Is 23:1 - Chuj San Sebastian Bible

¹ Alb'il can 'el jun tzo'n̈ paxti tic 'ixtc 'a yib'n̈ Tiro: Ex 'i'mb'ey barco yic Tarsis, 'el cab' eyaw yuj somc'ojlal, yujto 'ix lan̈chj 'ejm chon̈b' Tiro, man̈x 'a xon junc n̈a xcani, man̈x 'a 'aj wach' spixx can te barco. A yic ex jaw 'a Chipre, 'ix eyab'n speclal jun cha.

Chuj San Mateo Bible

¹ Aton juntzan̈ lolonel tic alb'ilcan d'a yib'an̈ Tiro: Ex ic'um b'ey barco yic Tarsis, elocab' eyav yuj ilc'olal, yujto toxo ix satel chon̈ab' Tiro. Man̈xa junoc pat ix cani, man̈xa b'aj syal spixchajoch te' barco chi'. Ato d'a Chipre ix alchaj jun tic eyab'i.

Is 23:1 Iomraidhean Croise

Gn 10:4

Atn sb'i eb' yunnal Javán tic: Elisa, Tarsis, Quitim, yet' Dodanim.

A Ch'an̈ B'ab'el Libro Yic Yab'ixal Eb' Rey 10:22

'Ay jun tzo'n̈ sniwc barco win rey Salomón jun tz'ec' yet' jun tzo'n̈ sniwc barco win Hiram, yoxxil ab'il tzjaw eb' 'a Israel, yet' eb' oro, plata, marfil, no chab'in, yet' no pavo real.

A Ch'an̈ B'ab'el Libro Yic Yab'ixal Eb' Rey 22:48

Sb'ojnac pax win Josafat jun tzo'n̈ te barco 'icha te yic Tarsis, yic tz'at yi'nc te q'uen oro 'a Ofir, palta ma'ix stac' s'at eb' ta', yujto 'ix pojcn te barco chi 'a Ezión-geber.

A Ch'an̈ B'ab'el Libro Yic Yab'ixal Eb' Rey 5:1

A yic 'ix yab'n win Hiram sreyl Tiro, chajtlto a Salomón 'ix 'och reyl sjelc smam, 'ix schecn cot schecb' 'a 'a, yujto swach'c'ojl sb'a win yet' David.

2 Cr 9:21

A eb' schecb' win rey, tz'at eb' yet' eb' schecb' Hiram yet' te barco 'a Tarsis, yic tz'at yi'nc cot eb' q'uen oro, q'uen plata, q'uen marfil, no chab'in yet' no pavo real 'a junjn yoxxil ab'il.

Salmos 48:7

'Ix satl eb' 'icha tz'aj te barco yic Tarsis spoj yuj junc niwquil 'ic'.

Is 15:8

'Oj 'ab'xoc yel yaw eb' 'anma chi 'a smasnil 'aj tzlajw c'och smon̈jonal Moab. 'Oj c'och yel yaw eb' yuj syailal chi 'a chon̈b' Eglaim, masnto 'oj c'och yab'x 'a Beer-elim.

Is 2:16

ax ya'n 'ijxc 'ejm eb' te barco yic Tarsis 'a yich a mar, yet' pax jun tzo'n̈ xo barco wach' yilxi.

Is 23:12

Xyaln Dios 'ixtc 'a eb' 'aj Sidón: 'Actjec eya'n 'och jun tzo'n̈ e q'uin̈, yujto tox ex juw 'el 'icha junc cob's 'ix, wach'xam tzex c'axw 'ec' 'a Chipre, palta an̈jtona ma'oj eyilj xon jac ta', xchi.

Is 23:6

'El cab' eyaw yuj cusc'ojlal ex cajn 'ec' 'a sti a mar. C'axwan̈c 'ec' 'a Tarsis.

Is 24:10

A jun chon̈b' tenmtac cha, caw choc' x'aj slan̈chj 'ejmi, man̈x 'a n̈a 'aj tztac' yoch junc mach.

Is 60:9

A jun tzo'n̈ 'oj eyil cha, atn te barco tzcot 'a jun tzo'n̈ xo chon̈b' 'ay 'a sti a mar, b'ab'l eb' te yic Tarsis yuj eb' te'. Ata ajun eb' eyit chon̈b' yet' eb' 'anma cha, yet' eb' oro, yet' eb' plata, yuj yi'nb'ilc chan̈ in b'i an Jehová in. An e Diosal in, to Cojxn In Ton Dios In, an 'ixta 'oj wutc ex wa'n b'inaxc paxi.

Jeremías 2:10

'Ixquec 'a chon̈b' Chipre 'ay 'a snan̈l a mar 'a stojlal 'aj tz'em c'u, tze maclni wal eyila'. Checc 'at e checb' 'a chon̈b' Cedar 'a stojlal 'aj tzq'uel c'u, yic tz'at yilnc eb', toto 'ayx 'ajtil ujnac 'icha wal jun tic.

Jeremías 25:15

A Jehová qui Diosalec an̈ israel on̈c tic, a 'ix aln 'ayn 'ixtic: Yaj jun vaso b'ut'n yet' yal uva, tzyal 'el'chi atn yowl in c'ojol. Cha'aj, tzlajw cha, ax a'n yuc' smasnil nacion̈ 'aj 'oj ach in checb'ti.

Jeremías 25:22

smasnil eb' rey 'a Tiro, 'a Sidón, yet' smasnil eb' rey 'ay 'a jun tzo'n̈ nacion̈ 'ay 'a sti 'a mar Mediterráneo.

Jeremías 47:4

Yujto xc'och sc'ul slajw 'el eb' filisteo, atn eb' tzcolwj to 'a chon̈b' Tiro yet' 'a Sidón, xchi Dios. A Jehová 'oj satnc 'el eb' filisteo, atn smasnil eb' cotnc 'a chon̈b' Creta 'a snan̈l a mar.

Ez 26:1

A 'a b'ab'l c'u yoch 'uj yic yuxlchil ab'il quijx cot 'icha presoal, ata 'ix yal Jehová 'ayn 'ixtic:

Ez 26:2

Ach 'anma', a eb' 'aj Tiro, 'ix yal eb' 'ixtc 'a yib'n̈ chon̈b' Jerusalén: ¡A Jerusalén tox 'ix lajw 'ejmi! A 'a yic yalan̈, sb'e eb' chon̈wjum yaji, ata tztojcn eb' yic tz'ec' eb' yet' schon̈ cha, ax ticnec, tox xlajw 'ejm jun chon̈b' cha, yuj cha libre xo que'c ticnec yet' qui chon̈, 'oj cochc wal ricoal, xchi eb'.

Ez 27:30

Ax syamn 'och eb' yoc' o'oj, 'oj 'ab'xoc yoc' eb' 'a najat, caw ji'jmtac 'oj 'oc' eb', ax ya'n q'ue eb' pococ 'a sjolom, 'oj b'alb'noc 'ec' eb' 'a scal stan̈il c'ac'.

Ez 27:6

A te sma'lab'il a yic te barco cha, 'ix b'o te 'a te mach' 'ix cot 'a lum Basán; ax te q'uisis xcot 'a Chipre, a te x'och smacloc eb' te barco cha. A q'uen marfil, a 'aych pax yelwnub'loc.

Dn 11:30

Yujto a eb' soldado 'ay 'a stojlal 'aj tz'em c'u, 'oj jawc eb' 'a yol barco. A eb' 'oj tennc 'och wa'an. 'Ixta 'oj 'aj xiw win sreyl norte cha, ax smeltzj pax 'a spatic. Yuj cha, ax 'a yib'n̈ strato Dios sb'ojnac yet' eb' israel, ata oj yi'l yowl sc'ojol, ax schan yab' tas 'oj yal eb' 'oj 'actnoc can jun trato cha.

Jonás 1:3

Palta ax Jonás, ma'ix syiclj 'a Dios, a yico', to 'ix 'at 'elc 'a 'a. 'Ix 'atcn 'a chon̈b' Tarsis yalni, yuj cha, 'ix 'at 'a jun puerto 'ay 'a sti a mar 'a Jope. Ata x'ilchj jun barco yu'uj, wan s'at te 'a Tarsis cha. 'Ix stojn spasaje, xlajw xoj cha, x'och 'a yol barco, 'ix 'ati, yic tz'at 'elc 'a Jehová yalni.

Nm 24:24

'Ay eb' 'anma 'oj cot 'a yojl te barco 'oj cot 'a sti a mar yic Chipre, ax satn 'el eb' chon̈b' Asiria yet' chon̈b' Heber, palta 'oj satl pax eb', xchi Balaam.

Lc 10:13

A wal ex 'aj Corazín, caw 'oltac ex, yet' ex 'aj Betsaida, caw 'oltacx paxi. Octom a 'a Tiro yet' 'a Sidón b'ob'il jun tzo'n̈ milagro 'icha xb'o 'a e cal. Toto 'ixta', pectix am snajnac sb'a eb' 'anma cha. Tox am xya'ch eb' jun tzo'n̈ pichl n̈achtac, yet' stan̈l c'ac' tzyac' q'ue eb' 'a sjolom, sec tzcheclji, to caw tzcus eb' yuj smul.

Josué 19:29

Axta tzmeltzj smon̈jonal 'a Ramá, masnto tzc'och 'a jun chon̈b' caw wach' yajch smuroal atn Tiro, axta tzc'och 'a Hosa, tz'el'ch 'a a Mar Mediterráneo, locn pax chon̈b' Mahaleb, Aczib, Uma, Afec yet' Rehob.