Is 19:16 - Chuj San Sebastian Bible

¹⁶ A 'a jun tiempoal cha, smasnil eb' 'aj Egipto lajn xoj 'oj yutc sb'a eb' 'icha eb' 'ix 'ix. Caw 'oj 'ib'xoc chan̈ eb' yuj xiwlal yic 'oj yilnc eb' sjaw syailal yuj Jehová tztac' yuj smasnil.

Chuj San Mateo Bible

¹⁶ A val d'a jun tiempoal chi', masanil eb' aj Egipto chi', icha eb' ix ix ol aj eb', yujto ol el yip eb' yuj xivelal ayic ol yilan eb' sc'och yaelal ol yac'b'at Jehová Yajal d'a Smasanil d'a yib'an̈ eb'.

Is 19:16 Iomraidhean Croise

Salmos 48:6

'Ix 'och eb' 'a xiwc'ojlal, xlaj somchjc chan̈ eb'. 'Icha tz'aj junc 'ix yab'n syail yic tz'alj yune', 'ixta x'aj eb' yab'n syail.

Ex 11:6

Man̈x yalnb'ilc 'o'l 'oj 'och 'a smasnil yol yic Egipto tic. May xon 'aj 'ix uj jun tic jun 'ejmoc 'a yaln̈taxi, man̈x pax b'a'n̈ 'oj ujc jun 'ejmoc xo.

Is 10:32

Ax ticnec, xc'och sc'ul syamn sb'a eb' 'a'm owl chi 'a lum Nob, yic tzch'oxn eb' 'ilxoc to 'aych 'a snab'en eb' satn 'el Sión, atn lum stzalnil Jerusalén.

Is 11:15

'Oj yac' Jehová tup chan̈ jun sc'ab' a Chac mar. Ax ya'n cot jun niwquil 'ic' caw c'ac' 'a yib'n̈ 'a niwn a Éufrates. 'Oj tupcn chan̈ a', uque 'oj 'elcn a 'a yet'l cha. Wach' 'oj 'ec' 'anma 'a yojl a', man̈x yowlalc tzyij 'el eb' xan̈ab'.

Is 13:2

A 'a sjolm jun witz may ste'al, ata tzeyac' chan̈ junc e bandera. Alx cab' yab' eb' soldado, to tz'och eb' 'a owal, 'ijec chan̈ e c'ab' yic tze ch'oxni 'ajtil tztac' yoch eb' soldado chi 'a yol sti spuertail yatut eb' yajl 'a Babilonia.

Is 30:17

Jun mil e b'isl 'oj e 'at 'elc yuj jun win 'ajc'ojl cha. Wach'xam cojn wal own̈ eb' 'ajc'ojl chi 'oj e pechni, palta 'oj e 'at 'elc ax tic e masnil. Caw jaywn̈ xoj e b'ey 'oj e cani. 'Icha xoj tz'ajcn lin̈n junc te te 'a lum jolmctac witz, mto 'icha junc bandera 'ayc' 'a junc lum tzalan, 'ixta 'oj eyaji.

Jeremías 50:37

Milc cham eb' soldado to tz'ib'x yuj xiwlal. Milc cham no chej to'jnac caruaje. Milc cham eb' soldado manb'il coti, atn eb' 'ayc' 'a scal eb', lajn xoj cab' tz'ajcn eb' 'icha eb' 'ix 'ix. 'Ijc 'at sricoal eb', 'elc'x cab' 'ati.

Jeremías 51:30

A eb' soldado yic Babilonia, man̈x 'a tas 'oj yal eb'. Toxn̈ej 'oj smacn 'och sb'a eb' 'a yol scuartel. Man̈x 'a yip eb', lajn xoj 'oj 'ajcn eb' 'icha eb' 'ix 'ix. Ax 'oj yilnc cot eb', wan xo slan̈chj 'ejm schon̈b' eb', wan sn̈usx can pax yatut eb'.

Abdías 1:9

A wal eb' jeln ya'n owl 'a e cal ex 'aj Temán, caw 'oj 'ib'xoc eb' yuj xiwlal. Man̈x 'a junc eb' cajn 'a lum jolm witz chi 'a yol yic Esaú 'oj can 'a spitznal.

Nahúm 3:13

A eb' e soldado, caw lajn xoj eb' 'icha eb' 'ix 'ix. A spuertail e chon̈ab', jacn xo 'a eb' 'ajc'ojol, xlajw stz'a 'ejm jun tzo'n̈ 'aych smacloc e chon̈b' cha.

Zacarías 10:11

A yic 'oj 'ec' eb' 'a scal yailal, 'icha to yojl a mar tz'ec' eb', an 'oj wi'l yip a mar cha, ax a Nilo 'oj tup 'ejm a'. 'Oj wac' lajwc 'ejm sb'an̈quinal eb' 'aj Asiria, ax wa'n lajwc pax yopiso eb' yajl yaj 'a Egipto.

Zacarías 2:13

Sictac cab' tz'aj smasnil 'anma 'a yolyib'n̈q'uinl 'a yojltac Jehová, yujto tzjaw yuj eb' schon̈ab', spet 'a scajnub' to yicn̈ej yaj 'a satcha'an̈, xchi Zacarías.

1 Co 2:3

A yic wec' ta', may wel'ch 'a sat junc 'anma'. 'Ib'xnacn yuj xiwlal.

2 Co 5:11

An̈ xo tic on̈, a 'a Cajlilec 'aj 'ayx qui xiwc'ojlal on̈. Yuj cha, caw tzcac' quip ca'n snab'enoc eb' 'anma 'on̈. A Dios, yojc xo, tas yaj qui nab'en on̈. Ax xo, tzin nib'ej, tzeyojquej pax 'el tas yaj qui nab'en on̈.

A Ch'an̈ Carta D'a Eb' Hebreo 10:31

Caw wal 'ay smay qui b'eyc'ojlaxec yuj Dios pitzan.