Is 21:3 - Chuj San Sebastian Bible

³ Caw tzyab' in niwnal syail, caw 'ayn 'och 'a in yailal, 'icha wal junc 'ix 'ix tzyab' syal yalj yune'. Tzin 'och 'a somc'ojlal yuj tas tzlaj wab'i, tzin xiw pax chan̈ yuj tas tzwila.

Chuj San Mateo Bible

³ Yuj tas ix vil chi' tzin ec' b'acb'on yuj vab'an syail icha tz'aj junoc ix ix tz'alji yune'. A yuj tas svab' chi' tzin somchajchaan̈, yuj tas svil chi' man̈xo in animaoc svab'i.

Is 21:3 Iomraidhean Croise

Salmos 48:6

'Ix 'och eb' 'a xiwc'ojlal, xlaj somchjc chan̈ eb'. 'Icha tz'aj junc 'ix yab'n syail yic tz'alj yune', 'ixta x'aj eb' yab'n syail.

Is 13:8

Ton̈j 'oj sat sc'ojl eb'. A xiwlal, cusc'ojlal yet' yailal, a chi 'oj yic' yip 'a scal eb'. Caw 'oj yab' eb' syal jun tzo'n̈ chi 'icha tzyac' eb' 'ix 'ix tz'alj yune'. Toxn̈ej 'oj laj yil-lac 'och sb'a eb', ax schacb' chan̈ sat eb' soldado chi yuj q'uixwc'ojlal.

Is 15:5

Caw wal tzcus in c'ojl yuj eb' 'aj Moab; a eb' 'anma 'a jun chon̈b' cha, 'oj 'at eb' 'eloc. Atta 'oj c'och eb' scol sb'a 'a Zoar, masnto 'oj c'och eb' 'a Eglat-Selisiya. 'Oj q'ue'choc eb' 'o'c 'a lum tzaln Luhit; yet' 'aj tz'ec' sb'el Horonaim. Caw wal ji'jmtac yoc' eb' yab'n syal tas tzjaw 'a yib'n̈ cha.

Is 16:11

Yuj cha, caw wal tzcus in c'ojl yuj tas 'oj 'aj slajw 'el eb' 'aj Moab yet' eb' 'aj Kir-hareset.

Is 16:9

Yuj cha, 'oj 'oc' eb' 'anma chi yuj te uva 'a Sibma, yuj te yic Jaser, ax yelt yal sat eb' yuj te uva yic Hesbón yet' yuj te yic Eleale. A 'a scal yawb'ente eb' 'anma cha, ata 'oj 'el yaw eb' yuj owal.

Is 26:17

'Icha wal junc 'ix 'ix wan sc'och stiempoal yalj yune', wan stac sc'ojl 'ix yab'n syail, 'ixta 'on̈ 'aj 'a ojltac on̈.

Jeremías 4:19

Caw wal tzin cumcn 'ec' wab'n syail. Caw tz'ib'x in pixn yuj tas tzlaj uji. Man̈xtzac stac' sictac tzin 'aji. Tox 'ix wab' yoc' q'uen trompeta, yet' jun 'aw yic owal.

Jeremías 48:41

A wal jun tzo'n̈ chon̈b' wach' cob' yajch smuroal, caw 'oj 'ejmc yuj eb' 'ajc'ojol. A wal 'a yic jun c'ul cha, a eb' soldado Moab, toxn̈ej 'oj xiwcn chan̈ eb' 'icha junc 'ix 'ix wan yalj yune'.

Jeremías 49:22

A eb' 'ajc'ojl cha, caw yajn̈ej ax sc'och eb' yac' owl 'a chon̈b' Bosra, 'icha sc'och jen̈n̈oc junc no c'uc'um. A wal 'a jun c'u cha, a eb' soldado 'aj Edom, caw 'oj 'ib'xoc eb' yuj xiwlal 'icha junc 'ix 'ix wan yalj yune', xchi Dios.

Jeremías 50:43

A wal yic 'oj yab'nc sreyl Babilonia yab'xil jun tic, caw 'oj sicb'oc 'el sc'ab' yuj xiwc'ojlal, caw 'oj 'och 'a somc'ojlal yet' 'a yailal, 'icha wal junc 'ix 'ix wan yalj yune'.

Jeremías 6:24

A eb' 'anma 'a Jerusalén, tzyal eb' 'ixtic: Tox 'ix cab' jun 'ab'x cha, caw wal tz'el quip yuj xiwc'ojlal, on̈ 'och 'a cusc'ojlal cab'n syail, 'icha wal yab'n junc 'ix 'ix syail 'a yic tz'alj yune'.

Habacuc 3:16

A yic xwab'n smasnil tas 'oj jawc 'a quib'n̈ chi 'on̈, caw in xiw cha'an̈. 'Ix 'ib'x chan̈ in ti'. Smasnil in niwnal, caw man̈x 'a yip, tzanxn̈ej 'aj in telwi. Wach'xam 'ixta 'oj 'ajoc, palta caw junc'ojlaln̈ej waj in tan̈wni jun c'ual yic 'oj jawc yailal oj 'a yib'n̈ eb' tz'a'n owl quet' on̈.

Jn 16:21

Q'uinloc 'ay junc 'ix ticnec, wan yalj yune'. Tzcus toni, yujto 'aych 'a syailal. Palta ax yic tox 'ix 'alj yune cha, man̈xtzac sna cot syailal cha, caw tzalj paxi, yujto x'alj jun 'unn chi 'a yolyib'n̈q'uinl tic.

Dt 28:67

Til wal xiwc'ojlal 'oj jawc 'ayex, yujto til wal tas 'ay smay 'oj eyila'. A 'a yic sq'uin̈b'ial, 'oj eyal 'ixtic: Comnoc 'ay mayoc sq'uic'b'i, 'oj e chioc. Ax 'a yic 'ac'wl cha, 'oj eyal pax 'ixtic: Comnoc 'ay mayoc sacb'i, 'oj e chioc.

1 Ts 5:3

A 'a yic jun tiempoal cha, 'oj cob' yal eb' 'anma 'ixtic: An̈ec tic, caw wach' cajec, toc 'ay tas tzqui na'ec, 'oj schic cob' eb'. Palta yajn̈j wal cha, ax satx can 'ejm eb'. 'Icha tz'aj sjaw syailal junc 'ix tz'alj yune', 'ixta 'oj 'aj sjaw syailal eb' cha. Wal yel, may junc eb' 'oj colchjoc can 'el 'a jun syailal cha.