Is 2:12 - Chuj San Sebastian Bible

¹² A Jehová tztac' yuj smasnil, 'oj jawc jun c'u to nab'il xo yu'uj, yic tzya'n cot yowl sc'ojl 'a yib'n̈ eb' b'an̈quintac, eb' tenmtac, eb' cob' tzyij chan̈ sb'a;

Chuj San Mateo Bible

¹² Yujto a Jehová Yajal d'a Smasanil, ay jun c'ual nab'ilxo yuuj, yic ol yac'ancot yoval sc'ol d'a yib'an̈ eb' syic' val chaan̈ sb'a, ol ic'joccanem eb' yuuj.

Is 2:12 Iomraidhean Croise

A Ch'an̈ Schab'l Libro Samuel 22:28

Yujto ach tza col eb' 'emmquilal yeq'ui, ax eb' b'an̈quintac, ach tzejcan 'ejm eb'.

Job 24:1

A Dios tztac' yuj smasnil. ¿Tas yuj matz yac' 'ab'xoc 'aja sc'ul tzb'eyc'ojlwi sec wach' tztan̈wx yuj eb' swach'c'ojl 'a jun c'u cha?

Salmos 131:1

Mamin Jehová, caw man̈ b'an̈quintac in nab'en tzwab'i, man̈ chan̈oc 'ayb't in sat tzin 'eq'ui, man̈ niwc wincoc tzwutj in b'a tzin 'eq'ui, matz in 'och tza'n yuj junc tas man̈ in lajnoc yet'oc.

Salmos 18:28

Mamin Jehová in Diosal ach, ach tzac' sacq'uinl 'ayin, tze'n 'el q'uic'q'uinl 'ayin.

Salmos 37:13

Palta ax Jehová, ton̈j tzewj yuj eb', yujto yojtac to a eb' tzb'on maysch'olnil cha, jaye xoj c'u 'ayc' eb'.

Salmos 94:2

Juez ach 'a yolyib'n̈q'uinl tic, ch'oxl a b'a 'a eb' tzyij chan̈ sb'a, tza'n spac yic eb'.

Pr 16:5

Caw matz chaj sc'ojl Jehová toto b'an̈quintac tzlaj cutquec qui b'a; a mach b'an̈quintac, tojln̈ej yajx 'och syailal.

Is 10:12

A yic tox xlajw 'el'ch 'icha tas nab'il yuj Dios 'a yib'n̈ tzaln Sión yet' Jerusalén, 'ixta to b'i'an, ax ya'n 'och syailal win sreyl Asiria cha. Yujto cob' xyij chan̈ sb'a, sb'an̈n sb'a yuj tas xlaj sb'o cha.

Is 10:33

'Iltec nab'an, a Jehová tztac' yuj smasnil, 'oj satl eb' 'ajc'ojl cha. 'Oj satl eb' 'icha tzyac' te niwc te tzch'acx 'eli, caw 'ay smay sc'an̈ yemi. 'Icha eb' te caw niwc ste'il, caw tzc'an̈ yem eb' te 'a sat lu'um.

Is 13:11

Yuj cha, ax yaln Jehová 'ixtic: A ticnec, 'oj wa'ch yailal 'a yib'n̈ eb' 'anma 'a yolyib'n̈q'uinl tic yuj maysch'olnil tzlaj sb'o. 'Oj wac' sat 'ejm sb'an̈quinal eb' tzlaj yi' chan̈ sb'a, yet' eb' may yel'ch yit 'anmal 'a sat.

Is 13:6

C'uyyoc cab' yel eyaw, yujto jab'xoj wal sc'och sc'ul sjaw yowl sc'ojl Jehová 'a eyib'an̈, atn jun tztac' yuj smasnil, a tz'a'n cot jun yailal cha.

Is 13:9

A ticnec wan sc'och sc'ul sjaw yowl sc'ojl Jehová, caw wal 'ay smay jun cha, lajn 'icha junc c'ac' tzn̈ilchji. 'Oj can lum lum tic 'a cusltacl yu'uj, 'oj lajwc 'el eb' 'anma maysch'olnil sb'eyb'al cajn ta'.

Is 14:15

Palta ax x'aji, 'ixc ach wach' 'emcn 'a 'aj 'ay yet'l chamel, ach 'em'ch can 'a xab'l yich eb' lum xab' olan.

Is 23:9

A Jehová tztac' yuj smasnil, a 'ix nani, yic tz'ijx 'ejm smasnil eb' tzb'an̈ sb'a, eb' jeln tzyutj sb'a 'a sat lum tic.

Is 24:21

A 'a yic jun c'ul cha, a Jehová a 'oj 'a'nc 'och yailal 'a yib'n̈ eb' demonio tz'ec' 'a scal 'ic', yet' 'a yib'n̈ eb' rey 'a sat lum lum tic.

Is 24:4

A lum lum tic, caw 'oj tacjoc lu'um, man̈x wach'c yilx 'oj 'ajoc, smasnil yolyib'n̈q'uinl tic 'oj tacjoc 'eli, smasnil eb' niwc winac, caw 'oj cus chan̈ eb'.

Is 40:23

A tzjelmtan eb' niwc winc 'a to man̈x 'a jac yel'ch tz'ajcn eb', tzya'n sat 'ejm eb' yajl 'a sat lum lum tic.

Is 42:15

'Oj in satcn 'el eb' lum witz yet' eb' lum tzalan. 'Oj in satl smasnil te te', 'oj wa' tup chan̈ eb' a niwc a tzb'eyi, ax yochcn cusltac lumal. 'Oj wac' tupchan̈ eb' a niwc pama'.

Is 5:15

'Oj 'ijxoc 'ejm smasnil 'anma yet' sjelnal, ax eb' b'an̈quintac, 'oj yic' 'ejm sb'a eb'.

Is 61:2

Tzwaln 'eli, to tox xjaw sc'ul yajx colnb'il tzyac' Jehová, xjaw sc'ul ya'n Dios spac 'a eb' 'ajc'ojol. Checb'iln cot yu'uj, yic tzwul wa'nc sniwnal sc'ojl eb' 'ay scusc'ojlal.

Jeremías 12:9

A jun in chon̈b' tic, lajn 'icha junc no c'uc'm chuc yilxi, to tzma'x cham yuj jun tzo'n̈ xo yit c'uc'mal. Cot cab' smasnil no calte'al noc', wul schi cab' no jac yico'.

Jeremías 13:9

'Ixtc wal 'oj wutc in satn 'el sb'inab'ilal eb' 'aj Judá yet' eb' 'aj Jerusalén.

Jeremías 30:7

'Ay wal jun c'ual, man̈x jantcoc yailal 'oj ujoc, man̈x 'a junc c'u lajn yet' jun 'oj jawc cha. Atn wal 'a yic jun tiempoal cha, 'oj jawc yailal 'a yib'n̈ eb' yin̈tl Jacob, palta 'oj in colcn 'el eb'.

Jeremías 46:10

Palta atn jun c'u tic wic an Jehová in, tztac' wuj smasnil. A wal 'a jun c'u tic 'oj in pac in b'a 'a eb' 'ajc'ojl yajch 'ayin. A q'uen espada 'oj 'a'nc lajwc eb' smasnil, masnto 'oj pimb'oc 'el q'uen yet' chic', yujto caw niwn eb' soldado 'oj in mil cham 'a stojlal norte 'a stz'ey a niwn a Éufrates.

Jeremías 50:31

An Jehová in, tztac' wuj smasnil, an tzwal 'ixtic: Ex 'aj Babilonia, caw 'ajc'ojl wajch 'ayx ticnec, yujto caw b'an̈quintac tzeyutj e b'a. A ticnec, 'ix c'och sc'ul sjaw yailal 'a eyib'an̈.

Ez 13:5

Mant 'a xon jac tas tzb'o eb' yic tzcolchj chon̈b' Israel, sec ax yic tzin jaw an Jehová in wul wac' owl 'a jun chon̈b' cha, 'oj colchjoc 'el eb' yu'uj.

Dn 4:37

A ticnec jun, an Nabucodonosor in tic, tzwij chan̈ sb'i jun sReyl satcha'an̈, tzwaln pax wach' paxti 'a 'a. Yujto caw wach'n̈j tas tzb'o'o, caw tojln̈ej smasnil, a tz'i'n 'ejm eb' cob' tzyij chan̈ sb'a 'a yol yico', xchi win rey cha.

Am 5:18

'Oltac wal eb' tznib'j tzjaw jun c'u yic yowl sc'ojl Jehová. ¿Eyojc am wal tas 'oj jawc 'a eyib'n̈ 'a jun c'u cha? A wal 'a jun c'u cha, q'uic'q'uinl xoj 'oj 'ajoc, man̈x 'a sacq'uinal.

Miqueas 2:3

Yuj cha, tzyaln Jehová 'ixtic: An̈jtona 'in, 'ay pax tas tzin na 'a e patc ax tic. 'Oj wa't junc niwquil yailal 'a e cal, man̈x 'oj stac' e coln e b'a 'a 'a. Man̈x 'oj stac' e b'an̈n e b'a eyeq'ui, yujto stiempoal yailal.

Miqueas 5:11

'Oj in ma'cn lan̈chjoc jun tzo'n̈ e chon̈b' 'ay smuroal yet' pax e cuartel, 'oj lajwc 'ejm 'a jun 'ejmn̈ej.

Sofonías 1:16

A 'a yic jun c'ul cha, sc'ul wal yutz'x trompeta yic owal. Caw 'oj 'el yaw eb' soldado ya'n owl 'a jun tzo'n̈ chon̈b' wach' yajch smuroal, eb' to 'ay't strorreal 'a cha'an̈.

Sofonías 3:11

Ex in chon̈ab', a 'a yic jun c'ul cha, man̈x 'oj e q'uixw yuj e maysch'olnilal, atn 'aj tenmtac xeyutj e b'a 'ayin. A yic cha, 'oj wi'l eb' tzalj yet' sb'an̈quinal 'a e cal, man̈x b'a'n̈ 'oj e b'an̈ e b'a 'a lum tzaln 'a 'aj tz'och 'emmquilal 'ayin.

Malaquías 4:1

A Jehová tztac' yuj smasnil, a tzaln 'ixtic: Wan sjaw jun c'u yic 'oj wa'nc yowl in c'ojol, yic 'oj wa'nc satxoc 'el smasnil eb' b'uchwjum, yet' eb' tzb'on maysch'olnil, man̈x 'a junc eb' 'oj canoc. 'Icha wal tz'aj stz'a 'ejm te 'ac 'a yol junc jorna, 'ixta wal 'oj 'aj eb'.

Malaquías 4:5

'Ab'tec, 'oj in b'ab'l checc cot in checb' Elías, yic mantzac jaw jun c'u yic 'oj checljoc chan̈ yowl in c'ojol. A jun c'u cha, caw niwn yel'chi, 'ay xo smay tas 'oj ujoc.

Mt 23:12

Tzann̈j eb' tzyij chan̈ sb'a, 'oj 'ijxoc 'ejm eb', ax eb' tzyij 'ejm sb'a, 'oj 'ijxoc chan̈ eb'.

Lc 14:11

Tzann̈j mach tzyij chan̈ sb'a, 'oj 'ijxoc 'ejmi, man̈x 'a jac yel'ch 'oj 'ajoc. Palta ax mach tzyij 'ejm sb'a, 'oj 'ijxoc cha'an̈, caw niwn yel'ch 'oj 'ajoc, xchi Jesús.

1 Co 5:5

Ax jun winc cha, 'ajx cab' can 'och 'a yol sc'ab' Satanás, satx cab' can 'ejm sniwnal, sec 'oj colchjoc 'el spixan yic 'oj jawc pax Cajlil Jesús.

1 Ts 5:2

Yujto eyojc xo si'mb'il, 'icha junc 'elc'm tzjaw 'a 'ac'wal, may mach 'ojtnac, janc' tzjawi, 'ixta 'oj jawc sc'ul sjaw Cajlilec.

Santiago 4:6

Yuj cha, yel xo niwn swach'c'ojlal tzyac' 'ayn̈ec. A Ch'an̈ U'un̈ tzaln pax 'ixtic: A Dios tzchac sb'a yet' eb' b'an̈quintac yeq'ui. Palta ax 'a eb' 'emmquilal yeq'ui, tzyac' swach'c'ojlal 'a eb', xchi.