Is 24:23 - Chuj San Sebastian Bible

²³ A 'a jun c'ul cha, 'oj 'och q'uic'q'uinl 'a c'u yet' 'a 'uj, ax Jehová tztac' yuj smasnil, 'oj 'och Reyl 'a lum tzaln Sión 'a Jerusalén, ax sch'oxn stzictznil 'a sat eb' yichm wincal schon̈ab'.

Chuj San Mateo Bible

²³ A d'a jun c'ual chi', a Jehová Yajal d'a Smasanil, ol yac' yajalil yed' jantac stziquiquial d'a tzalan Sion, aton d'a Jerusalén d'a yichan̈ eb' yichamtac vinaquil schon̈ab'. Yuj stziquiquial chi', a q'uen uj yed' c'u man̈xo ol checlaj yoc, ichato ol q'uixvoccanoc.

Is 24:23 Iomraidhean Croise

Salmos 97:1

A Jehová caw Rey 'a yolyib'n̈q'uinl tic, yuj cha tzalj cab' chan̈ smasnil eb' 'anma 'a eb' lum chon̈b' 'a sat lum tic yet' eb' cajn 'a stitc eb' a mar.

Ex 15:21

'Ix b'itn 'ix 'a yojltac eb' 'ix 'ixtic: B'itncoyec, qui'c chan̈ sb'i Jehová, yujto caw satjub'tac yilx xyutj ya'n ganar owal. 'Ix mucchj can 'ejm no chej 'a yol a', yet' smasnil eb' 'anma 'ay q'ue 'a yib'n̈ no', xchi María 'a sb'it.

Is 12:6

Ex 'aj Sión, 'el cab' eyaw yuj tzaljc'ojlal yujto a qui Diosal an̈ israel on̈c tic, atn jun Dios To Cojxni, caw 'ay smay, 'ayc' 'a qui calec, 'oj e chioc.

Is 13:10

Ax smasnil c'anal 'a satcha'an̈, man̈x 'oj yac' sacq'uinlal 'a yib'n̈ lum lum tic, cojn yic tzq'uel c'u, ax yochx can musan, 'ixta pax 'uj, man̈x 'oj yac' sacq'uinlal 'a 'ac'wal.

Is 30:26

A yoc 'uj, lajn 'oj 'aj 'icha yowl yoc c'u, ax yoc c'u, uc 'ejm 'oj 'aj yowb' sacq'uinlal, 'icha wal sacq'uinlal uque'oc c'u to yamn yaji, 'ixta wal 'oj 'aj jun c'u cha. Atn wal 'a yic jun c'ul cha, ata 'oj yan̈tc Jehová eb' schon̈ab', ax spichn tas lajwnac 'a eb' yu'uj.

Is 33:17

Ex 'aj Sión, 'oj eyil jun qui reylec yet' stzictznial, 'oj c'och smacb'en jun nacion̈ tic 'a caw najat.

Is 33:22

A Jehová a 'aych qui juezaloc, a tzb'on qui leyal, a pax 'aych qui Reyloc, a tzon̈ colnec paxi.

Is 52:7

Til wal sja'l yilxi yic tzjaw junc win alm 'ab'x 'a eb' lum tzalctac, junc 'et'jnac wach' 'ab'ix, atn yab'xil junc'ojlal, tzyaln 'el yab'xil colnb'il yic tz'el eb' 'anma 'a libre, tzyaln 'ixtc 'a yib'n̈ eb' 'aj Sión: A 'e Diosal x'och reyal, xchi.

Is 60:1

A Jehová a 'ix aln can 'ixtic: Ex 'aj Jerusalén, a ticnec q'uen̈ec pax wa'an, caw wach' eyico' yujto tzcheclj pax chan̈ in sacq'uinlal yet' in tzictznil 'a e cal.

Is 60:19

Ata', man̈x 'a tz'och yoc c'u eyuj 'a c'ual, man̈x 'a tz'och yoc 'uj eyuj 'a 'ac'wal, yujto an Jehová in, an 'oj wac' in sacq'uinlal 'ayx 'a jun 'ejmn̈ej; an e Diosal in tic, an 'oj ex wac' b'inaxoc.

Is 60:20

A jun sacq'uinl tzwac' 'ayx cha, a 'oj 'och sjelc yoc c'u yet' yoc 'uj. A jun cha, may b'a'n̈ 'oj tupoc, yujto an Jehová in, an sacq'uinl waj 'ayx 'a jun 'ejmn̈ej. Ax e cusc'ojlal 'aj 'ayx 'eq'ui, 'oj lajwc 'ec' 'a jun c'u cha.

Ez 48:35

A yechl jun muro chi 'a smasnil, jun oyn 'och 'a spatc 'el jun chon̈b' cha, b'aln̈e mil metro. Ax sb'i jun chon̈b' cha: Scajnub' Jehová, 'ixta 'oj sb'ioc, xchi Dios 'ayin, xchi Ezequiel.

Dn 7:18

A yic 'oj lajwc ya'n eb' yajlil cha, ax scan smasnil 'a yol sc'ab' eb' chon̈b' sic'b'il 'el yuj jun Dios cojxn niwn yel'chi, jun 'ejmn̈ej 'oj cancn 'a yol sc'ab' eb' 'a smasnil q'uinal, xchi.

Dn 7:27

Ax yopiso, yip yet' sb'inab'ilal smasnil nacion̈ 'ayc' 'a yolyib'n̈q'uinl tic, 'oj 'ajxoc can 'a yol sc'ab' eb' schon̈b' jun Dios to cojxn niwn yel'chi. A jun 'opiso tic, 'ayc'n̈ej 'a jun 'ejmn̈ej. Smasnil eb' chon̈b' cajn 'a sat lum lum tic, 'oj yac' eb' 'emmquilal 'a 'a, ax syiclni pax eb' tas 'oj yala', xchi 'ayin.

Jl 2:31

'Oj 'och q'uic'q'uinl 'a c'u, ax 'uj caw chac 'oj 'aj 'icha chic'. A jun tzo'n̈ tic, 'oj ujoc 'a yic mantzac jaw sc'ul in jaw an Jehová in tic. A jun c'u cha, caw niwn yel'chi, caw 'ay smay.

Jl 3:15

A c'u yet' 'uj man̈x 'oj yac' sacq'uinlal, ax jun tzo'n̈ c'anal, 'oj sat stzictznil eb'.

Abdías 1:21

'Oj q'ue'choc eb' colwjum 'a lum tzaln Sión, 'oj yac' eb' yajlil 'a yib'n̈ lum slum Esaú. A yic cha, cojxn̈ej Jehová 'oj 'a'nc yajlil ta'.

Zacarías 14:6

A 'a yic jun tiempoal cha, sacq'uinln̈ej, ma'oj checljoc yoc c'u, ma'oj q'uic'b'oc paxi.

Zacarías 14:7

Man̈x 'a junc xo c'ul 'icha jun c'u cha, sacq'uinln̈ej, may c'ual, may pax 'ac'wal, a yic 'oj 'em c'u, sacq'uinln̈ej. A jun cha, cojn Jehová a 'ojtnac tas 'oj 'ajoc.

Zacarías 9:9

A Jehová tzaln 'ixtic: ¡Tzaljan̈c wal si'mb'il ex 'aj chon̈b' Sión! ¡B'itnan̈c 'a tzaljc'ojlal ex 'aj Jerusalén! 'Iltec wal sjaw e reyl 'ayex, caw tojl snab'en. A 'oj 'a'nc colnb'il. Caw 'emmquil sjawi, 'ay q'ue 'a yib'n̈ jun no quelm b'uru yune jun no 'axna.

Mt 24:29

A 'a yic 'oj lajwc 'ec' jun niwn yailal cha, 'oj 'och q'uic'q'uinl 'a c'u, 'oj tup yoc 'uj, ax yemt jun tzo'n̈ c'anal, yujto 'oj stzicb'tan̈c Dios tas 'ay 'a satcha'an̈.

Mt 6:10

'Ochn̈ yajlil 'a tic. B'o cab' 'icha tza nib'j 'a yolyib'n̈q'uinl tic, 'icha tzb'o 'a satcha'an̈.

Mt 6:13

Man̈ on̈ a cha 'ejmc yuj maysch'olnil on̈. Tzon̈ a coln can pax 'el 'a yol sc'ab' win syajlil maysch'olnil on̈. [Yujto smasnil tiempo cojn ach yajl ach. Caw niwn a poder, caw niwn el'chi. B'o cab' 'ixta', xe chi.]

A Ch'an̈ Carta D'a Eb' Hebreo 12:22

Palta an̈ec xo tic, man̈oc ta tzon̈ c'ochi. Yujto a 'a jun tzaln Sión, yet' 'a jun chon̈b' yic Dios pitzan, ata tzon̈ c'ochi. A jun chon̈b' cha, atn jun Jerusalén 'ay 'a satcha'an̈. Man̈ jantcoc sb'isl eb' ángel

Apoc 11:15

'Ix yutz'n jun yucl ángel pax strompeta. Xlajw cha, x'och jun tzo'n̈ paxti 'a satcha'an̈. Caw 'ip 'ix yal 'ixtic: A eb' yajl yaj 'a yolyib'n̈q'uinal, wal ticnec tzcan yopiso eb' yico'oc Dios Cajlil, tzcan pax yico'oc Cristo. A 'oj 'a'nc Yajlil 'a jun 'ejmn̈ej, xchi eb'.

Apoc 14:1

Xlajw cha, xwilni, a jun tzcuch Calnelu, lin̈n 'ec' 'a sjolm lum tzaln Sión. 'Ay pax 144 mil eb' 'ayc' yet'oc. Ax 'a snan̈l sat junjn eb', ata tz'ib'b'il 'och sb'i jun tzcuch Calnelu cha, tz'ib'b'il pax 'och sb'i Smam.

Apoc 19:4

Ax eb' 24 'ichm winac, yet' eb' querubín schan̈wn̈il, 'ix 'em n̈ojn eb' 'a sat lu'um. 'Ix yaln sb'a eb' 'a Dios, atn 'a jun wocn 'ejm 'a sdespacho. 'Ix yaln eb' 'ixtic: ¡B'o cab' 'ixta'! ¡Alx cab' wach' paxti 'a Dios! xchi eb'.

Apoc 19:6

Ax xwab'n paxi 'ay jun 'icha sjaj nan̈loc 'anma'. Caw tzn̈il-li sjaj eb', 'icha sc'an̈ sb'ey jun tzo'n̈ a niwc a'. 'Icha sc'an̈ jun tzo'n̈ c'u caw wal ow sc'an̈i, 'ixta sjaj eb', 'ix yaln eb' 'ixtic: ¡Calc wach' paxti 'a Dios! Yujto a Cajlil qui Diosalec, tztac' yuj smasnil, 'ix swach' yamj 'och ya'n Yajlil.

Apoc 21:23

A 'a jun chon̈b' cha, may tz'och yoc c'u, may pax tz'och yoc 'uj. Yujto a sacq'uinlal Dios yet' pax sacq'uinlal jun tzcuch Calnelu, a tzyac' sacq'uinlal 'a 'a.

Apoc 22:5

A wal ta', man̈x 'a 'ac'wal. Ax eb' 'oj c'och ta', man̈x 'a yopiso junc cantil yuj eb'. Man̈x 'a yopiso yoc c'u yuj eb'. Yujto a Dios Cajlilec, a 'oj yac' sacq'uinlal 'a eb'. Ax eb' cha, 'oj 'och eb' yajlil 'a smasnil tiempo.