Is 22:4 - Chuj San Sebastian Bible

⁴ Yuj cha, tzwaln 'ixtic: 'Eln̈ec 'a in tz'ey, yujto tzin nib'j caw tzin 'oc' si'mb'il, man̈x eyac' pural eya'n sniwnal in c'ojl yuj yailal 'oj jawc 'a yib'n̈ qui chon̈b'ec tic.

Chuj San Mateo Bible

⁴ Yuj chi' sval icha tic: Elan̈ec d'a in tz'ey, yujto tzin nib'ej tzin oc' val sic'lab'il. Man̈ e na tas tzeyutej eyac'an snivanil in c'ool yuj jantac yaelal ol javoc d'a yib'an̈ in chon̈ab'.

Is 22:4 Iomraidhean Croise

Ester 4:1

A yic xyab'n Mardoqueo jun ley 'ix alx 'el cha, yuj cha, 'ix stzilnjat spichul, 'ix ya'n 'och spichl n̈achtac sat yuj cusc'ojlal, xya'n q'ue stan̈il c'ac' 'a sjolom. 'Ix syamn 'och sb'eyc' 'a yol chon̈ab', tz'el yaw yuj cusc'ojlal yujto caw ya tzyab'i.

Salmos 77:2

A wal 'a yic 'ay in cusc'ojlal, tzwaln in b'a 'a Jehová, matz in 'och wan in mojn q'ue in c'ab', yic tzin leslwi 'a junjn 'ac'wal. Palta may 'aj tz'ilchj sniwnal in c'ojol.

Is 15:3

A spichl eb' n̈achtac sat 'oj laj ya'chi, ax laj yec' eb' 'a yol caye yet'oc. 'Oj q'ue eb' 'anma chi 'a span̈nil yib'n̈ yatut, ax laj yoc' eb'. 'Oj laj 'oc' eb' 'a plas, toxn̈ej 'oj si'si'nc eb' yoq'ui.

Is 33:7

'Ab' wal yel yaw eb' soldado 'a yoltc caye yuj xiwc'ojlal, 'ab' wal yoc' eb' checb'il cot wul ya'ch junc'ojlal.

Jeremías 13:17

Toto ax tic matz e chaj eyab' tas tzwala, 'oj woc' eyuj 'a c'ultaquil, yujto tzeyij chan̈ e b'a. Caw 'oj 'eltoc yal in sat eyu'uj, yujto 'oj eyijx 'at 'icha presoal, xin chi 'a eb'.

Jeremías 31:15

Tzyaln Jehová 'ixtic: Caw tz'ab'x yoch 'aw 'a chon̈b' Ramá, 'ay mach caw wal ji'jmtac yoc' yuj yailal. A 'ix Raquel caw wal tz'oc' 'ix yuj eb' yune', man̈xtzac snib'j 'ix tz'ajx sniwnal sc'ojol, yujto man̈x 'a eb' yune 'ix 'ayq'ui.

Jeremías 4:19

Caw wal tzin cumcn 'ec' wab'n syail. Caw tz'ib'x in pixn yuj tas tzlaj uji. Man̈xtzac stac' sictac tzin 'aji. Tox 'ix wab' yoc' q'uen trompeta, yet' jun 'aw yic owal.

Jeremías 6:26

Ex wit chon̈ab', 'a'c 'och te pichl n̈achtac sat yuj e ch'oxn 'el e cusc'ojlal. 'E'n̈ec b'alb'noc 'a scal stan̈il c'ac', 'ochn̈ec 'a niwquil cusc'ojlal, 'o'n̈ec wal si'mb'il, 'icha yic tzcham junc eyunnal to jun c'otn̈ wali, yujto a jun mach 'oj qui satnec 'eli, caw jab'xoj sjaw 'ayn̈ec.

Jeremías 8:18

A 'in cusc'ojlal an Jeremías in tic, man̈x 'a yan̈il, caw tzlajw 'ejm in pixn yuj tzwab'i.

Jeremías 9:1

¡Comnoc wal lajn yol in sat tic yet' junc a spac'b'a tz'el yoctac, sec sc'ual, yac'wlil woc' yuj smasnil eb' wit chon̈b' xlaj chami!

Jeremías 9:18

Ax eb' 'aj Jerusalén cha, 'oj yal eb' 'ixtic: Cot cab' eb' 'ix muc'uc, 'o' cab' eb' 'ix yuj qui cusc'ojlalec. Lojx cab' 'el yol qui satc coq'ui, 'em cab' jichljoc yal qui sat 'a xil yol qui sat.

Lm 2:11

Caw wal tzmal yol in sat woq'ui, ax sn̈i in c'ojol, caw wal 'ijn tzn̈i'chj tzwab'i; caw man̈x 'a wip tzwab'i yic tzwiln 'och tas tz'aj slajw 'el eb' wit chon̈ab'. 'Intax eb' nene 'unn tzat chuwi, t'occtac tz'aj eb' schamcn 'a yol caye yuj wejel.

Ez 21:11

A jun espada cha, caw wal tzictzni x'aj sb'o'i, caw jay pax ye, lista xo yaji yic tz'ajx 'a yol sc'ab' jun 'oj milwjoc cha, xchi Dios, xa chi 'a eb'.

Ez 27:31

'Oj sjoxl eb' xil sjolm, ax ya'n 'och eb' spichl n̈achtac yuj cusc'ojlal, caw wal 'oj 'oc' eb' si'mb'il o'oj.

Miqueas 1:8

Yuj wal cha, tzin 'oc' si'mb'il yuj cusc'ojlal; jitn in 'eli, may in xan̈b' 'aychi tzin 'eq'ui. Xoj yel waw 'icha junc no 'oques, mto 'icha junc no cujub'.

Mt 2:18

Caw tz'ab'x yoch 'aw 'a chon̈b' Ramá, 'ay mach caw wal ji'jmtac yoc' yuj yailal. A 'ix Raquel caw wal tz'oc' 'ix yuj eb' yune', man̈xtzac snib'j 'ix tz'ajx sniwnal sc'ojol, yujto man̈x 'a eb' yune 'ix 'ayq'ui, xchi can Jeremías.

Mt 26:75

Yuj cha, 'ix snan cot Pedro tas yaljnac Jesús 'a 'a, yic yaln 'ixtic: Yic mantzac 'oc' no 'ajtzo', 'ox 'ejm 'oj e'l 'a eb'an̈, chajtlto man̈ in ojcoc, xchi Jesús 'a 'a. Yuj cha, yajn̈ej 'ix 'elt Pedro cha, syamn 'och wal yoc' si'mb'il.

Lc 19:41

Ax yic wan sc'och Jesús 'a sla'nil Jerusalén, xyiln 'at jun chon̈b' cha. 'Ix 'oc' yu'uj.