Is 27:6 - Chuj San Sebastian Bible

⁶ 'Ay jun c'ual 'oj yi'x eb' yin̈tl Jacob yip jun 'ejm xo. Yuj eb' ax ya'n cot Dios syaxilal 'a yolyib'n̈q'uinl tic jun 'ejm xo. Lajn eb' 'icha junc snun uva to tz'ejm schan̈l yib', tzwolni, tznichni, caw niwn sat tzyac'a.

Chuj San Mateo Bible

⁶ A d'a yic b'aq'uin̈, a eb' chon̈ab' yin̈tilal vin̈aj Jacob, ol yic'xi yip eb'. Yuj eb' ol yac'xicot svach'c'olal Dios d'a yolyib'an̈q'uinal tic. Lajan ol aj eb' icha junoc te te' svolani, syac'an xumaquil te', man̈ jantacoc pax sat te' syac'a'.

Is 27:6 Iomraidhean Croise

Job 37:12

Cojn 'aj tznib'j Dios tzyac' n̈ab', cojn ta tz'och 'asn 'a satcha'an̈; 'ixta tzyutj 'asn chi syiclni tas tzalx 'a 'a, yic tzya'n 'emt n̈ab' 'a sat lum lu'um.

Is 35:1

'Oj tzaljoc chan̈ lum cusltac lu'um, ax snichn te c'ultc 'a lum tacn̈ lu'um.

Is 35:2

A lum culstac lum cha, 'oj nichnoc smasnil te te 'a sat lu'um, ax sb'itnax b'it 'a tzaljc'ojlal. A Dios 'oj b'onc yilx sat lum 'icha swach'l yilx lum Líbano. 'Oj yaxb'oc sat lum si'mb'il, 'icha lum jolm witz Carmelo; 'icha pax lum pan̈n 'a'lic 'a Sarón. Smasnil 'anma', 'oj yil eb' to caw niwn yel'ch Jehová qui Diosal.

Is 37:31

A jaywn̈ocx ex tzex can 'a Judá, lajn 'oj eyaj 'icha junc te te tz'emx sch'an̈l yib' 'a yol lu'um, tzlajw cha, tzya'n sat muc'uc.

Is 4:2

A 'a jun tiempoal cha, 'ay jun yin̈tl David 'oj pitzw chan̈ yuj Jehová. A jun cha, lajn 'icha swol junc te te'. A eb' 'oj can to 'a yol schon̈ab' 'oj tzaljoc chan̈ eb' yu'uj, ax stzalj pax eb' yiln yelx wul smasnil sat yawb'en 'ay 'a slu'um.

Is 6:13

Toto 'ayt jaywn̈ocx eb' 'oj can 'a yol schon̈b' cha, ax scha ma'x pax 'ejm schon̈b' eb' chi jun 'ejm xo. Palta 'icha tzyac' te jiy mto te ma'ach', 'a yic tzch'acx 'el te', cojxn te yib' tzcani, 'ixta 'oj 'aj eb'. (Palta a te yib' cha, tzwoln pax te'. 'Icha te yib'te cha, 'ixta eb' in chon̈ab', 'oj in si'cn 'el jaywn̈ocx eb' wico'), xchi Dios.

Is 60:22

A jun c'aj eb' 'anma tic, caw jaywn̈ej wal sb'isl eb', palta 'oj wac' q'uib' sb'isl eb', smil-l xo 'oj 'aj eb'. Jaywn̈ej wal eb', palta 'oj 'ochx eb' niwquil nacion̈al, caw wal te'n 'oj yutc sb'a eb'. An Jehová in, an tzwala to a yic 'oj c'och stiempoal, an 'oj wac' 'el'choc jun tzo'n̈ tic muc'uc, xchi Dios.

Jeremías 30:19

Ata 'oj q'ue eyaw e b'itni, 'oj e tzewj 'a tzaljc'ojlal. Man̈x 'oj 'emtoc e b'isul, an 'oj wac' niwtjoc e b'isl cha. Man̈x 'oj e patquilx 'eli, palta to caw niwn 'oj eyaj 'el'ch wu'uj.

Ez 36:10

Caw yajn̈ej ax wa'n niwtjoc e b'isl 'a jun tzo'n̈ lugar cha. 'Oj niwtjoc sb'isl 'anma 'a junjn chon̈ab', ax laj e b'onc pax chan̈ jun tzo'n̈ chon̈b' mac'b'il 'ejm cha.

Ez 36:8

A lum jolmctac witz 'a yol e macb'en, til wal te niwc 'awb'ente 'oj yac' sat 'a jun tzo'n̈ lugar cha, sec a te 'oj e lo sat, yujto jab'xoj e meltzji.

Os 2:23

'Oj wawc pax 'ejm in chon̈b' 'a sat lum lu'um yic tz'och wico'oc. 'Ayx in chamc'ojlal 'a 'ix Man̈ Chamc'ojlb'iloc, yet' 'a win Man̈ in Chon̈b'oc, ax waln 'a eb' 'ixtic: A ticnec tzex 'ochcn in chon̈b'oc, 'oj in chioc. Ax yaln eb' 'ixtc 'ayin: Ach tic, qui Diosal ach, 'oj schic eb', xchi Dios.

Zacarías 2:11

A yic 'oj jawc jun c'ul cha, til wal nacion̈ 'oj jawc 'a Jehová, ax yoch eb' schon̈b'oc, ax yaj cajn Dios 'a e cal b'i'an. 'Ixtnta 'oj 'aj snachj 'el eyu'uj, chajtlto a Jehová tztac' yuj smasnil, a in checn cot 'ayex.

Gl 3:29

Yujto yic on̈c xo Cristo, yuj cha, yin̈tl on̈ec xo Abraham yet'oc. Ax jun tas yaljnac can Dios yic ya'n sti', 'oj qui chac quico'oc.

A Scarta San Pablo D'a Eb' Aj Filipos 3:3

Palta an̈ec xo, a 'a sat Dios 'ac'b'iln̈ec xo circuncidar 'a yel, yujto tzcalc qui b'a 'a Dios 'a 'esal. An̈j 'a Cristo Jesús 'aj tzon̈ tzaljec. Ax jun tas tzb'o 'a qui niwnalec, matz ca'c 'och xon jac yipc qui c'ojol.

Apoc 11:15

'Ix yutz'n jun yucl ángel pax strompeta. Xlajw cha, x'och jun tzo'n̈ paxti 'a satcha'an̈. Caw 'ip 'ix yal 'ixtic: A eb' yajl yaj 'a yolyib'n̈q'uinal, wal ticnec tzcan yopiso eb' yico'oc Dios Cajlil, tzcan pax yico'oc Cristo. A 'oj 'a'nc Yajlil 'a jun 'ejmn̈ej, xchi eb'.