Is 18:6 - Chuj San Sebastian Bible

⁶ 'Oj can sniwnal eb' schi smasnil no noc' 'a lum jolmctac witz cha. 'Oj jawc no 'usej, no xulem yet' smasnil no chiwjum noc' ta', ata 'oj 'ec' cuaresma yuj no 'usj cha, mto no xulem. A 'a n̈ab'lq'uinal, an̈j no calte'al noc' chi 'ayc' ta'.

Chuj San Mateo Bible

⁶ Toxon̈ej ol comon can teljab' eb' d'a jolomtac vitz chi'. A noc' chium noc' sjen̈vi yed' noc' caltacte'al noc' ol chianb'at eb'. A noc' sjen̈vi chi', a d'a varesma ol aj noc' ta', axo noc' caltacte'al noc' chi', a d'a n̈ab'ilq'uinal ol aj noc' ta', xchi Jehová.

Is 18:6 Iomraidhean Croise

Is 14:19

Ach xo tic, najt ach julx can 'el 'icha c'alem 'ayx sjab', xjulx can 'ejm a niwnal 'a scal eb' xi'lb'a, eb' 'icha to tec'b'il can 'ejm sniwnal 'a scal q'uen 'a yol xab' olan.

Is 23:13

'Iltec wal x'aj lum Tiro, jun chon̈b' to an̈j 'a tic tzjaw te barco, palta ax eb' 'aj Babilonia 'ix laj b'onc chan̈ jun tzo'n̈ torre 'a spatquil 'el chon̈ab', xlaj sma'nc lan̈chjoc eb' jun tzo'n̈ niwc despacho, 'ix satn can 'el eb'. A eb' 'aj Babilonia 'ixta xmunlji, man̈oc eb' 'aj Asiria.

Is 46:11

'Ay jun mach tox 'ix wawtj cot 'a stojlal 'aj tzq'uel c'u, caw najt 'oj cot 'icha junc no c'uc'um. A jun cha 'oj wac' sb'o smasnil tas nab'ilx wu'uj. A tas 'ix wala, mto a tas nab'il wu'uj, 'oj wac' 'el'choc.

Is 56:9

Tzyaln Dios 'ixtic: E masnil ex chuc chon̈b'al, cotn̈ec milwjoc, wul satc 'el eb' in chon̈b' tic 'icha tzyac' no chiwjum noc', mto no calte'al noc' yet' no calnelu,

Jeremías 15:3

An Jehová in, an tzwala: 'Oj wa' cot chan̈ macn̈ yailal 'a yib'n̈ eb' 'anma tic: 'Oj milxoc cham eb' 'a scal owal, 'oj jucxoc b'eyc'oc sniwnal eb' yuj no tz'i', 'oj chixoc eb' yuj no 'usej, ax e no calte'al noc' 'oj wach' satnc 'el eb'.

Jeremías 16:4

'Oj cham eb' yuj tzann̈j yab'ilal, may mach 'oj 'oc' yuj eb', man̈x 'a mach 'oj mucnc eb'. T'ocquixtac 'oj 'ajcn sniwnal eb' 'a sat lum 'icha tzyac' stza no noc'. A owal yet' wejel, a 'oj milnc eb'. 'Oj chixc sniwnal eb' yuj no 'usej, yet' yuj no calte'al noc', xchi 'ayin.

Jeremías 7:33

A sniwnal eb' 'anma 'oj cham 'a jun chon̈b' tic, 'oj 'och schib'joc no 'usej, yet' no calte'al noc'. Man̈x 'a mach 'oj xib'tnoc 'el no 'a eb'.

Ez 31:13

Smasnil junjn c'aj no ch'ic, 'ix can cajn e no 'a sc'ab' te te telwnac cha, smasnil no calte'al noc', xlaj can cajn e no ta'.