Is 34:10 - Chuj San Sebastian Bible

¹⁰ Sc'ual yac'wlil sn̈ilchj sc'aq'uil, 'oj q'uen̈j wan stab'l 'a smasnil tiempo, 'oj 'actxoc can 'a jun 'ejmn̈ej; man̈x 'a b'a'n̈ 'ay junc mach 'oj 'ec' ta'.

Chuj San Mateo Bible

¹⁰ C'ual d'ac'val ol q'ue n̈iln̈on sc'ac'al luum, ol q'uen̈ej stab'il luum d'a masanil tiempo. Ol actajcan lum d'a juneln̈ej, man̈xa b'aq'uin̈ ay mach ol ec' ta'.

Is 34:10 Iomraidhean Croise

Is 1:31

A junc 'anma caw te'n yaj 'a tzyutj snani, 'icha xoj te 'ac 'ixta 'oj 'ajoc; ax jun tzo'n̈ yechl xlaj sb'o cha, 'oj 'och n̈ilnjoc sc'aq'uil, lajn 'oj 'aj scan sc'ac'l eb' 'a schac'ajil, man̈x 'a mach 'oj stac' stupn jun c'ac' cha, xchi Dios.

Is 13:20

Man̈x 'a b'a'n̈ 'oj cajxoc pax jun chon̈b' cha, man̈x 'a eb' 'anma 'oj c'ochx scaja'. 'Ixta pax eb' 'aj Arabia, man̈x b'a'n̈ 'oj 'ec' scaj eb' yet' scajb'en noc', man̈x xon b'a'n̈ 'oj 'ec' eb' 'ilm calnelu 'iljoc yet' scalnelu ta'.

Is 24:1

A Jehová a 'ix aln 'ixtic: 'Iltec, an 'oj in mes sat lum lum tic, caw 'oj cancn jitn lum wu'uj, ax in chuln b'e'n lu'um, 'oj sactzic can 'at eb' cajn 'a sat lum wu'uj.

Is 34:17

Junjn no', checl yaj yet'l no', a Dios ch'oxjnac yet'l no 'aj tz'aji, ata 'oj 'aj cajn no 'a jun 'ejmn̈ej, xchi.

Is 66:24

Ax yic 'oj meltzjoc eb' 'anma cha, 'oj yil eb' sniwnal eb' chamnac, atn eb' meltzjnac 'och 'ajc'ojlal 'ayin. Ax no a'ay, a no tzchin 'ejm sniwnal eb' chamnc cha, may xon tz'aj no ay chi schami; 'ixta pax jun c'ac' tzn̈usntz'a eb' cha, may xon tz'aj stupi. Caw wal yajb'entac yilx eb' 'a sat smasnil 'anma', xchi Jehová Dios.

Jeremías 49:18

An Jehová in, an tzwala: To caw lajn 'oj 'aj satl Edom 'icha 'ajnc satl Sodoma yet' Gomorra yet' pax jun tzo'n̈ xo eb' chon̈b' 'ay 'a stz'ey. Man̈x 'a junc mach 'oj c'ochx cajn ta', man̈x 'a pax mach 'oj b'eyc'oc 'a 'a.

Jeremías 7:20

Yuj cha, an Jehová in, Yajl in, an tzwala, to 'oj wa' cot wal yowl in c'ojl 'a yib'n̈ jun lugar tic, 'a yib'n̈ eb' 'anma', 'a yib'n̈ no noc', 'a yib'n̈ te te', yet' 'a yib'n̈ smasnil 'awb'en. Lajn wal 'oj 'aj jun tic 'icha junc c'ac' to man̈x 'a tz'aj stupi, xchi Dios.

Ez 29:11

Chawinc ab'il 'oj can a chon̈b' 'a sictaquil, man̈x 'a 'anma', yet' no noc' 'oj 'ec' 'a jun tiempoal chi ta'.

Nahúm 2:10

Tox xlajw 'ejm Nínive, cusltac xoj yilx cani. A wal eb' cajn 'a 'a, caw tz'el yip eb' yuj xiwlal. Toxn̈ej tzlan̈lni spenc eb' smasnil, man̈x 'a mach 'ay yip. Caw tzsacb'el sat eb' yuj xiwlal.

Apoc 18:18

A yic xyiln eb' sq'ue stab'l jun chon̈b' chi stz'a'i, 'ix 'awj chan̈ eb' 'ixtic: —Toc 'ay 'aj 'ay junc chon̈b' tza'wni 'a jun niwquil chon̈b' tic, xchi eb'.

Apoc 19:3

Xlajw cha, xyaln pax eb' 'ixtic: ¡Calc wach' paxti 'a Dios! yujto man̈x 'a b'a'n̈ 'oj 'och wan sq'ue stab'l stz'a jun tzalx 'ixl cha, xchi eb'.