Is 22:2 - Chuj San Sebastian Bible

² Toxn̈ej tzex we'lji yel eyaw. A eb' 'anma chamnc 'a e cal, man̈ yujoc q'uen espada 'ix cham eb', man̈oc pax owal, palta xcham eb' yuj wejel yet' yuj yab'il.

Chuj San Mateo Bible

² Toxon̈ej tzex q'ue somnajoc, veq'ueq'ui yel eyav yuj eyac'an q'uin̈. A eb' anima chamnac d'a e cal, man̈oc yuj q'uen espada chamnac eb', man̈oc pax d'a scal oval chamnac eb'.

Is 22:2 Iomraidhean Croise

Is 10:4

Toto ma'oj eyamchj 'at 'icha presoal, 'oj e milx cham yet' eb' chamnc xo cha. Palta man̈ yujoc cha, 'oj 'ec' yowl sc'ojl Dios, 'ipn ya'n 'och eyailal.

Is 23:7

¡'In a jun e chon̈b' tic 'ayc' xon 'a yic pecti', jun 'aj til wal xon yoch q'uin̈ yet' tzaljc'ojlal! ¡Atn jun tic 'aj til wal s'at eb' 'anma', yic tz'at sb'onc 'ejm sb'a eb' 'a jun tzo'n̈ xo chon̈b' 'a najat!

Is 32:13

Yujto cojxn̈ej te q'ui'ix yet' te c'ultc 'oj pa' chan̈ 'a yol qui chon̈b'ec, yet' 'a yoltc n̈a 'aj tzlaj 'och q'uin̈ yic tzaljc'ojlal.

Is 32:14

Ax sdespacho eb' yajal, cusltac 'oj 'ajcni; 'oj sat chan̈ eb' 'anma cajn 'a yol chon̈ab'. A jun tzo'n̈ schon̈b' eb' 'aych smuroal, 'oj 'ochcn yet'loc no calte'al noc'. Ata 'oj 'iljoc e no calte'al b'uru 'a tzaljc'ojlal. Wach' 'oj wa e no calnelu ta'.

Is 37:33

Ax pax yuj win sreyl Asiria, 'ix yal Jehová yuj win 'ixtic: Ma'oj 'oxtoc 'a yol chon̈b' Jerusalén tic, may wal junc sjul-lab' 'oj ya'lc sjuln coti, ma'oj jawc yac' owl yet' smacl sat jul-lab', ma'oj sb'o pax chan̈ sb'achte 'a spatquil smuroal chon̈b' tic.

Is 37:36

Ax jun yángel Jehová, a xmiln cham 185 mil eb' soldado asirio 'a scamplamento, ax yic sacb'el 'a junx c'u cha, chamnc xo eb' soldado chi smasnil.

Jeremías 14:18

A yic tzin 'el wil lum lum 'aj tz'och munljel 'a b'esan, ax tzwilni, to 'ay sniwnal eb' 'anma t'occtac yaj ta yuj owal. Ax yic tzin 'och paxt 'a yol chon̈ab', ax tzwilni wan laj scham eb' 'anma yuj wejel. Ax eb' tzyalch sb'a schecb'oc Dios, yet' eb' ya'mal 'och sti eb' 'anma', tox 'ix 'ijx 'at eb' 'a chuc chon̈b'al, jun to mant yojcoc eb', xa chi 'a eb', xchi Dios 'ayin.

Jeremías 38:2

To a Jehová 'ix aln 'ixtic: A mach 'oj can 'a yol chon̈b' tic, 'oj cham yuj owal, yuj wejel, yuj pax yab'il. A pax mach 'oj 'at 'eloc, ax ya'n 'och sb'a 'a yol sc'ab' eb' 'aj Babilonia, a eb' cha, 'oj colchjoc to 'el eb'.

Jeremías 52:6

Caw 'ix niwtj wal wejl 'a jun chon̈b' cha, man̈x 'a jac tas wach' sc'uxn eb' 'anma'. A 'a yic sb'aln̈il c'u yoch schan̈l 'uj yic jun ab'il cha,

Lm 1:1

Cusltac xoj yilx x'ajcn chon̈b' Jerusalén, atn jun niwquil chon̈b' 'aj til wal 'anma 'a pecti'. Lajn xoj yilx x'ajcn 'icha junc 'ix 'ix chamnc yichmil. A 'a pecti cha, 'icha to yajl yaj 'a scal jun tzo'n̈ xo nacion̈, ax ticnec, 'ix 'ajx pural yoch 'a munljel.

Lm 2:20

Mamin Jehová, na wal si'mb'il, ¿tom 'ayx mach 'ixtc tzotj 'icha wal tzon̈ otj tic on̈? ¿Tom wal smoj schin eb' nunb'il eb' yune tzat chuwi? ¿Tom smoj pax to tzmilx eb' ya'mal 'och qui ti 'ayach, yet' eb' a checb' 'a yol a cajnub'?

Ez 22:5

A eb' nacion̈ 'ay 'a a la'nil yet' eb' 'ay 'a najat, 'oj ach stzetzc eb'; 'oj sb'uch eb' a b'i, yujto may stzol-l tas tza b'o'o.

Sofonías 2:15

'Ixta wal 'oj 'aj jun chon̈b' may tas tzna cha, mun cob' tzyipc'ojlej sb'a sch'ocoj, tzyaln cob' eb' cajn 'a 'a, to may junc xo chon̈b' lajn yet'oc. Palta cusltac xoj 'oj 'ajcni, axn̈ej no calte'al noc' 'oj 'ec' 'a 'a. A eb' 'oj 'ec' 'a stz'ey, caw 'oj b'uchwjoc eb' 'a 'a.