Is 27:1 - Chuj San Sebastian Bible

¹ A 'a yic jun c'ul cha, 'oj sc'anlb'oc Jehová yespada to caw 'ay smay, caw jay pax ye. 'Oj sc'anlb'oc yuj ya'n 'och yailal 'a yib'n̈ no Leviatán, atn no chan to caw jeln sb'eyi, no yajn̈ej tzsetn sb'a; 'oj smil Jehová no dragón chi cajn 'a yojl a mar.

Chuj San Mateo Bible

¹ A val d'a jun c'ual chi', ol yac'lab'ej yespada Jehová, te al, te ay smay, jay pax ye, yic ol yac'anoch yaelal d'a yib'an̈ noc' leviatán, aton noc' chan jelan sb'ey yolyonoc, syac'an yip noc' sb'at elelal. Ol mac'joccham noc' dragón chi' yuj Jehová, noc' ay d'a yol a' mar.

Is 27:1 Iomraidhean Croise

Job 26:13

Ton̈j tzyutz'j 'el yic', ax satcha'an̈ caw wal pilpni tz'ajcn yu'uj; ax yet' yipl sc'ab' sma'n cham no chan petpni sb'eyi.

Job 3:8

Ax eb' cob' tzyalch sb'a to 'ay tas tztac' yu'uj, comnoc scatb'ej can eb' jun 'ac'wl cha, eb' tztac' ya'n 'och no Leviatán yiclumal.

Job 40:19

A jun noc' tic, cojn yel xo wal satjub'tac yaj in b'on 'a scal smasnil jun tzo'n̈ xo no noc' in b'ojnac. Cojn in tztac' pax in satn 'eli.

Job 41:1

An̈jtona no Leviatán, ¿'Ojm stac' e'n q'uet no yet' q'uen lucub'? ¿'ojm stac' a jaln sti no'?

Salmos 104:26

Ata tzlaj 'ec' te barco 'a yib'n̈ a', a pax ta 'ay no Leviatán xa b'o'o, sec tztajn no 'a yojl a'.

Salmos 45:3

Jalch espada 'a a nan̈al, ach to jeln a'n owal, yujto a tzch'oxn 'eli chajtlto niwn el'ch yet' opiso.

Is 26:21

Yujto 'oj 'eltoc Jehová 'a yol sdespacho yuj wul ya'nc 'och yailal 'a yib'n̈ smasnil 'anma cajn 'a sat lum lum tic, man̈x 'oj sc'ub'c 'el lum lum tic eb' milb'il cham 'a 'a, palta to 'oj sch'oxl lum jantc maysch'olnil 'ix uj 'a sat.

Is 51:9

Mamin Jehová, colwjan̈ yet' a poder, q'uen̈ wan yet' yipl a c'ab', 'icha otjnac 'a yictax pecti'. Ach a ch'iychtejnac no Rahab, atn no dragón sb'i 'a yojl a mar.

Is 65:12

Palta an pax wojtac tas yowlal tzjaw 'a eyib'n̈ cha, a tas wach' cob' tan̈b'il eyu'uj. Caw maysch'olnil 'oj 'aj 'el'ch 'a eyib'an̈: 'Oj wac' tzu'xoc 'el e jolm yet' q'uen espada, yujto xcob' ex wawtej, palta ma'ex ta'w 'ayin. In cob' 'awj 'ayex, palta ma'ix e tz'ac eyab'i'; a tas matz in nib'ej, a chi xe b'o'o.

Is 65:25

An Jehová in, an tzwala to a no 'oques yet' no calnelu, junn̈j 'oj 'ec' say wa sb'a e no', ax no león yet' no wacax, a te c'ultc 'oj slo e no', a no chan a lum pococ 'oj slec' no'. May junc tas 'oj stac' yixtn jun tzo'n̈ noc' chi 'a lum tzaln to wicn̈ej yaji, xchi Dios.

Is 66:16

A Jehová, 'oj sb'eyc'ojloc smasnil 'anma 'a yolyib'n̈q'uinl tic yet' c'ac' mto yet' owal, til wal 'anma 'oj cham yuj jun tzo'n̈ cha.

Jeremías 47:6

¡'Ay, a wal yespada Jehová! ¿B'a'n̈ wal 'oj 'och wan q'ue'en? Comnoc tzmolx 'ejm q'uen 'a yol yatut jun 'ejm xo, sec tz'och wa'an, man̈x 'a tas tzb'o'o.

Jeremías 51:13

Ax wal ax tic ex 'aj Babilonia, a 'a sti eb' a niwc a cajn ex, yuj cha, caw wal niwc rico ex. Palta 'ix c'och stiempoal e satl 'a jun 'ejmn̈ej.

Jeremías 51:34

A eb' 'aj Jerusalén yet' eb' 'aj chon̈b' Sión, tzyal eb' 'ixtic: A Nabucodonosor sreyl Babilonia, caw choc' on̈ yutjec on̈ satn 'eli, caw mesmni xyutj yol qui chon̈ab', 'icha junc 'uc'b' may sb'a'al. On̈ b'u'x 'ejm yu'uj, 'icha tzyac' junc no niwc noc' 'ay 'a yojl 'a mar. 'Ix yac' wal b'ut'joc sc'ojl yet' smasnil tas 'ay 'ayon̈, ax tas man̈x 'ic schaj sc'ojol, 'ix sjulcn 'eli. Stoj lajwc cab' eb' 'aj Babilonia 'icha wal smoj on̈ yutjec eb'. Stoj lajwc cab' eb' yuj eb' 'anma smiljnac eb' 'a qui calec, xchi cab' eb'.

Ez 29:3

Al 'ixtc 'a 'a: To an Jehová in, an tzwal 'ixtic: Ach rey, an tzin 'och 'ajc'ojlal 'ayach, yujto 'ix cob' ala to ach b'ojnac a niwn a Nilo, xcob' a macn 'ec' a eco'oc yuj a wach'loc, palta lajn 'ach 'icha junc no niwquil noc' b'aln 'ec' 'a yojl 'a niwc a'.

Am 9:3

Toto 'oj cob' 'at sc'ub'c 'el sb'a eb' 'a sjolm lum witz Carmelo, palta 'oj 'at in yam cot eb' ta'. Toto 'oj cob' 'at sc'ub'c 'el sb'a eb' 'a yich a mar, 'oj in checb't junc no niwc noc' 'ay 'a yojl a mar cha, ax no 'oj 'at chinc eb' ta'.

Apoc 12:3

Yajn̈j wal cha, xcheclj junx senya 'a satcha'an̈. 'Ay jun niwquil dragón caw chac yilxi. Uque sjolom, lajn̈e sch'a'ac. Ax 'a junjn sjolm cha, 'ay q'ue scorona.

Apoc 13:11

Xlajw cha, xwiln paxi, 'ay junx schab'l noc' sb'i, 'ix q'uet 'a yol lu'um. A jun cha, chab' sch'a'ac, lajn 'icha sch'ac junc no calnelu. Palta lajn spaxtin 'icha junc dragón.

Apoc 13:4

Caw 'ix yal sb'a eb' 'a win dragón cha, yujto til wal spoder win xyac' 'a jun noc' sb'i cha. 'Ix yaln pax sb'a eb' 'a jun noc' sb'i cha, 'ix laj yalnc eb' 'ixtic: —Toc 'ay wal junc xo tza'wni 'a jun noc' sb'i tic. ¿Tom 'ay junc tztac' ya'n owl yet'oc? xchi eb'.

Apoc 16:13

Ax xwilni, 'ayc' win dragón, yet' jun noc' sb'i, yet' jun xcob' yalch sb'a schecb'oc Dios. A 'a sti junjn eb', ata x'elt junjn demonio. 'Icha yilx no pajtza', 'ixta junjn eb' demonio chi yoxwn̈il.

Apoc 17:1

'Ay jun 'a eb' ángel 'ay svaso yucwn̈il 'ix jawi. 'Ix yaln 'ixtc 'ayin: —Cotan̈, 'oj in ch'ox jun niwn yailal 'oj 'em 'a yib'n̈ jun 'ix yajl 'ajmul 'ix. Atn 'ix wocn q'ue 'a yib'n̈ jun tzo'n̈ a mar.

Apoc 17:15

Xlajw cha, xyaln pax 'ayn 'ixtic: —A jun tzo'n̈ a mar 'ix ela, 'aj wocn q'ue 'ix 'ajmul 'ix, tzyal 'el'chi, atn jun tzo'n̈ chon̈ab', jun tzo'n̈ nacion̈, yet' eb' 'anma 'a junjn chucchc ti'al.

Apoc 19:21

Ax jun tzo'n̈ xo eb', c'uxn xmilx cham eb' yuj jun espada 'ay 'elt 'a yol sti jun 'ay q'ue 'a yib'n̈ chej. Ax e no ch'ic smasnil, caw xlaj b'ut'j e no yuj schib'jal eb'.

Apoc 2:16

Yuj cha, nac e b'a. Toto ma'ay, 'oj in c'och 'ayx muc'uc. Ax wa'n owl eyet' ax 'ixta tzeyutj e b'a, atn yet' jun espada 'ay 'elt 'a yol in ti'.

Apoc 20:2

'Ix c'och 'a win dragón yic tzyamn coti. A win dragón cha, atn jun ya'jnac 'och sb'a chanl 'a pecti', atn win diablo, win Satanás. Ax jun ángel chi 'ix jaln winac. Jun mil ab'il 'oj jalx can win yu'uj.