Is 24:2 - Chuj San Sebastian Bible

² A eb' ya'mal 'och sti eb' 'anma', lajn xoj 'oj 'ajcn eb' 'icha eb' comn 'anma'. Ax ewin patron̈, lajn 'oj 'ajcn eb' 'icha ewin moso, 'ixta pax eb' 'ix patron̈, lajn 'oj 'ajcn eb' 'ix 'icha eb' 'ix ya'mal servil. Ax eb' tzmanwji, lajn 'oj 'ajcn eb' 'icha eb' tzchon̈wji; lajnxoj 'oj 'ajcn eb' tz'a'n b'ocl junc tas 'icha eb' tz'och b'oquil.

Chuj San Mateo Bible

² Lajan ol ajcan eb' sacerdote yed' eb' comon anima. Lajan ol ajcan eb' vin̈ patrón yed' eb' vin̈ smunlajvum. Lajan ol ajcan eb' ix patrona yed' eb' ix smunlajvum, eb' smanvaji yed' eb' schon̈vaji, eb' tz'ac'an majanil yed' eb' smajnani, eb' tz'ac'an b'ocal yed' pax eb' sb'ocani.

Is 24:2 Iomraidhean Croise

Gn 41:50

Yic mantzac 'el yich niwquil wejl cha, chawn̈ xo yunnal José tox 'ix 'alj yet' yistzil, atn 'ix Asenat.

2 Cr 36:20

Ax jantcto eb' ma'ix cham yuj espada, 'ix 'ijx 'at eb' 'a 'icha presoal 'a Babilonia. 'Ix 'ochcn eb' smosooc win rey yet' eb' yunnal winac, masnto xyij yip nacion̈ Persia.

Is 2:9

Smulyujoc jun tzo'n̈ cha, 'ax ya'n eb' sq'uixwloc, man̈x 'a yel'ch 'oj 'ajcn eb'. Man̈ ac' niwnc'ojlal eb' Mamin.

Is 24:3

'Oj cancn jitn lum lum tic, yujto 'oj 'ijxoc 'at smasnil tas 'ay 'a lu'um, xchi.

Is 28:7

An̈jtona', 'ay jun tzo'n̈ xo eb' 'anma tztectn 'ec' yuj te 'an̈ cha, tzlaj sicb' 'el eb' yuj yowl te'; atn eb' ya'mal 'och sti eb' 'anma', yet' eb' tzyalch sb'a schecb'oc Dios. A yic 'u'm 'an̈ eb' cha, caw wal tzsomchj snab'en eb', yuj cha man̈xtzac tznachj 'el yuj eb' tas tzyal Dios, man̈ wach'c tzyutj eb' sb'on yaj eb' 'anma'.

Is 5:15

'Oj 'ijxoc 'ejm smasnil 'anma yet' sjelnal, ax eb' b'an̈quintac, 'oj yic' 'ejm sb'a eb'.

Jeremías 41:2

A yic wan swa eb' cha, xq'ue wan lin̈n̈joc Ismael yet' eb' lajn̈wan̈ soldado ajun yet' cha, smiln cham eb' Gedalías, win x'ajx 'och gobernadoral 'a Judá yuj win sreyl Babilonia.

Jeremías 42:18

A Jehová tztac' yuj smasnil, atn qui Diosalec, a tzaln pax 'ixtic: 'Icha wal x'aj sjaw yowl in c'ojl 'a yib'n̈ eb' cajn 'a Jerusalén, 'ixta wal 'oj 'aj sjaw pax 'a eyib'n̈ ax tic, toto 'oj e 'at 'a Egipto cha. 'Oj jawc catb' 'a eyib'an̈. A yic 'oj ex yilnc 'och jun tzo'n̈ xo nacion̈, 'oj xiw eb' eyu'uj, ax ex sb'uchn pax eb'. Man̈x 'a b'a'n̈ 'oj e japx wul eyil jun e lum tic jun 'ejm xo, xchi Dios.

Lm 4:13

'Ixta 'ix uji, yuj wal smul eb' schecb' Dios yet' yuj smul eb' ya'mal 'och sti eb' 'anma 'a Dios, yujto til wal 'anma may smul 'ix smil eb' 'a yol chon̈ab'.

Lm 4:16

Yet' wal yowl sc'ojl Jehová, spechn can 'at eb', man̈x 'ic tan̈wx eb' yu'uj. Man̈x 'a yel'ch eb' ya'mal 'och sti eb' 'anma 'a 'a, man̈x 'ic 'o'ch sc'ojl 'a eb' 'ichmtac winac.

Lm 4:6

A wal yailal 'ix jaw 'a yib'n̈ eb' wit chon̈b' tic, yel xo wal niwquil 'a yib'n̈ yailal xjaw 'a yib'n̈ eb' 'aj Sodoma. A jun chon̈b' cha, yajn̈ej 'ix satli wach'xam may mach x'och oyn yac' owl 'a 'a.

Os 4:9

Yuj cha, ax ya'mal 'och sti eb' 'anma eyaji, lajn 'oj eyutc eyab'n syal yet' eb' eyit chon̈ab'. Yuj e b'eyb'al cha, ax wa'n 'och yailal 'a eyib'n̈ yet' eb'.