Is 3:17 - Chuj San Sebastian Bible

¹⁷ Yuj ton wal cha, ax wa'n pucl xil sjolm eb' yuj yab'il, ax wa'n checljoc tas q'uixweltac yilx 'a eb', xchi Dios.

Chuj San Mateo Bible

¹⁷ Yuj chi', ol vaq'uel b'ulnaj xil sjolom eb' ix yuj yab'il, ol vac' checlaj sq'uixvelal eb' ix, xchi Jehová chi'.

Is 3:17 Iomraidhean Croise

Cantares 3:11

Ex 'ix 'aj Jerusalén, 'eln̈ect eyil sjaw rey Salomón. 'Ay q'ue scorona 'a sjolom, atn jun 'ac'b'il q'ue 'a sjolm yuj snun, jun 'oj sc'ana', yic 'oj 'och 'a nupnel. A 'a jun c'u cha, til wal tzaljc'ojlal 'oj 'och ta', xchi eb' 'anma'.

Is 20:4

Yujto 'oj 'ijxoc 'at eb' 'aj Egipto yet' eb' 'aj Etiopía 'a 'icha presoal yuj win sreyl Asiria. 'Oj 'ijxoc 'at eb' 'ichmtac 'anma', yet' eb' quelmtac, may xan̈b' eb', jitn 'el eb' ax s'at eb', checl syop eb' 'a spatic, sec 'ixta wal tz'aj yel sq'uixwel eb'.

Is 3:16

An̈jtona xyaln pax Jehová 'ixtic: A eb' 'ix 'ix 'aj Sión, caw wal b'an̈quintac eb' 'ix, tzlaj jetz'mj eb' yic tzlaj 'ec' eb', toc 'ayt sq'uixwel sat eb', tzlaj nitz nitzn eb' ya'n chan̈al yic tzb'ey eb', tzlaj chin̈lji jun tzo'n̈ q'uen 'aych yelwnub'loc yoc eb'.

Is 3:18

A 'a jun c'u cha, c'uxn 'oj yi'cn 'el Dios jun tzo'n̈ tas 'aych yelwnub'loc sniwnal eb' 'ix 'ix cha: Atn jun tzo'n̈ 'aych 'a yoc eb', 'a sjolm eb' yet' 'a sjaj eb': q'uen ton̈, q'uen yumchiquin, q'uen brazalete, spotl sjolm eb', eb' q'uen cotc cadena tz'och 'a sjaj yoc eb', sjal-l snan̈l eb', sq'uenal sjolm eb', sperjuma eb', q'uen colc'ab', q'uen 'icha yumchicn tz'och 'a sn̈i eb', pichl caw wach' yilxi, spotl eb', scamx eb', spichl eb' 'ay sb'olsail, q'uen nen, pichl caw tzlab'b'i, sc'oxl sjolm eb', yet' sjal-l sjolm eb'.

Jeremías 13:22

Toto tze c'anb'ej tas yuj tzjaw jun tic 'a eyib'an̈, nachj cab' 'el eyu'uj, to yuj niwquil e mul, yuj cha, jitn ex 'eli tzex 'eq'ui, caw tzex 'ixtxi.

Miqueas 1:11

Ax xo ex cajn 'a chon̈b' Safir, 'ixquec can 'icha presoal, jitnex cab' 'eli tzex 'ati, q'uixweltac cab' eyilxi. Man̈x cab' 'eltoc eb' cajn 'a chon̈b' Zaanán. 'Ay 'oc'l 'a chon̈b' Bet-esel, man̈x 'a mach 'oj 'och eyet'oc.

Nahúm 3:5

A Jehová tztac' yuj smasnil, a tzaln 'ixtic: Ex 'aj Nínive, caw 'ajc'ojl wajch 'ayex, 'oj in ch'oxl e q'uixwel 'a sat smasnil eb' chon̈ab', 'icha wal tz'aj yijx 'el spichl junc 'ix 'ajmul 'ix 'a sat eb' chon̈ab', yuj sch'oxx 'ilxoc sq'uixwelal,

Dt 28:27

A Jehová 'oj yac' wal eyab' syal si'mb'il, 'icha 'ix yutj eb' 'aj Egipto. 'Oj q'ue quiscab' 'ayex, yaxc'a yab'il, ax spitzw chan̈ sno'l e niwnal, yet' q'uilj yab'il. Man̈x 'oj stac' eyan̈tn e b'a 'a jun tzo'n̈ yab'il cha.

Apoc 16:2

Yuj cha, 'ix 'at jun b'ab'l ángel, x'at secnc 'ejm sb'al svaso chi 'a sat lu'um. Ax jantcn̈ej eb' 'aj 'aych senyail jun noc' sb'i, eb' xlaj yal sb'a 'a jun yechel, 'ix pitzw jun tzo'n̈ niwc yab'il 'a sniwnal eb'. Caw maysch'olnil, caw wal tzyab' eb' syal yu'uj.