Is 21:16 - Chuj San Sebastian Bible

¹⁶ 'Ix yaln Jehová 'ayn 'ixtic: Yab'n 'ixtc junab', 'icha wal junc munljum tzb'isa jantc xo tiempo smunlji, 'ixta wal sb'isx sc'ual yic 'oj lajwc 'ejm sb'inab'ilal chon̈b' Cedar.

Chuj San Mateo Bible

¹⁶ Ix yalan Jehová d'ayin icha tic: Yic val jun ab'il ticnaic, icha tz'aj sb'isan stiempo junoc munlajvum, a val ta' ol satel snivanil yelc'och chon̈ab' Cedar.

Is 21:16 Iomraidhean Croise

Gn 25:13

Atn stzol-l x'aj yalj eb' tic: Nebaiot, atn win b'ab'l winc cha; xlajw cha, x'alj Cedar, Adbeel, Mibsam, Misma, Duma, Massa, Hadar, Tema, Jetur, Nafis yet' Cedema.

1 Cr 1:29

Eb' yin̈tl Ismael cha: atn Nebaiot, sb'ab'l 'unnal, yet' Cedar, Abdeel, Mibsam, Misma, Duma, Massa, Hadad, Tema, Jetur, Nafis yet' Cedema. Atn jun tzo'n̈ eb' yunnal Ismael tic.

Job 7:1

An̈ 'anman̈ cajn on̈ 'a sat lum tic, lajn wal cab'n syal 'icha junc soldado mto 'icha junc 'anma 'aych mosoal 'a spatron̈.

Salmos 120:5

An xo tic, caw 'oltaquin, ton̈j 'e'lb'a wec' jaye'oc c'u 'a lum Mésec, in can 'a scal eb' cajn 'ec' 'a lum Cedar.

Cantares 1:5

Ex 'ix 'aj Jerusalén, an tic q'uic' 'ixl wilxi, palta caw wach' wilx 'ochi. Q'uic' cab' wilx 'icha yilx smantiado eb' 'aj Cedar, palta wach' pax wilx 'icha te cortina 'aych 'a yol yatut Salomón.

Is 16:14

Ax ticnec, tzyaln pax 'ixtic: Yab'm wal 'oxab', 'icha wal sb'isn junc munljum jantc xo tiempo smunlji, 'ixta wal sb'isx sc'ul slajw 'ejm tas 'ay 'a eb' 'aj Moab. Til wal 'anma 'oj satli; jaywn̈ xoj eb' 'oj canoc, man̈x 'a yip eb' scoln sb'a 'a owal, xchi Dios.

Is 42:11

Tzalj cab' chan̈ eb' chon̈b' 'ay 'a lum cusltac lu'um, yet' eb' yin̈tl can win Cedar cajn 'a jun tzo'n̈ scamplamento. Eb' 'aj chon̈b' Sela, b'itn cab' eb' 'a tzaljc'ojlal, q'ue cab' yaw eb' sb'itn 'a lum jolmctac witz.

Is 60:7

Smasnil no calnelu 'ay 'a Cedar, 'oj eyico'oc no', ax e no mam calnelu 'ay 'a Nebaiot, a e no 'oj e c'anlb'oc yic 'oj eya'nc tz'a e no xajmb'al-l 'a yib'n̈ yet'l xajmb'al to wic yaji. 'Oj in cha e no eyofrendaoc. 'Ixta 'oj wutoc, sec 'ay yel'ch watut chi 'a e sat.

Jeremías 2:10

'Ixquec 'a chon̈b' Chipre 'ay 'a snan̈l a mar 'a stojlal 'aj tz'em c'u, tze maclni wal eyila'. Checc 'at e checb' 'a chon̈b' Cedar 'a stojlal 'aj tzq'uel c'u, yic tz'at yilnc eb', toto 'ayx 'ajtil ujnac 'icha wal jun tic.

Jeremías 49:28

Atn jun tzo'n̈ tic yaljnac can Jehová 'a yib'n̈ eb' 'ay 'a yol yic Cedar yet' 'a eb' yajl yaj 'a chon̈b' Hazor, atn eb' x'ejm yuj Nabucodonosor sreyl Babilonia: Ex 'aj Babilonia, 'ixquec, 'at 'a'c owl 'a chon̈b' Cedar, 'at satc 'el eb' 'anma cajn 'a stojlal 'aj tzq'uel c'u.

Ez 27:21

A smasnil eb' yajl yaj 'a chon̈b' Arabia yet' 'a chon̈b' Cedar, a tas xyac' eb' stojloc tas sman cha, atn no quelm calnelu, no mam calnelu yet' no mam chiwo.