Is 19:18 - Chuj San Sebastian Bible

¹⁸ A 'a jun tiempoal cha, 'ay o'e chon̈b' 'a Egipto 'oj yal sti eb' hebreo, ax ya'n eb' sti 'a Jehová tztac' yuj smasnil. A 'a scal eb' chon̈b' cha, ata 'ay jun chon̈b' 'oj 'ajxoc sb'ic, Chon̈b' C'u.

Chuj San Mateo Bible

¹⁸ A d'a jun tiempoal chi', ay oye' chon̈ab' d'a Egipto chi' ol alan sti' eb' israel, ol yac'an sti' eb' d'a Jehová Yajal d'a Smasanil chi'. A d'a scal juntzan̈ chon̈ab' chi', ay jun scuchan Schon̈ab' C'u.

Is 19:18 Iomraidhean Croise

Gn 11:1

A 'a yic pecti', junn̈j sti eb' 'anma tzyala. 'Ix 'el eb' 'a lum lum 'ay 'a stojlal 'aj tzq'uel c'u, ax x'aji, 'ix 'ilchj jun niwquil pan̈n yuj eb' 'a yol yic Sinar, ata 'ix can cajn eb'.

Nehemías 10:29

'Ix syam sb'a eb' yet' eb' syajlil eb' to yicanto sb'a yet'oc. 'Ix yac' eb' sti', to 'oj sb'eylb'oc eb' sley Dios alb'il can yuj Moisés, win schecb' Dios, ax syiclni pax eb' smasnil schecnb'il, scuynb'il Jehová Dios, ax eb' ma'oj yiclnoc jun trato cha, 'oj jawc catb' 'a yib'n̈ eb'.

Salmos 68:31

'Oj cot eb' 'aj Egipto wul yac' stojlb'al, ax eb' 'aj Etiopía caw 'oj smojq'ue eb' sc'ab' 'a 'aych ach qui Diosal on̈.

Is 11:11

A 'a jun tiempoal cha, ata 'oj sch'oxx Cajlil spoder 'a jun tzo'n̈ nacion̈ cha, ax smolb'tzan paxt eb' schon̈b' sactzicnac yajcn 'ati. 'Oj paxtc eb' 'aycn 'at 'a Asiria, 'a Egipto, 'a Patros, 'a Etiopía, 'a Elam, 'a Sinar, 'a Hamat yet' 'a jun tzo'n̈ xo chon̈b' 'ay 'a sti a mar.

Is 14:1

A Jehová 'oj sch'oxx schamc'ojlal 'a eb' israel jun 'ejm xo. 'Oj scha si'c pax 'och eb' yico'oc, ax scha cajn pax eb' slum chi jun 'ejm xo. Ax eb' chuc chon̈b'al, 'oj jawc pax cajn eb' 'a scal eb', ax ya'n 'och sb'a eb' 'aj chon̈b'al yet' eb' yin̈tl can Jacob.

Is 19:19

A 'a jun tiempoal cha, 'ay jun yet'l xajmb'al yic Jehová 'oj b'o 'a yol smacb'en Egipto. Ax 'a sla'nil smon̈jon Egipto cha, ata 'oj lin̈xoc can chan̈ junc q'ue'en, yuj yi'nb'ilc chan̈ sb'i Jehová.

Is 19:21

'Ixta wal 'oj yutc Jehová sch'oxn sb'a 'a eb' 'aj Egipto sec tz'ojcax 'el yuj eb', yuj cha, ax ya'n 'ejm sb'a eb' 'a 'a. 'Oj laj yac' eb' xajmb'al yet' yofrenda, ax laj ya'n can eb' sti 'a Jehová to yowlal 'oj syiclc eb'.

Is 2:11

A 'a jun c'u cha, 'oj 'ijxoc can 'ejm eb' tzb'an̈ sb'a, yet' cob' eb' tzyij chan̈ sb'a. Cojxn Jehová 'oj 'ijxc chan̈ sb'i 'a jun c'u cha.

Is 27:13

A 'a jun c'ul cha, 'oj 'utz'xoc jun trompeta to 'oj 'ab'xoc sjaj 'a najat, a eb' satnc can 'at 'a Asiria, yet' eb' 'ijxnac can 'at 'a Egipto, 'oj jawc eb' wul yac' 'ejm sb'a 'a Jehová, atn 'a lum tzaln to yic 'emmquilal yaj 'a Jerusalén.

Is 65:16

Tzann̈j mach 'a jun nacion̈ tic, to tznib'j tzchaj yaxilal, sc'an cab' 'ayn an Dios in 'a caw yel. Tzann̈j mach to tzyac' sti yuj junc tas, ya' cab' sti 'ayn an Dios in tic 'a yel. A smasnil yailal xlaj 'eq'ui, tox x'atcn 'a satc'ojlal wu'uj.

Jeremías 12:16

Yujto a jun tzo'n̈ chon̈b' cha, a xcuyn eb' in chon̈ab' yic tzlocn eb' sb'i jun comn dios tzcuch Baal 'a junc tas tzyala. Ax ticnec, yet' 'a yojltac, 'oj stac' yaj cajn eb' 'a scal eb' in chon̈ab', toto caw yel 'oj syiclc eb' scuynb'il eb' in chon̈b' tic, ax slocn eb' in b'i 'a tas 'oj yala'.

Sofonías 3:9

A yic 'oj jawc jun c'ul cha, cojxn wach' paxti 'oj wac' yal eb' 'anma smasnil, sec smasnil chon̈b' 'oj yal sb'a eb' 'ayin, junxn̈ej 'oj yutc eb' in ya'n servil.

Zacarías 2:11

A yic 'oj jawc jun c'ul cha, til wal nacion̈ 'oj jawc 'a Jehová, ax yoch eb' schon̈b'oc, ax yaj cajn Dios 'a e cal b'i'an. 'Ixtnta 'oj 'aj snachj 'el eyu'uj, chajtlto a Jehová tztac' yuj smasnil, a in checn cot 'ayex.

Dt 10:20

'Ay cab' yel'ch Jehová 'a qui sat, cojn ton 'aj smoj caln qui b'a. Yiclum tzcutjec qui b'a 'a 'a. A yic 'ay junc tas 'aj tzcac' qui ti', cojn 'a sb'i Jehová tzcala'.