Is 2:6 - Chuj San Sebastian Bible

⁶ Mamin Jehová, yel ton wal b'i'an 'actb'il can eb' a chon̈b' tic o'oj, atn eb' yin̈tl can Jacob, yujto til wal tz'aj sniwtj eb' 'ajchum 'a jun chon̈b' tic, atn eb' xlaj cot 'a stojlal 'aj tzq'uel c'u yet' eb' tznan 'el paxti', 'icha tzyutj sb'a eb' filisteo. Tzlaj sb'o eb' strato yet' eb' chuc chon̈b'al.

Chuj San Mateo Bible

⁶ Mamin Jehová, ix on̈ actej val can a on̈ a chon̈ab' Israel on̈ tic, a on̈ yin̈tilon̈can vin̈aj Jacob tic, yujto b'ud'jinaquel co chon̈ab' yuj eb' schuman yed' q'uen c'anal scot d'a stojolal b'aj sjavi c'u yed' eb' naumel lolonel icha syutej sb'a eb' filisteo. Sb'oan strato eb' yed' eb' ch'oc chon̈ab'il ay scomon dios.

Is 2:6 Iomraidhean Croise

A Ch'an̈ Schab'il Libro Yic Yab'ixal Eb' Rey 1:2

Ax Ocozías sreyl Israel 'ix 'elt pichnjoc 'a sventnual schab'l piso 'a sdespacho 'ay 'a chon̈b' Samaria, caw niwquil x'aj slajwi. Yuj cha, 'ix yaln 'a eb' schecb' chi 'ixtic: 'Ixquec, 'at c'anb'jec eyab' 'a Baal-zebub sdiosal eb' 'aj Ecrón, toto 'oj b'oxc to in c'ojl 'a jun in yailal tic, xchi.

A Ch'an̈ Schab'il Libro Yic Yab'ixal Eb' Rey 17:20

Yuj cha, smasnil eb' yin̈tl Israel 'ix patquilx can 'el eb' yuj Jehová, 'ix 'och eb' 'a cusc'ojlal yu'uj, x'ajx 'och eb' 'a yol sc'ab' eb' chuc chon̈b'al yic tz'ixtx eb' yuj eb', masnto 'ix 'el eb' 'a yojltac.

1 Cr 10:13

'Ixta 'ix 'aj scham Saúl yuj smaysch'olnilal. 'Ix 'och smul yujto ma'ix syiclj schecnb'il Jehová. An̈jtona', a pax 'a jun 'ix 'ix tzc'umn spixn eb' chamnc 'anma', ata xit' sc'anb'c snab'en, man̈oc 'a Jehová sc'anb'ej. Yuj cha, 'ix smiln chamoc, ax 'a David yunnal Isaí, ata 'ix 'ajx can jun yopiso Saúl cha.

2 Cr 15:2

'Ix 'elt wul scha win Asa, 'ix yaln 'a 'ixtic: 'Ab' tas 'oj wal 'aych mamin Asa, yet' e masnil ex wit chon̈b' 'aj Judá, yet' ex yin̈tl Benjamín. A Jehová 'aych ton wal quet'ec, toto a wal yet' 'ayn̈ec 'ochi. Toto tzcalc qui b'a 'a 'a, 'oj yab' tas tzcalec. Palta toto 'oj cactquec cani, 'oj on̈ yactc can paxi.

2 Cr 24:20

Xlajw cha, 'ix 'och Yespíritu Dios 'a Zacarías, yunnal Joiada. 'Ix q'ue lin̈n 'a yib'n̈ jun lugar chan̈ yaj cha'an̈. Xyaln 'a eb' chon̈b' 'ixtic: A Dios a tzaln 'ixtic: ¿Tas yuj matz eyiclj in checnb'il an Jehová in? ¿Tas yuj tze say cot yailal 'a eyib'an̈? In eyactj can an Jehová in tic, yuj cha, 'oj ex wactc can pax jun xo, xchi Dios, xchi Zacarías 'a eb'.

Nehemías 13:23

An̈jtona', a 'a yic jun tiempoal cha, xwiln paxi to 'ay eb' wit israelal xyij sb'a yet' eb' 'ix 'aj Asdod, eb' 'ix 'aj Amón yet' eb' 'ix 'aj Moab.

Salmos 106:35

A yic eb' to scalj sb'a eb' yet' eb' chuc chon̈b'al cha. 'Ix sb'eylb'an eb' sb'eyb'al eb',

Ex 22:18

Smasnil eb' 'ix b'alum, yowlal tzcham eb' 'ix.

Ex 34:16

Man̈ eyac' yi' sb'a eb' eyunnal yet' yisl eb', yujto a yic tzlaj ya'noc 'ejm sb'a eb' 'ix 'a sdiosal cha, yic tzleslwi eb' 'a 'a, ax eb' 'ix tz'a'n yac' 'ejm sb'a eb' eyunnal chi 'a jun tzo'n̈ comn dios cha, sec tzleslwi eb' 'a jun xo.

Pr 6:1

Ach wunnal, toto tza'ch a b'a fiadoral yuj junc mach, atn junc chuc 'anma'il,

Is 14:29

Man̈ ex comn tzaljoc mu'c ex filisteo, yujto 'ix wecchj te sjixc'ab'te jun mach 'ix 'a'n 'och eyailal. A junc cha lajn 'icha junc no comn chan. Ax 'a yin̈til ata 'oj pitzwoc 'el junc mach 'icha junc no q'uex. Ax 'a 'a, ata 'oj pitzwc junc mach 'icha junc no chan caw jeln sb'eyi, 'icha xo to tzjen̈wi.

Is 8:19

'Oj laj yal eb' 'anma chi 'ayx 'ixtic: C'anb'jec eyab' 'a eb' tz'acn snab'en, 'a eb' tzc'umn spixn eb' chamnac, atn 'a eb' tzsajsni sc'umn sb'a sch'ocoj, 'oj schic eb'. Ax eyaln 'a eb': ¿Tas yuj man̈oc 'a sDiosal jun tzo'n̈ 'anma tic tzc'anb'j sb'a? ¿tas yuj a 'a eb' chamnc chi tzc'anb'j sb'a eb' pitzan?

Jeremías 10:2

A tzaln 'ayx 'ixtic: Man̈ e b'eylb'oc sb'eyb'al jun tzo'n̈ xo nacion̈, man̈ ex xiw 'a jun tzo'n̈ tas tzch'ox sb'a 'a satcha'an̈, 'icha tzyutj sb'a jun tzo'n̈ nacion̈ cha.

Jeremías 12:7

'Ix yaln Jehová 'ixtic: Tox 'ix can jun chon̈b' chamc'ojlb'il tic wu'uj. A eb' wic yaji, tox 'ix in patquilj can 'el eb', tox 'ix wa'ch eb' 'a yol sc'ab' eb' 'ajc'ojol.

Lm 5:20

¿Tas yuj xac' sat a c'ojl 'ayn̈ 'a jun 'ejmn̈ej on̈? ¿Tas yuj caw niwn xo tiempo qui can oj on̈?

Lv 19:31

Man̈ e c'anb'c e b'a 'a eb' tzyal jelnal sb'a, mto 'a eb' 'ajchum, sec wach' matz ex juw 'el yuj eb'.

Lv 20:6

Toto 'ay mach tz'at sc'anb'c sb'a 'a eb' 'ajchum mto 'a eb' tzyal to tzc'umj spixn eb' chamnc 'anma', tzyiclni tas tzyal eb', an xo 'oj wac' yowlal 'a 'a, ax in satn 'el 'a scal yit chon̈ab'.

Miqueas 5:11

'Oj in ma'cn lan̈chjoc jun tzo'n̈ e chon̈b' 'ay smuroal yet' pax e cuartel, 'oj lajwc 'ejm 'a jun 'ejmn̈ej.

Miqueas 5:12

'Oj in satl smasnil eb' b'alm 'a e cal. Man̈x 'a junc eb' 'ajchum 'oj wactc cani.

Sofonías 1:8

A 'a yic jun c'u yic b'eyc'ojlal cha, 'oj wa'ch yailal 'a yib'n̈ eb' yajal, 'a yib'n̈ yunnal eb' rey, yet' 'a yib'n̈ smasnil eb' tzb'eylb'an sb'eyb'al eb' chuc chon̈b'al.

Nm 23:7

Xlajw cha, 'ix syamn 'och Balaam yaln 'ixtic: Atta 'ayn 'ec' 'a jun lum witz 'a stojlal 'aj tzq'uel c'u, 'a yol yic Aram, yic in ya'n 'ijxoc cot Balac sreyl Moab. 'Ix yaln 'ixtc 'ayin: Lem, cotn̈ muc'uc, wul catb'tzej can eb' israel tic, alcn 'el tu paxti 'a yib'n̈ eb' yin̈tl Jacob, xchi 'ayin.

Ro 11:20

Yel toni, 'icha to tzuc'b'il 'el eb' israel cha, yujto ma'ix ya'ch eb' sc'ojl 'a Dios. Ax xo, yujn̈ej to tzeya'ch e c'ojl 'a 'a, ex 'ochcn sjelc eb'. Yuj cha, xe b'an̈t e b'a, tzeyil wal e b'a.

A Ch'an̈ B'ab'el Libro Samuel 6:2

Xlajw cha, 'ix sc'anb'n eb' filisteo chi 'a eb' ya'mal 'och sti eb' 'a sdiosal, yet' 'a eb' jeln snan 'el junc tas, xyaln eb' 'ixtc 'a eb': —¿Tas wal tzcutjec te scaxail strato Jehová? Alc 'ayn̈ on̈ tas tz'at cutj ca'n can pax te 'a yet'l on̈, xchi eb'.