Is 2:9 - Chuj San Sebastian Bible

⁹ Smulyujoc jun tzo'n̈ cha, 'ax ya'n eb' sq'uixwloc, man̈x 'a yel'ch 'oj 'ajcn eb'. Man̈ ac' niwnc'ojlal eb' Mamin.

Chuj San Mateo Bible

⁹ Yuj chi' emnaquilxon̈ej ix on̈ ajcani. Mamin, man̈ ac' nivanc'olal eb' sc'ulan juntzan̈ chi'.

Is 2:9 Iomraidhean Croise

Nehemías 4:5

Man̈ ac' niwnc'ojlal 'a yib'n̈ smul eb', man̈ cab' 'at satc'ojlal o'oj tastc 'ix 'el sb'on eb', yujto caw 'ix cot yowl sc'ojl eb' 'ayn̈ an̈ tzqui b'o jun muro tic on̈, xin chi.

Salmos 49:2

'ab'c ex rico yet' ex meb'a', ex to 'ay eyel'chi yet' ex to may eyel'chi.

Salmos 59:5

Mamin Jehová, tzta'n̈j oj smasnil, qui Diosal ach an̈ israel on̈ tic on̈. Cotan̈, 'a'ch syailal eb' chon̈b' tic; man̈ 'o'ch a c'ojl 'a smasnil eb' tzmeltzj 'och 'ayn yet' smaysch'olnilal.

Salmos 62:9

Caw matz tac' ca'nec 'och eb' quit 'anmal yipc qui c'ojol, wach'xam meb'a eb' mto rico eb'. Lajn eb' 'icha junc tas man̈ alc xon jab'oc tz'ejm 'a yojl junc libra, wach'xam junxn̈ej tzcutjec quechtan eb' smasnil, toxn matz 'ejm xon jun libra chi yuj eb'.

Is 27:11

A yic tztacj sc'ab' eb' te te cha, tzlaj lo'chjc cot eb' te', ax eb' 'ix 'ix tzlaj 'ec' si'nc chan̈ eb' te sc'ab' cha, tzya'n 'och eb' 'ix sc'ac' yet' te'. A jun chon̈b' tic, may xon jac snab'en. Yuj cha, a Dios b'ojnac, caw man̈x 'oj 'o'ch sc'ojl 'a 'a, man̈x 'oj cus pax yu'uj.

Is 5:15

'Oj 'ijxoc 'ejm smasnil 'anma yet' sjelnal, ax eb' b'an̈quintac, 'oj yic' 'ejm sb'a eb'.

Is 5:16

A Jehová tztac' yuj smasnil, 'oj sch'ox 'ilxoc to niwn yel'ch sb'eyc'ojlal. A Dios yel xo wal wach', 'oj sch'ox 'ilxoc to tojl snab'en.

Is 57:9

Tzlaj eya'ch aceite 'ayex yet' yal su'q'ui sjab' yic tzex 'at eyal e b'a 'a jun yechl comn dios Mélec. Xlaj eya't eb' e checb' 'a najat yic tzsayn cot eb' jun tzo'n̈ xo e diosal, 'icha to x'emch eb' 'a scal eb' chamnac.

Jeremías 18:23

Palta ach xo tic Mamin Jehová, ojtac tas wan smol aln eb' 'a wib'an̈ yic tzin smiln cham eb' snani. Man̈ ac' niwnc'ojlal 'a yib'n̈ eb', man̈ ac' sat a c'ojl 'a smaysch'olnilal eb'. Sat cab' 'el eb' 'a ojltac, tza'n 'och syailal eb' yet' yowl a c'ojol, xin chi 'a in lesal.

Mr 3:29

Palta tzann̈j mach tzb'uchwj 'a Yespíritu Dios, a jun smul cha, toxn ma'oj 'ajxc can lajwoc; tz'ochcn 'a yib'n̈ 'a jun 'ejmn̈ej, xchi Jesús.

Ro 3:23

Yujto c'uxn x'och qui mulc qui masnil 'a 'a, yuj cha, may calnec quic 'a swach'l Dios.

A Scarta San Pablo D'a Eb' Aj Colosas 2:18

'Ay eb' tznib'j 'oj 'i'nc 'ec' jun spac eyic 'oj yac' Dios, palta man̈ e cha tas tzyal eb' 'ayex. Caw 'emmquilal tzcob' yutc sb'a eb', tzya'n 'ejm sb'a eb' 'a jun tzo'n̈ ángel. Tzcomn 'a'n 'och sb'a eb' 'a scal jun tzo'n̈ tas man̈ yojcoc. Ton̈j tzcomn b'an̈j sb'a eb', yujto caw jeln eb' snani.

A Scarta San Pablo D'a Eb' Aj Colosas 2:23

Yel toni, coynto wach' jun tzo'n̈ checnb'il cha. Tzyalni, to yowlal 'ay junc 'aj tzcalc qui b'a. Yowlal tzquijec 'ejm qui b'a, tzca'nec techjoc yailal yet' qui niwnalec tic. Palta a jun tzo'n̈ cha, may jac yopiso on̈ stennec 'och wan qui b'on maysch'olnil.

Josué 24:19

Yuj cha, xyaln Josué 'a eb' chon̈b' chi 'ixtic: —Ax tic, ma'oj stac' eya'n servil Jehová, yujto caw matz techj yu'uj yic tzyiln 'och tas man̈ wach'oc. Caw wal ow toto tzex 'och 'emmquilal 'a jun tzo'n̈ comn dios, matz yac' niwnc'ojlal jun tzo'n̈ mul cha.