Is 20:2 - Chuj San Sebastian Bible

² A 'a jun tiempoal cha, ata xyal Jehová 'ixtc 'a win Isaías, win yunnal Amoz: 'Ij 'el a pichl n̈achtac 'aych o'oj, tze'n 'el 'a xan̈ab', xchi 'a winac. 'Ix syiclni Isaías sb'on 'icha x'aj yalx 'a cha, xyij 'el xan̈ab', xyi'n 'el spichul, cojxn yojl spichl chi xcani.

Chuj San Mateo Bible

² A d'a jun tiempoal chi', ix yal Jehová d'ayin Isaías in tic icha tic: Iq'uel a pichul ya sva ayoch chi' uuj yed' a xan̈ab', xchi. Ix in c'anab'ajan in c'ulan icha ix yal chi', ix vic'anel in xan̈ab' yed' in pichul chi', axon̈ej yol in pichul ix cani.

Is 20:2 Iomraidhean Croise

A Ch'an̈ Schab'l Libro Samuel 15:30

Ax David, 'ix yij 'el xan̈ab', sb'a'n sjolom, caw ji'jmtac yoq'ui yic 'ix q'ue 'a lum stzalnil olivo; 'ixta xyutj sch'oxn 'eli to 'ay scusc'ojlal. 'Ixta pax smasnil eb' 'anma ajun yet' cha, 'ix laj sb'ac' eb' sjolom, caw ji'jmtac yoc' eb' yic xq'ue eb' 'a lum tzaln cha.

A Ch'an̈ Schab'l Libro Samuel 6:20

An̈jtona pax David, 'ix meltzj can pax 'a yatut, yic tzyaln wach' paxti 'a yib'n̈ eb' 'ayc' 'a yol yatut cha. Ax yic xc'ochi, x'elt 'ix Mical chi wul scha', xyaln 'ix 'a win 'ixtic: —A ticnec ach sreyl chon̈b' Israel, am a nani to wach' xotj a b'a xa ch'oxn 'el wal a b'a 'a sat eb' 'ix schecb' ewin a checab', caw q'uixweltac xotj a b'a 'icha junc comn 'anma', xchi 'ix 'a winac.

A Ch'an̈ Schab'il Libro Yic Yab'ixal Eb' Rey 1:8

—A jun winc cha, 'aych jun spichl to patztac xil sat, 'aych pax jun tz'um jal-l 'a snan̈al, xchi eb'. —A jun winc cha, atn Elías 'aj Tisbe, xchi win rey cha.

Salmos 30:11

Ach in Diosal, a 'in yailal xa meltztej 'och in tzaljc'ojlaloc; 'ix ej can 'el in cusc'ojlal, ax tzaljc'ojlal 'ix a'cn 'och 'ayin.

Ex 3:5

'Ix yaln Dios 'ixtc 'a 'a: —Man̈ ach 'ochlc 'a tic, 'ij 'el a xan̈ab', yujto a jun lugar 'aj tzach jaw tic, an 'ay wico', an 'ayn 'ec' 'a tic.

Is 1:1

An Isaías tic, yunnal in Amoz. 'Ix alx jun tzo'n̈ paxti tic 'ayin yuj tas 'oj jawc 'a yib'n̈ eb' 'aj Judá yet' eb' 'aj Jerusalén, atn 'a yic x'ec' ewin tic reyl 'a Judá: Ozías, Jotam, Acaz yet' pax Ezequías, ata 'ix yal Jehová 'ixtic:

Is 13:1

'Aycto yaln can Dios 'a win Isaías, win yunnal Amoz, tas jun tzo'n̈ 'oj jawc 'a yib'n̈ chon̈b' Babilonia, yic yaln 'a win 'ixtic:

Is 37:2

'Ix schecn 'at win rey win Eliaquim mayltoma yaj 'a sdespacho, yet' Sebna tz'ib'n ab'ix, yet' pax eb' ya'mal 'och sti eb' 'anma 'a Dios to 'ichm winc xo. 'Ix ya'ch ewin spichl n̈achtac sat, 'ix 'at eb' 'a win schecb' Dios, atn win Isaías, yunnal Amoz.

Jeremías 48:37

Smasnil eb' winac, tox 'ix sjoxl eb' xil sjolom, tox 'ix sjoxl eb' xil sti'. C'uxn spol lajwc eb' sc'ab', cojxn̈ej jun tzo'n̈ pichl n̈achtac sat 'aych yuj eb'.

Ez 24:17

Tza c'ultac 'ab'j syail, palta man̈ a ch'oxl a cusc'ojlal chi 'icha tzyac' eb' 'anma yuj mach tzcham 'a 'a. Man̈ e'l sc'oxl a jolom, man̈ e'l a xan̈ab', man̈ a mac a sat yic tza ch'oxn 'el a cusc'ojlal, man̈ a c'ux jun tzo'n̈ tas tzc'uxx yuj cusc'ojlal, xchi 'ayin.

Ez 24:23

Man̈ eyi'l sc'oxl e jolom, man̈ eyi'l e xan̈ab', man̈ e ch'oxl e cusc'ojlal cha, man̈ ex 'oc'oc. Mun 'oj c'un 'el eyip yuj jun tzo'n̈ e mul cha, ax scus chan̈ e c'ojl junjn ex.

Ez 4:1

'Ix yaln pax Jehová 'ixtc 'ayin: Ach 'anma', 'ij cot junc lum xamit, tza'n 'ejm 'a ojltac, tzlajw cha, tza b'on 'ejm yechl chon̈b' Jerusalén 'a yib'an̈.

Ez 4:5

'Icha sb'isl yab'lil xo smul eb', 'ixta sc'ul 'oj ab' syal yuj eb' spojjnac 'el sb'a 'a Judá, 390 c'u 'oj ab' syail, tzyal 'el'chi, junjn c'u 'a junjn ab'il.

Miqueas 1:11

Ax xo ex cajn 'a chon̈b' Safir, 'ixquec can 'icha presoal, jitnex cab' 'eli tzex 'ati, q'uixweltac cab' eyilxi. Man̈x cab' 'eltoc eb' cajn 'a chon̈b' Zaanán. 'Ay 'oc'l 'a chon̈b' Bet-esel, man̈x 'a mach 'oj 'och eyet'oc.

Miqueas 1:8

Yuj wal cha, tzin 'oc' si'mb'il yuj cusc'ojlal; jitn in 'eli, may in xan̈b' 'aychi tzin 'eq'ui. Xoj yel waw 'icha junc no 'oques, mto 'icha junc no cujub'.

Zacarías 13:4

A 'a yic jun c'ul cha, a smasnil eb' to in checb' yalni, 'oj q'uixwc 'el eb' yuj tas 'oj ch'oxxoc yil eb' 'a 'icha waychil. Man̈x 'oj ya'ch eb' te pichl n̈achtac sat, 'icha yic eb' in checab', yuj ya'n eb' 'es 'a eb' 'anma'.

Mt 16:24

Xlajw cha, xyaln pax 'ixtc 'a eb' scuywum: —Toto 'ay mach tznib'j tz'och in cuywumoc, yowlal man̈x yico'oc sb'a sch'ocoj. Yab' cab' syail, toxn̈ej tz'ajx 'och 'a spenc culus. Toto 'ixta', 'och cab' in cuywumoc.

Mt 3:4

A Juan cha, a xil no cameyo 'aych spichloc, ax sjalul tz'u'um. A jun tzo'n̈ noc' 'icha b'ojch'in a tzchi'a; ax no calte'al yal chab' tzyuq'uej.

Jn 21:7

Ax jun scuywum Jesús caw chamc'ojlb'il yu'uj, a 'ix aln 'ixtc 'a Pedro: —'In a Cajlil tic, xchi. Xlajwn̈ej yab'n Simón Pedro jun cha, 'ix stza'n cot spichul. 'Ix ya'n 'och muc'uc, yujto 'elnc spichl chi yu'uj. 'Ix sjuln 'elt sb'a 'a yol barco cha, 'ix 'el'ch 'a sti a'.

A Tas Sc'ulejnac Eb' Schecab' Jesús Hechos 19:16

A win 'aj 'aych win demonio cha, 'ix cot jucnjoc win 'a ewinac. 'Ix ya'n ganar win ewin smasnil. Caw x'ixtx ewin yu'uj. Til wal x'aj ewin slajwi. Jitn 'el ewinac, x'el ewin 'a yol jun n̈a cha. 'Ix laj 'at ewin 'eloc.

A Tas Sc'ulejnac Eb' Schecab' Jesús Hechos 21:11

Xit' win on̈ sc'umc on̈. Yic wan qui c'umn qui b'a yet' win on̈, 'ix yi'n 'el win sjal-l snan̈l Pablo. 'Ix sjaln teln sb'a win yet'oc. Xlajw cha, xyaln win 'ixtic: —A Yespíritu Dios tzaln 'ixtic: A eb' israel 'a Jerusalén, 'ixtc 'oj yutc eb' sjaln pax jun 'ay yic jun jal-l tic. 'Oj lajwc cha, ax ya'n 'och eb' 'a yol sc'ab' eb' man̈ israeloc. 'Ixta tzyal Yespíritu Dios, xchi winac.

Josué 5:15

Ax win syajlil eb' soldado Jehová, 'ix ta'w win 'ixtc 'a Josué: —'Ij 'el a xan̈ab', yujto a jun lugar 'aj lin̈n ach 'ec' tic, to yicn̈ej Jehová yaji, xchi. Ax Josué, 'ix syiclj tas 'ix alx 'a 'a.

Apoc 11:3

'Oj wa'ch yopiso chawn̈ mach tz'a'n testigoal sb'a wu'uj, 1,260 c'u 'oj 'ec' yal-l eb' in paxti'. 'Oj ya'ch eb' jun pichl n̈achtac sat, sec chequel to cusc'ojlal yaj eb', yic tz'ec' eb', xchi.

A Ch'an̈ B'ab'el Libro Samuel 19:24

An̈jtona yic xc'och cha, xyi'n 'el spichul, syamn 'och pax yaln 'el spaxti Dios 'a yojltac Samuel 'a smasnil c'u yet' 'a smasnil 'ac'wl cha. Ata tzcot jun paxti tzalx 'ixtic: ¿Tom alm 'el spaxti Dios yaj Saúl tic? xchi.