Is 19:4 - Chuj San Sebastian Bible

⁴ Palta an 'oj wa'ch junc yajl tu snab'en 'a Egipto; a jun rey cha, caw 'oj 'ixtxoc eb' 'anma chi yu'uj, xchi Dios.

Chuj San Mateo Bible

⁴ Van valancani to ol vac'och junoc rey te ov d'a Egipto, ilb'ajc'ool ol aj eb' anima yuuj, xchi Jehová Yajal d'a Smasanil.

Is 19:4 Iomraidhean Croise

Salmos 31:8

Ma'in a'cn 'och 'a yol sc'ab' eb' 'ajc'ojl yajch 'ayin; palta ata in a'cn 'och lin̈n 'a 'aj may tas tzin 'i'ni.

Is 19:2

Yuj cha, xyaln Jehová 'ixtic: 'Oj wac' spoj sb'a eb' 'aj Egipto cha, ax laj ya'n junjn eb' owal: A eb' swach'c'ojl sb'a, 'oj yac' eb' owal; ax eb' chon̈ab', 'oj yac' eb' owl yet' yit chon̈b'al, ax ya'n eb' yajl owl yet' eb' yit yajlil.

Is 20:3

Xlajw cha, xyaln pax Jehová 'ixtic: A win in checb' Isaías tic, 'oxe ab'il xb'eyc' 'a yic may xan̈b' 'aychi, jitn 'eli, cojn yojl spichl 'aychi yic x'eq'ui; a jun tic, ch'oxnb'il yaj 'a eb' 'aj Egipto yet' 'a eb' 'aj Etiopía.

Is 20:4

Yujto 'oj 'ijxoc 'at eb' 'aj Egipto yet' eb' 'aj Etiopía 'a 'icha presoal yuj win sreyl Asiria. 'Oj 'ijxoc 'at eb' 'ichmtac 'anma', yet' eb' quelmtac, may xan̈b' eb', jitn 'el eb' ax s'at eb', checl syop eb' 'a spatic, sec 'ixta wal tz'aj yel sq'uixwel eb'.

Jeremías 46:26

'Oj wa'ch eb' 'a yol sc'ab' eb' 'ajc'ojl 'oj milnc chamoc, atn Nabucodonosor sreyl Babilonia yet' eb' soldado. Palta an Jehová in, an tzwala, to ax yic b'aq'uin̈, 'oj 'ajx cajn 'anma 'a Egipto tic jun 'ejm xo, 'icha xon yaji, xchi Dios.

Ez 29:19

Yuj cha, an Jehová in, an tzwal 'ixtic: An 'oj wac' lum Egipto 'a yol sc'ab' win Nabucodonosor cha, a win 'oj 'i'noc 'ec' smasnil tas 'ay ta', ax stojn win eb' soldado yet' jun tzo'n̈ cha.

Ez 30:12

Ax wa'n tup a niwn a tzcuch Nilo, 'oj wac' jun nacion̈ chi 'a yol sc'ab' eb' 'anma maysch'olnil; a eb' chuc chon̈b'al chi 'oj satnoc 'ejm smasnil tas 'ay 'a 'a.

Nahúm 3:10

Palta jun, a eb' 'aj Tebas, 'ix 'ijx 'at pax eb' 'icha presoal. Ax yunnal eb', xma'x can ch'iychjoc eb' 'a yisquinyoal caye. 'Ix 'ajx 'och suerte 'a yib'n̈ eb' niwc winc 'a scal eb', x'ajx 'och q'uen cadena 'a eb' tzjucb'tzan eb'.

A Ch'an̈ B'ab'el Libro Samuel 23:7

Xlajw cha, 'ix alx pax yab' Saúl, to a David ata 'ayc' 'a chon̈b' Keila, yuj cha, 'ix yaln 'ixtic: A ticnec tox 'ix yac' Dios David 'a yol in c'ab', yujto x'at smaccn 'och sb'a 'a yol jun chon̈b' to caw wal wach' yaj smac, xchi.