolyib'n̈q'uinal. May mach 'oj 'oc' yuj eb', may pax mach 'oj molb'tzanc sniwnal eb' yic tzmucx eb', 'oj can tzicn sniwnal eb' chi 'a sat lum 'icha stza no noc'.

Ez 36:5

Yuj cha, yet' wal yowl in c'ojol, tzwaln 'ixtc 'a yib'n̈ chon̈b' Edom yet' 'a yib'n̈ jun tzo'n̈ xo nacion̈, yujto caw xcob' tzaljoc jun tzo'n̈ nacion̈ chi smacn 'ec' lum in lum tic yico'oc, yuj schichnc'ojlal eb' xyi'n can 'ec' eb' lu'um, xchi Dios.

Sofonías 3:8

Yuj cha, tan̈wjec sjaw jun c'ual yic 'oj in jaw wul in ch'oxl spaltail eb' maysch'olnil sb'eyb'al. An Jehová in, an tzwala: Tox 'ix in na'a, to 'oj wec syam sb'a smasnil nacion̈ yet' smacb'en, ax wa'n cot yowl in c'ojl 'a yib'n̈ eb'. Smasnil yolyib'n̈q'uinal, c'uxn 'oj lajwc yuj sc'a'l yowl in c'ojol.

Zacarías 14:3

Palta yajn̈ej ax yelt Jehová yac' owl yet' jun tzo'n̈ nacion̈ cha, 'icha yutjnac ya'n owl 'a pecti'.

Ro 1:18

Cojtac a Dios tz'a'n cot yowl sc'ojl 'a satcha'an̈, tzjaw 'a yib'n̈ jantcn̈ej eb' 'anma matz ya'ch snab'en 'a 'a, atn eb' maysch'olnil sb'eyb'al. A eb' cha, maysch'olnil eb'. Yuj cha, matz chaj eb' alxc 'el jun cuynb'il caw yel.

Josué 11:20

A Jehová x'a'n pitb'oc 'el snab'en eb' 'ajc'ojl cha, sec tzte'wtzej sb'a eb' ya'n owl yet' eb' israel, yic tzsatl eb' smasnil yuj eb' israel cha. May junc eb' 'aj x'o'ch sc'ojl eb', 'icha wal yaj yaln can Jehová 'a Moisés.

Apoc 20:15

Jantcn̈ej eb' man̈ tz'ib'b'ilc sb'i 'a jun libro yic q'uinl 'a jun 'ejmn̈ej, an̈jta xjulx can 'at eb'.

Apoc 20:9

A yic 'oj 'at eb' yac' owal, caw 'oj macchjoc 'el sat yolyib'n̈q'uinl yuj eb'. 'Oj c'och oynjoc eb' 'a jun slugar eb' yic xo Dios macb'ilx yu'uj, atn jun chon̈b' chamc'ojlb'ilx yu'uj. Ax Dios 'oj 'anc 'emt c'ac' 'a satcha'an̈, ax yejm 'a yib'n̈ eb' soldado cha. C'uxn 'oj tz'a eb' smasnil.