Is 19:19 - Chuj San Sebastian Bible

¹⁹ A 'a jun tiempoal cha, 'ay jun yet'l xajmb'al yic Jehová 'oj b'o 'a yol smacb'en Egipto. Ax 'a sla'nil smon̈jon Egipto cha, ata 'oj lin̈xoc can chan̈ junc q'ue'en, yuj yi'nb'ilc chan̈ sb'i Jehová.

Chuj San Mateo Bible

¹⁹ A d'a jun tiempoal chi', ay jun yaltar Jehová ol b'ochaj d'a yol smacb'en Egipto chi'. Axo d'a slac'anil smojonal smacb'en chi', ata' ol b'ochajcanq'ue jun q'uen q'ueen yuj yic'jichaan̈ Jehová.

Is 19:19 Iomraidhean Croise

Gn 12:7

Ata xch'ox sb'a Jehová 'a Abram cha, 'ix yaln 'ixtic: A jun lum tic 'oj wac' 'a smasnil eb' en̈til, xchi 'a 'a. Yuj cha, sb'on Abram jun yet'l xajmb'al 'a 'aj tzyal sb'a 'a Jehová, yujto ata xch'ox sb'a Dios 'a 'a.

Gn 28:18

Ax yic sacb' 'el 'a junx c'u cha, caw seb' q'ue wan Jacob, 'ix yi'n cot q'uen q'uen 'ix 'och sc'an̈jolmoc cha, slin̈n can chan̈ q'ue'en, yic tzcan q'uen yechloc jun lugar cha, secn can 'ejm aceite 'a yib'n̈ q'ue'en.

Salmos 68:31

'Oj cot eb' 'aj Egipto wul yac' stojlb'al, ax eb' 'aj Etiopía caw 'oj smojq'ue eb' sc'ab' 'a 'aych ach qui Diosal on̈.

Ex 24:4

Xlajw cha, stz'ib'n Moisés smasnil tas 'ix yal Jehová. Ax 'a junx c'u, 'ix seb' q'ue wa'an, sb'on jun yet'l xajmb'al 'a yich lum witz cha, sayn lajchwe q'uen q'ue'en. A eb' q'uen q'uen cha, tzch'ox lajchw macn̈ eb' yin̈tl Israel.

Is 56:7

toto 'ixta', 'oj wi' cot eb' 'a jun tzaln to wicn̈ej yaji, ax wa'n stzaljc'ojlal eb' 'a yol watut 'aj tz'och lesl 'ayin. 'Oj in cha sn̈us eb' xajmb'al yet' yofrenda 'a yib'n̈ yet'l xajmb'al to wic yaji, yujto 'oj alxoc yuj watut, to yatutal lesl yaj yuj smasnil chon̈ab'.

Is 60:7

Smasnil no calnelu 'ay 'a Cedar, 'oj eyico'oc no', ax e no mam calnelu 'ay 'a Nebaiot, a e no 'oj e c'anlb'oc yic 'oj eya'nc tz'a e no xajmb'al-l 'a yib'n̈ yet'l xajmb'al to wic yaji. 'Oj in cha e no eyofrendaoc. 'Ixta 'oj wutoc, sec 'ay yel'ch watut chi 'a e sat.

Is 66:23

A yic tzpac' 'uj 'a junjn 'ujal, yet' 'a yic sc'ul 'iljelal 'a yol junjn seman, 'oj jawc smasnil 'anma 'a wojltac, ax yem cumn eb' 'ayin.

Jeremías 46:2

Yic schan̈l ab'il xo yoch Joacim yunnal Josías reyl 'a Judá, atnta 'ix uj jun tic. A win Necao sreyl Egipto yet' eb' soldado 'ix 'ajx ganar eb' 'a Carquemis 'a stz'ey a niwn a Éufrates yuj win Nabucodonosor sreyl Babilonia yet' soldado. 'Ixtc 'ix yutj Jehová yaln 'ayn yuj eb' soldado yic Egipto:

Ez 29:1

A yic lajchwe xo c'u yoch slajn̈il 'uj 'a yic slajn̈il xo ab'il quijx cot 'icha presoal 'a Babilonia, ata xyal Jehová 'ayn 'ixtic:

Ez 30:1

'Ix yaln pax Jehová 'ayn 'ixtic:

Ez 31:1

A 'a b'ab'l c'u yoch yoxl 'uj yic yuxlchil ab'il qui jaw 'icha presoal, 'ix yaln Jehová 'ayn 'ixtic:

Ez 32:1

A 'a b'ab'l c'u yoch slajchwil 'uj yic slajchwil ab'il xo qui jaw 'icha presoal, ata xyal Jehová 'ayn 'ixtic:

Zacarías 6:15

'Oj cot eb' 'anma 'a najat, yic tzcolwj eb' wul sb'onc sjel yatut Jehová eyet'oc. 'Ixtnta 'oj 'aj snachj 'el eyu'uj, chajtlto a Jehová tztac' yuj smasnil, a 'in checn cot wul wal 'ayex. A jun tic, 'oj 'el'choc, toto 'oj e cha eyab'i', ax eyiclni tas tzyal Jehová qui Diosalec.

A Ch'an̈ Carta D'a Eb' Hebreo 13:10

Palta an̈ec xo tic, chuc jun qui xajmb'alec. Ax eb' ya'mal 'och sti eb' quit israelal 'a Dios, eb' 'a'jnac servil 'a jun scajnub', may yaln eb' yic schin jun xajmb'al tic.

Josué 22:10

A yic xc'och eb' 'a sti a Jordán 'a yol yic Canaán cha, ata sb'o eb' jun yet'l xajmb'al caw niwquil x'aji.

Josué 22:26

Yuj cha, xqui nan on̈ to wach' tzqui b'o jun yet'l xajmb'al cha, palta man̈ yujoc ca'n comn xajmb'al 'a yib'an̈, man̈oc paxta 'oj cac' qui xajmb'al 'a Jehová.

Josué 22:27

Toto 'ixta 'oj cutc on̈, tzyal 'el'chi to wan qui patquiln can 'el Jehová on̈. May cab' b'a'n̈ 'oj qui b'o 'ixta'. 'Ix qui b'o jun yet'l xajmb'al tic on̈, sec a tzcan ch'oxnb'ilal 'a qui cal eyet' on̈, yet' 'a eb' quin̈tlec b'aq'uin̈, an̈ tic on̈, an̈j 'a Jehová tzcal qui b'a eyet' on̈. An̈ tic on̈, 'oj 'at ca'n̈j qui xajmb'al 'a jun yet'l xajmb'al yic Jehová 'ay 'a scajnub', xchi eb'.

Josué 22:34

Yuj cha, ax eb' yin̈tl Rubén yet' eb' yin̈tl Gad, xyac' eb' scuch jun yet'l xajmb'al chi Choxnb'ilal. Xyaln eb' 'ixtic: A jun yet'l xajmb'al tic, ch'oxnb'il tz'ajcn 'a qui calec, to a Jehová caw yel atn Dios, xchi eb'.