Is 30:8 - Chuj San Sebastian Bible

⁸ 'Ix yaln Dios 'ayn 'ixtic: A ticnec, tz'ib'j can 'a yojl junc u'un̈, yuj smasnil tas wan waln 'aych tic, sec tzcan 'ab'xil 'a eb' et chon̈b' tic 'a smasnil tiempo.

Chuj San Mateo Bible

⁸ Ix yalan Jehová d'ayin icha tic: A ticnaic tz'ib'ejcan masanil tas van valan tic d'ayach d'a yichan̈ eb' etchon̈ab' tic, yic scan yab'ixal d'a eb' d'a juneln̈ej, yic snaann̈ejcot eb'.

Is 30:8 Iomraidhean Croise

Is 2:2

A 'a jun slajb' c'ul cha, a lum switzl Sión 'aj 'ay yatut Jehová, 'oj q'ue wan lum 'a cha'an̈, 'oj 'ec' stel lum 'a jun tzo'n̈ lum niwc witz 'a stz'ey cha. Ax smasnil eb' 'anma 'a junjn nacion̈, 'oj c'och b'uln eb' 'a 'a.

Is 34:16

Sayc eyil 'a ch'an̈ libro yic Jehová, 'awtjec ch'an̈ 'aj tzyal 'ixtic: A smasnil no noc' tzb'inax tic, may junc no man̈ 'ayc 'ec' ta', may junc no to may no snun 'ayc' yet'oc, yujto a Jehová 'ix nani, to 'ixta 'oj 'aj smolb'tzan sb'a e no yuj Yespíritu Dios.

Is 8:1

'Ix yaln pax Jehová 'ayn 'ixtic: Say junc niwquil u'un̈, ax a tz'ib'n 'ejm jun paxti tic 'a 'a. Caw wach' tzotj a b'oni, niwc tzotj stz'ib'ul. Maher-salal-hasbaz, 'ixta tzotj a tz'ib'ni.

Jeremías 23:20

Ma'oj 'och wan yowl in c'ojl cha, masnto 'oj 'el'choc 'icha tas tzin nib'ej. At 'a slajb' c'ual, atta 'oj nachjoc 'el jun tzo'n̈ tic eyu'uj.

Jeremías 30:2

An Jehová e Diosal in ax israel ex tic, an tzwala: Tz'ib'j can smasnil tas 'ix wal 'aych 'a junc ch'an̈ u'un̈.

Jeremías 36:2

'Ij cot junc ch'an̈ un̈ 'aj tzach tz'ib'ni, tzlajw cha, tza tz'ib'n can smasnil tas 'ix walcn 'el 'a yib'n̈ Israel, 'a Judá, yet' 'a jun tzo'n̈ xo nacion̈, yictax in yamn 'och wal 'aych 'a yol stiempoal Josías masnto ticnec.

Jeremías 36:4

'Ix wawtn cot win Baruc yunnal Nerías. 'Ix waln smasnil tas 'ix yal Jehová 'ayin, ax Baruc cha, a 'ix tz'ib'n 'a jun ch'an̈ u'un̈.

Jeremías 48:47

Palta an Jehová in, an tzwala, to ax 'a slajub', 'oj wi'x q'ue'ch chon̈b' Moab jun 'ejm xo, xchi Dios. Atn jun tzo'n̈ yailal tic 'ix yalcn Jehová 'a yib'n̈ chon̈b' Moab.

Jeremías 51:60

An Jeremías in, an xin molb'tzej smasnil tas 'ix alxi to 'oj jawc 'a yib'n̈ Babilonia, 'ix in tz'ib'n can 'a jun ch'an̈ u'un̈.

Ez 38:16

'Oj cob' ac' owl yet'oc, caw 'oj och oyn 'a in chon̈ab', 'icha tzyac' 'asn tz'och oyn 'a lum jolmctac witz. A 'a jun tiempoal cha, 'oj ach wi' cot 'a sat in lum cha, sec 'oj yil jun tzo'n̈ xo nacion̈ tas 'oj ach wutc ach in satn 'eli, ax yojcan 'el eb' to cojn in ton Dios in.

Os 3:5

'Oj lajwc cha, ax 'a yic slajb' tiempoal, 'oj yalx sb'a eb' wit israelal 'a Jehová qui Diosal jun 'ejm xo, ax schan pax sc'ojl eb' yoch junc yin̈tl David sreyloc. 'Ixta 'oj yutc yi'n 'ejm sb'a eb' 'a Jehová, ax schan eb' swach'c'ojlal.

Habacuc 2:2

'Ix yaln Jehová 'ayn 'ixtic: A tas 'oj in ch'ox 'aych tic, wach' tzotj a tz'ib'n can 'a jun pachc lum tz'acb'il lu'um, sec a mach 'oj 'awtnoc, wach' 'oj yutc yi'n b'ey jun tzo'n̈ paxti tic.

Nm 24:14

Caw wal wach' toto tzin pax 'a in chon̈ab', palta yic mantzac in paxi, yowlal tzwalcn ab'i' tas 'oj 'aj a chon̈b' tic yuj jun chon̈b'al eb' 'anma chi b'aq'uin̈, xchi.

Dt 31:19

A ticnec, tz'ib'j can jun b'it 'oj wal 'aych tic, tzlajw cha, tza'n scuy eb' et chon̈ab' sec 'oj sb'itnoc eb', yic tz'och testigoal wuj 'a eb'.

Dt 31:22

A 'a yic jun c'u cha, ata stz'ib'j can Moisés jun b'it cha, xlajw cha, 'ix ya'n scuy eb' yit chon̈ab'.

Dt 31:29

Yujto wojcxoni to a yic 'oj in chami, 'oj e juw 'eli, ax eyi'n 'el e b'a 'a jun b'e 'ix in ch'oxcn 'ayex. Wojc paxi, to 'oj jawc yailal 'a eyib'n̈ b'aq'uin̈, yujto 'oj e tzuntzc cot yowl sc'ojl Jehová yuj e maysch'olnilal yuj pax jun tzo'n̈ comn dios 'oj e b'o', xchi Moisés.

Dt 4:30

A yic tox 'ix 'ec' jun tzo'n̈ cusc'ojlal chi 'a eyib'an̈, ax 'a slajub, 'oj e meltzj pax 'a Jehová qui Diosalec, 'oj eyoch yiclumal 'a 'a.

1 Ti 4:1

A Yespíritu Dios tojln̈ej yalni, chajtlto a yic wan xo sjaw jun slajb' tiempoal, 'ay eb' creyente 'oj meltzjoc pax 'a spatic. Ax wal 'a jun tzo'n̈ cuynb'il caw 'es 'aj 'oj ya'ch eb' snab'en. A jun tzo'n̈ cuynb'il cha, a 'a ewin demonio tzcoti.

A Schab'il Carta San Pedro 3:3

A junx tic 'oj walb't tic, caw wal tzin nib'j tzeyojquej 'eli. A 'a jun slajb' tiempoal, 'ay eb' 'oj pitzwc cha'an̈. 'Oj comn b'uchwjc eb'. Cojxn jun tzo'n̈ maysch'olnil tznib'j 'och eb' 'aj 'oj ya'ch snab'en.

San Judas 1:18

yaljnac can eb' 'ixtic: A 'a jun slajb' tiempoal, 'ay eb' 'oj comn b'uchwjoc. 'Oj sb'eylb'oc eb' jun tzo'n̈ maysch'olnil tznib'j 'ochi, xchi eb'.