Is 33:8 - Chuj San Sebastian Bible

⁸ A jun tzo'n̈ b'e xlaj can eb' 'a cusltaquil, man̈x 'a mach tzb'ey 'a 'a. Xlaj juw strato eb', 'ix patquilx can 'el eb' 'ix b'on jun trato cha, yujto man̈x 'a yel'ch x'ajcn eb'.

Chuj San Mateo Bible

⁸ A juntzan̈ b'e, ix laj can tz'inan, man̈xa mach tz'ec' d'ay yuj xivelal. Ix juvib'at strato eb' ix yac'a'. Ix paticajel eb' ix xid'ec' sb'o trato chi', man̈xa mach ay yelc'ochi.

Is 33:8 Iomraidhean Croise

Salmos 10:5

Caw tu tas tzb'o eb' 'a smasnil tiempo; matz nachj 'el yuj eb', toto ach 'oj a b'eyc'ojloc eb'. Tzpatquiln can 'el eb' smasnil eb' 'ajc'ojl yajch 'a 'a.

Is 24:5

Caw wal xjuw 'el lum lum tic yuj eb' cajn 'a 'a, yujto matz yiclj eb' 'icha tzyal ley, matz yiclj eb' jun tzo'n̈ checnb'il, caw xyixtj 'el eb' jun trato b'ob'il 'a jun 'ejmn̈ej.

Is 35:8

Ata 'oj 'ec' jun b'e, a jun b'e cha 'oj scuch Sb'e Eb' Yicxo Dios. A eb' man̈toc 'ic'b'il 'el smul 'a 'a, ma'oj stac' yec' eb' 'a jun b'e cha. A eb' maysch'olnil snab'en, ma'oj stac' sb'ey pax eb' ta'.

Is 36:1

A 'a yic schan̈lajn̈il ab'il yoch win Ezequías reyal, a yic cha, 'ix syamn 'och win Senaquerib sreyl Asiria ya'n owl yet' smasnil chon̈b' wach' yajch smuroal 'a yol yic Judá, 'ix ya'n ganar yem jun tzo'n̈ chon̈b' chi yu'uj.

Lm 1:4

A jun tzo'n̈ b'e yic Sión, caw wal cusltac yilxi, toc 'ayt mach tzjaw 'ilj q'uin̈. A spuertail chon̈ab', cusltac yilxi. Ax ewin ya'mal 'och qui ti 'a Dios, caw wal tz'oc' eb' si'mb'il. A eb' 'ix cob'stac 'ix tzb'itn 'a yatut Dios caw wal tacn̈c sc'ojl eb' 'ix. A jun chon̈b' tic, caw wal tzyab' syal si'mb'il.

Lv 26:22

'Oj wa' cot no chiwjum noc' 'a e cal, ax schin 'ejm no eyunnal, ax ya'n lajwc no e cajb'en noc', ax yemt e b'isl yuj no'. Man̈x 'a mach 'oj b'ey 'a b'e.

Jueces 19:17

A yic 'ix yiln 'och win 'ichm winc chi jun win b'eymal 'anma chotn 'ec' 'a yol chon̈b' cha, 'ix sc'anb'n win 'a 'ixtic: —¿'Ajtil ach coti? ¿'ajtil pax tzach 'ati? xchi winac.

Jueces 5:6

A wal 'a yol stiempoal Samgar win yunnal Anat, yet' 'a yol stiempoal Jael, smasnil eb' 'anma x'elq'ui, man̈x 'ic b'ey eb' 'a niwn b'e, cojxn 'a 'utzn b'e xb'ey eb'.

A Ch'an̈ B'ab'el Libro Samuel 17:10

A wal 'a yic jun c'u tic, tzwaln eyab' ex israel: ¡Checc cot junc winc 'a e cal cha, yic tzwul ya'nc owl wet'oc! xchi.

A Ch'an̈ B'ab'el Libro Samuel 17:26

Yuj cha, sc'anb'n David 'a eb' 'ayc 'a stz'ey chi 'ixtic: —¿Tas tz'ajx 'a junc win tzmiln cham jun filisteo tic, sec tz'och wan sb'uchwj 'ayn̈ an̈ israel on̈c tic? ¿'Aj xcot jun filisteo cha, jun chuc chon̈b'al cha, yuj cha, tzb'uchwj 'a eb' soldado yic jun Dios pitzan? xchi.