Is 22:21 - Chuj San Sebastian Bible

²¹ a jun tzo'n̈ a pichl tza'ch 'a opiso, a 'oj wa'ch 'a 'a, yet' jun a sincha yic a b'inab'ilal, ax wa'n can opiso chi 'a 'a. 'Icha wal junc mamb'il, 'ixta 'oj 'aj 'a eb' cajn 'a Jerusalén yet' 'a eb' 'aj Judá.

Chuj San Mateo Bible

²¹ Ol vac'och a pichul yic opisio chi' d'a vin̈ yed' a cincho yic a b'inajnaquil. Ol vac'ancan opisio chi' d'a vin̈. Icha junoc mamab'il ol aj vin̈ d'a scal eb' cajan d'a Jerusalén tic yed' d'a eb' aj Judá.

Is 22:21 Iomraidhean Croise

Gn 45:8

Yujto 'ixta 'ix yutj Dios in schecn cot can 'a jun lugar tic, man̈oc ex in eya'cn coti. A Dios in 'a'n 'och 'ajnab'enal 'a win rey, yic tzwa'n yajlil 'a smasnil tas 'a yatut, yet' 'a smasnil yol yic Egipto tic.

Ester 8:15

A yic x'elt win Mardoqueo 'a yol despacho, 'aych spichl yic yopiso yu'uj, q'uic'mucnac yet' sac, 'icha yic eb' rey. 'Ay q'ue jun niwquil corona nab'a oro 'a sjolom, 'aych pax junx spichl nab'a lino, chacmucnac yilxi. A yic cha, smasnil eb' 'anma cajn 'a yol chon̈b' Susa, caw 'ix 'awj chan̈ eb' yuj tzaljc'ojlal.

Ester 8:2

Xlajw cha, xyi'n 'elt win rey q'uen colc'ab' 'aj 'aych seyo, atn q'uen xyijcan 'ec' win 'a win Amán, xya'n win q'uen 'a Mardoqueo. Ax jun tzo'n̈ tas 'ay 'a win Amán x'ajx yico'oc 'ix Ester, xya'cn 'ix 'a yol sc'ab' Mardoqueo yic tzya'n cuenta winac.

Job 29:16

'Icha to mamb'il waj 'a eb' 'ay tas sc'a'l tz'och yu'uj, tzin colwj pax in b'onyaj eb' chuc chon̈b'al yic 'ay tas tznib'j eb' sb'o'yaji.

Ez 23:15

'aych jun tzo'n̈ cincha 'a snan̈l eb' yic yopiso cha. A sc'oxl sjolm eb' 'ay q'ue'i, tz'ib'quintac yilxi, 'icha yilx eb' scapitan̈il eb' soldado 'aj Babilonia, 'ixta yilx eb', caldeo eb' smasnil.

A Ch'an̈ B'ab'el Libro Samuel 18:4

'Ix yi'n 'el Jonatán jun spotl 'aych yu'uj, 'ix ya'n 'a David, yet' jun tzo'n̈ xo spichl 'aychi, xya'n pax yespada yet' sjul-lab', yet' pax sinchoal snan̈al.