Is 19:25 - Chuj San Sebastian Bible

²⁵ A Jehová tztac' yuj smasnil, 'oj yac' swach'c'ojlal 'a yib'n̈ eb' nacion̈ cha, ax yaln 'ixtic: 'Oj wac' in wach'c'ojlal 'a yib'n̈ in chon̈b' Egipto, yet' 'a yib'n̈ Asiria, atn in b'ob'en, yet' 'a yib'n̈ Israel, atn jun chon̈b' to wic xon yaji, 'oj schioc.

Chuj San Mateo Bible

²⁵ A Jehová Yajal d'a Smasanil, ol yac' svach'c'olal d'a yib'an̈ eb'. Ol yalan icha tic: Svac' in vach'c'olal d'a yib'an̈ in chon̈ab' Egipto yed' d'a yib'an̈ Asiria b'ob'il vuuj yed' d'a yib'an̈ Israel sic'b'ilel vuuj, xcham Jehová chi'.

Is 19:25 Iomraidhean Croise

Salmos 100:3

Tzcojcanec 'eli to a Jehová Dios toni; a b'ojnacn̈ec, yuj cha, to yic on̈ec; schon̈b' cajec, 'icha to scalnelu on̈ec, yuj cha, tan̈b'iln̈ec yu'uj.

Salmos 115:15

A Jehová b'ojnac satcha'an̈ yet' lum lum tic, ya' cab' swach'c'ojlal 'a quib'n̈ec.

Salmos 138:8

B'o 'icha tas tza nib'j 'ayin, a wal a chamc'ojlal 'ayc' cab' wet' 'a smasnil tiempo. A tas xa yamch a b'on 'ayin, man̈ c'axpoc cab' tzotj cani.

Is 19:24

A 'a jun c'u cha, 'oj ya'ch sb'a eb' israel yet' eb' 'aj Egipto yet' pax eb' 'aj Asiria, junxn̈ej 'oj yutc sb'a 'oxe nacion̈ tic, yuj cha, ax ya'n Dios swach'c'ojlal 'a yib'n̈ smasnil chon̈b' 'ay 'a yolyib'n̈q'uinl tic.

Is 27:13

A 'a jun c'ul cha, 'oj 'utz'xoc jun trompeta to 'oj 'ab'xoc sjaj 'a najat, a eb' satnc can 'at 'a Asiria, yet' eb' 'ijxnac can 'at 'a Egipto, 'oj jawc eb' wul yac' 'ejm sb'a 'a Jehová, atn 'a lum tzaln to yic 'emmquilal yaj 'a Jerusalén.

Is 29:23

Yujto a yic 'oj eyiln sniwtj eb' eyin̈til, 'oj eyal wach' paxti 'ayin, ax eyi'n chan̈ in b'i, to Cojxn In Ton Dios In.

Is 45:11

A Jehová qui Diosal an̈ israel on̈ tic, atn jun Dios To Cojxni, a b'ojnac n̈ec, a tzaln 'ixtic: ¿Tom ax 'oj eyal 'ayin tas 'oj in b'o yet' eb' wunnal 'a yic b'aq'uin̈? ¿Tom ax 'oj eyac' in nab'enoc tas 'oj in b'o'?

Is 45:14

A Jehová a tzaln 'a eb' israel 'ixtic: A smasnil sricoal eb' 'aj Egipto yet' eb' 'aj Etiopía, eyic 'oj 'ajcni. A eb' 'anma 'a Sabá, caw niwc stel eb', palta 'oj ya'ch sb'a eb' 'a yol e c'ab', ax yochcn eb' e mosooc. Jalb'il eb' yet' q'uen cadena yic 'oj 'at eb' 'a e patic. 'Oj 'em cumn eb' 'a eyojltac, ax yaln eb' 'ayx 'ixtic: Wal yel 'ayc' Dios eyet' ax tic, may junc xo, cojxn jun Dios cha, 'oj xchic eb', xchi Dios.

Is 60:21

A smasnil eb' eyit chon̈b' 'a jun tiempoal cha, caw wach'n̈j 'oj 'aj snab'en eb'. 'Oj yico'oc pax eb' lum e lum chi 'a jun 'ejmn̈ej. Lajn wal eb' 'icha swol junc 'awb'ente', sec tzin b'inax yuj eb'.

Is 61:9

Caw wal 'oj b'inaxc eb' eyin̈tl 'a scal jun tzo'n̈ xo nacion̈ b'aq'uin̈, ax smasnil 'anma 'oj 'ilnoc 'och eb', 'oj nachjoc 'el yuj eb' chajtlto an Jehová in, an tzwac' in wach'c'ojlal 'a eyib'an̈, xchi Dios.

Is 63:17

Mamin Jehová, ¿tas yuj tzon̈ ejcan 'el 'a yol a b'e, tza'n pitb'oc 'el qui nab'en yic man̈x 'a qui xiwc'ojlal 'ayach? Ax ticnec jun, ch'oxx wal a chamc'ojlal chi 'ayn̈ an̈ a checb' on̈ tic, atn an̈ yin̈tl on̈ can eb' a chon̈b' to ecn̈ej yaji.

Is 64:8

Mamin Jehová, ach tic qui Mam aj on̈; an̈ xo tic on̈, lum on̈n̈ej, ach tz'acjnacn̈ yet' lum lu'um, caw ach b'ojnacn̈ on̈.

Is 65:23

Man̈ ton̈joc 'oj munljoc eb' in chon̈ab', may pax yunnal eb' 'oj comn cham 'a to man̈oc sq'uinl tzc'ochi. Yujto wa'jnac in wach'c'ojlal 'a eb' smam yichm eb', ax eb' yin̈tl eb' tic, 'ixta pax 'oj wutc eb'.

Jeremías 10:16

Caw wal chuc yel qui Diosalec an̈ yin̈tl on̈c Jacob tic. A qui Diosalec b'ojnac smasnil tas. A si'jnac can 'el chon̈b' Israel tic yico'oc. A Jehová tztac' yuj smasnil, 'ixtnta wal yalx sb'i.

Jeremías 2:7

An wijnac 'och eb' 'a sat jun lum lum caw 'ay syaxil sat tic, sec wach' tzc'ux eb' tas wach' tz'el-l 'a sat lu'um. Palta ax xo ax yin̈tl ex eb' tic, ex cajn ex 'a sat in lum tic, caw xjuw 'el lum eyu'uj, eyuj ton wal b'i'an, yuj cha, man̈xtzac in nib'j jun lum tic.

Os 2:23

'Oj wawc pax 'ejm in chon̈b' 'a sat lum lu'um yic tz'och wico'oc. 'Ayx in chamc'ojlal 'a 'ix Man̈ Chamc'ojlb'iloc, yet' 'a win Man̈ in Chon̈b'oc, ax waln 'a eb' 'ixtic: A ticnec tzex 'ochcn in chon̈b'oc, 'oj in chioc. Ax yaln eb' 'ixtc 'ayin: Ach tic, qui Diosal ach, 'oj schic eb', xchi Dios.

Zacarías 8:13

'Icha 'ajnc e b'inax ex 'aj Judá, yet' ex 'aj Israel 'a scatb' paxti eb' chon̈ab'. Ax ticnec, 'oj ex in col-li, ax e b'inax 'a swach'il. ¡Caw man̈ ex xiwoc! ¡Te'n tzeyutj e b'a! xchi Dios.

Nm 24:1

Yujto xyil Balaam to tzchaj sc'ojl Jehová yalx wach' paxti 'a yib'n̈ chon̈b' Israel, yuj cha, man̈x 'ic 'at sc'anb'j 'a Jehová tas 'oj yalx cha, man̈ 'icha'oc xyac' 'a b'ab'el, palta ton̈j 'ix 'at q'ueln 'a lum cusltac lu'um.

Nm 6:24

Ya' cab' Jehová syaxil 'a eyib'an̈, ax ex stan̈wni paxi.

Nm 6:27

'Ixta 'oj yutc eb' in sb'inan 'a yib'n̈ eb' eyit israelal, an xo 'oj wac' in yaxilal 'a yib'n̈ eb', xchi Dios.

Ro 3:29

A Dios, man̈ sDiosalocn̈ej eb' israel sch'ocoj, sDiosal pax eb' man̈ israeloc. Caw yel qui Diosalec qui masnil,

Gl 6:15

Toto junxn̈ej tzon̈ 'ajc yet' Cristo Jesús, man̈x 'a yel'chi, wach'xam 'ac'b'iln̈ec circuncidar, mto ma'ay. Cojxn jun tic 'ay yel'chi, toto jelmjnac qui nab'enec.

Ef 1:3

Calc wach' paxti 'a qui Mam Dios, atn 'a Smam Cajlil Jesucristo. C'uxn xyac' jun tzo'n̈ wach'l yic Espíritu 'ayn̈ec, atn jun tzo'n̈ yic satcha'an̈, yujto junxn̈ej cajc yet' Cristo ticnec.

Ef 2:10

A Dios on̈ b'onec 'a scha'ejmal yuj Cristo Jesús, sec caw wach' tzcutjec qui b'eyb'al 'a 'a. Yictax pecti', snajnac cani, chajtl 'oj cutquec qui b'eyb'al.

Dt 32:9

Yujto an̈ec yin̈tl on̈ Jacob, an̈ec on̈ si'cn 'och Jehová yico'oc.

A Scarta San Pablo D'a Eb' Aj Filipos 1:6

Tox 'ix syamch Dios sjeln e b'eyb'al. A ticnec, caw wojtac an̈j 'ijnoc 'oj munljocn̈ej 'och 'ayex, masnto 'oj tz'acwoc e wach'il 'a jun c'ual yic 'oj jawc pax Jesucristo.

A Sb'ab'el Carta San Pedro 2:10

A 'a yic yalan̈, man̈ on̈ schon̈b'oc Dios. Palta ax ticnec, schon̈b' on̈c xo. A 'a yic yaln̈ cha, may mach x'o'ch sc'ojl 'ayn̈ec. Palta ax ticnec, atn Dios tz'o'ch sc'ojl 'ayn̈ec.