Is 32:11 - Chuj San Sebastian Bible

¹¹ Ax wal ax may tas tze na tic, xiwn̈ec cha'an̈, 'ijec 'el e pichl wach't 'aych eyu'uj; 'a'c 'och e pichl to n̈achtac sat, yic tze ch'oxn 'eli, to 'ayx 'och eyailal.

Chuj San Mateo Bible

¹¹ A ex val malaj jab'oc tas tze na' tic, xivan̈ec, iq'uequel e pichul vach' ayoch eyuuj. Aq'uecoch pichul ya sva'i, yic tze ch'oxaneli to ayex och d'a syaelal.

Is 32:11 Iomraidhean Croise

Salmos 123:4

Caw wal tzcab' syal on̈ sb'uchn eb' rico 'a chuc chon̈b'al on̈, ax eb' b'an̈quintac, tzon̈ laj stzetzj eb' on̈.

Ex 33:4

A yic 'ix yab'n eb' chon̈b' jun tzo'n̈ paxti cha, caw wal 'ix cus chan̈ eb' smasnil, man̈x 'a eb' xya'ch syumchiquin yet' ston̈.

Is 15:3

A spichl eb' n̈achtac sat 'oj laj ya'chi, ax laj yec' eb' 'a yol caye yet'oc. 'Oj q'ue eb' 'anma chi 'a span̈nil yib'n̈ yatut, ax laj yoc' eb'. 'Oj laj 'oc' eb' 'a plas, toxn̈ej 'oj si'si'nc eb' yoq'ui.

Is 2:19

A yic 'oj ya'n Jehová 'ib'xoc yolyib'n̈q'uinl tic, 'oj laj xiw chan̈ eb' 'anma', ax laj sc'ub'n 'el sb'a eb' 'a yol n̈aq'ue'en, 'a yojl eb' lum xab'. Ata 'oj sc'ub'c 'el sb'a eb', yujto caw 'ay smay yilx Jehová yet' stzictznial.

Is 2:21

A yic 'oj ya'n Jehová 'ib'xoc yolyib'n̈q'uinl tic, 'oj laj xiw chan̈ eb' 'anma', 'ay eb' 'oj sc'ub'c 'el sb'a 'a yol sjatlil q'uen q'ue'en, yet' 'a yol n̈aq'ue'en, yujto caw 'ay smay yilx Jehová yet' stzictznial.

Is 20:4

Yujto 'oj 'ijxoc 'at eb' 'aj Egipto yet' eb' 'aj Etiopía 'a 'icha presoal yuj win sreyl Asiria. 'Oj 'ijxoc 'at eb' 'ichmtac 'anma', yet' eb' quelmtac, may xan̈b' eb', jitn 'el eb' ax s'at eb', checl syop eb' 'a spatic, sec 'ixta wal tz'aj yel sq'uixwel eb'.

Is 22:12

A 'a yic jun c'ul cha, a Jehová tztac' yuj smasnil, a ex 'awtn coti, yuj eyoq'ui, yuj e cusi, yuj e joxn 'el xil e jolom, yuj pax eya'n 'och e pichl to n̈achtac sat, yic tze ch'oxn 'el e cusc'ojlal yuj e tu'al, palta ma'ix yal e c'ojol.

Is 3:24

Ax sjel 'oj 'ajxoc 'a eb', atn tic: A tas caw tu sjab', a chi 'oj 'och sjelc perjuma; a lasu, a chi 'oj 'och sjelc jal-l caw wach'; ax jolm caw wach' tz'aj squichxi, 'oj pucoc; a pichl caw tzlab'b'i, a te n̈achtac 'oj 'ochcn sjeloc; ax sat eb' wach' yilxi, 'oj juwc can yilxi, tz'ib'intac 'oj 'ajcni.

Is 33:14

A eb' maysch'olnil sb'eyb'al 'ayc' 'a Sión, caw tz'ib'x eb' yuj xiwlal, ax eb' may yel'ch Dios 'a sat, caw tzxiw pax eb', tzyaln eb' 'ixtic: ¿Mach junc on̈ec tztechj qui can cajn 'a scal jun c'ac' tzsatn 'el smasnil tas, atn jun c'ac' tzn̈ilchj 'a smasnil tiempo? xchi eb'.

Is 47:8

'Ab' tas 'oj wala', cojn wal tas caw wach' yilx tza nib'j 'ochi. Man̈ jantcoc sja'l aj 'elt wocn 'a a despacho, yuj cha, tzcob' a nanc 'ixtic: Cojn in toni, may junc xo mach lajn wet'oc, ma'oj in can 'a to man̈x 'a wichmil, ma'oj in can pax 'a to man̈x 'a wune', xa chi.

Jeremías 4:8

Yuj cha, 'ix wal 'a eb' wit chon̈b' 'ixtic: Ca'c 'och qui pichl n̈achtac sat, 'oc' coyec, c'acw coyc cab'n syail, yujto a yowl sc'ojl Jehová, mantzac sat 'ejm 'a qui calec, xin chi.

Jeremías 49:3

'Ochn̈ec 'a cusc'ojlal ex 'aj chon̈b' Hesbón, yujto a chon̈b' Hai, tox 'ix lajw 'ejmi. Ex 'ix 'aj chon̈b' Rabá, 'ochn̈ec wal 'a cusc'ojlal. 'A'c 'och e pichl n̈achtac sat, 'o'n̈ec. 'Oyb'xan̈c 'ec' 'a yol e chon̈b' yuj e somc'ojlal. Ma'c lajwc e niwnal, yujto a jun e diosal tzcuch Milcom, 'oj 'ijxoc 'at 'icha presoal, yet' eb' ya'mal 'och e ti 'a 'a, yet' pax eb' 'anma to niwc yel'ch yopiso.

Jeremías 6:26

Ex wit chon̈ab', 'a'c 'och te pichl n̈achtac sat yuj e ch'oxn 'el e cusc'ojlal. 'E'n̈ec b'alb'noc 'a scal stan̈il c'ac', 'ochn̈ec 'a niwquil cusc'ojlal, 'o'n̈ec wal si'mb'il, 'icha yic tzcham junc eyunnal to jun c'otn̈ wali, yujto a jun mach 'oj qui satnec 'eli, caw jab'xoj sjaw 'ayn̈ec.

Os 2:3

Toto ma'oj sb'o 'icha tzwal tic, 'oj wi'l sq'uixwel, 'oj in jitcn 'eli, 'icha yajl jitan yic yalji. 'Icha pax lum tacn̈ lu'um, 'ixta 'oj wutc cani, ax scham yuj tacn̈ti'al.

Jl 1:8

'O'n̈ec 'icha junc 'ix cob's 'ix tz'oc' yuj schamlil win winc xyac' sti snupn yet' 'ix, tzya'n 'och 'ix spichl yic cusc'ojlal.

Am 4:12

'Ixta wal 'oj ex wutc ex israel, 'a'c lista e b'a, yujto 'oj eyil-lac 'och e sat wet' an e Diosal in tic. ¿Tom 'oj e techj 'ayin?

Sofonías 2:15

'Ixta wal 'oj 'aj jun chon̈b' may tas tzna cha, mun cob' tzyipc'ojlej sb'a sch'ocoj, tzyaln cob' eb' cajn 'a 'a, to may junc xo chon̈b' lajn yet'oc. Palta cusltac xoj 'oj 'ajcni, axn̈ej no calte'al noc' 'oj 'ec' 'a 'a. A eb' 'oj 'ec' 'a stz'ey, caw 'oj b'uchwjoc eb' 'a 'a.

Dt 28:48

Yuj cha, yowlal 'oj eyac' servil eb' 'ajc'ojl 'oj ya' cot Jehová 'a e cal. 'Oj eyab' syal wejel, tacn̈ti'al, man̈ pichlal yet' smasnil yailal. Caw 'oj eyab' syal yuj eb' 'ajc'ojl cha, majniln̈ej 'oj eyajchi, masnto 'oj e lajw 'ejmi.

Santiago 5:5

Caw wach' tzex 'ec' 'a yolyib'n̈q'uinl tic, caw b'ut'nn̈ej yol eyatut yet' jantcn̈ej tas. Toxn̈ej tz'ixtx eyu'uj. 'Icha junc wacx tz'ajx servil caw b'aq'uech, ax smilxi, 'ixta 'ex. Ton̈j tzeyac' e gana jab'oc.