Is 18:2 - Chuj San Sebastian Bible

² Tzlaj ya't eb' schecb' yet' te barco 'a yib'n̈ a niwn a tzcuch Nilo, tz'at eb' 'a yib'n̈ a yet' te' barco b'ob'il 'a te chay'aj. Ex checab', meltzjan̈c 'a e chon̈ab', atn 'aj niwc stel eb' 'anma', eb' n̈el-li stz'umal sniwnal, eb' caw wal tec'an, atn eb' 'ay smay 'a yib'n̈ jun tzo'n̈ xo chon̈ab'. Tzlaj 'em jun tzo'n̈ chon̈b' yuj eb'. Ata cajn eb' 'a lum lum pojquixtac yaj yuj a niwc a'.

Chuj San Mateo Bible

² Syac'b'at eb' schecab' d'a yib'an̈ a' nivan Nilo, sb'at eb' d'a yib'an̈ a' yed' juntzan̈ te' aj tzec'b'il valsoal. Ex checab', meltzajan̈ec d'a e chon̈ab' b'aj cajan eb' chaan̈ steel, eb' malaj xil snivanil, eb' ay smay sb'inaj d'a juntzan̈xo chon̈ab', eb' te tec'an, eb' satanel juntzan̈ chon̈ab', eb' cajan d'a lum luum macquiltac yaj yuj a' nivac a'.

Is 18:2 Iomraidhean Croise

2 Cr 14:9

'Ix cot Zera sreyl Etiopía yac' owl yet' eb'. 'Ix jaw eb' 'a chon̈b' Maresa, jun miyon̈ soldado ajun yet'oc, yet' 'oxe ciente caruaje yic owal.

2 Cr 16:8

¿Tom ma'ix ela, to a eb' etíope yet' eb' libio, man̈x jantcoc soldado 'ix syam sb'a yuj eb', caw niwn caruaje yic owal, niwn pax soldado 'ay q'ue 'a yib'n̈ chej? Palta b'i'an, yujto a Jehová 'ix a'ch yipc a c'ojol, yuj cha, xya'n 'och eb' 'a yol a cab'.

Job 9:26

Lajn wal sb'ey in q'uinl tic 'icha junc barco caw ji'lti sb'ey 'a yib'n̈ a mar, mto 'icha sb'ey junc no c'uc'um yic tzyamn no schib'ej.

Ex 2:3

Palta man̈x 'ic stac' sc'ub'n 'el 'ix jun 'unn cha, yuj cha, 'ix sb'on 'ix jun xuc 'a te chay'aj. Xya'n 'och 'ix asfalto 'a 'aj tzchaj sb'a te'. A jun asfalto cha, lajn 'icha tzataj. Xlajw cha, 'ix ya'n 'ejm 'ix jun 'unn chi 'a yojol, x'at ya'nc can 'ix 'a scal jun tzo'n̈ te b'alal 'ay 'a sti a niwn a Nilo.

Is 18:7

A 'a jun tiempoal cha, 'oj yi' cot eb' 'anma chi yofrenda 'a lum tzaln Sión, atn 'aj tz'och 'emmquilal 'a Jehová tztac' yuj smasnil. A eb' 'anma niwc stel cha, n̈el-li yilx stz'umal eb', caw 'ay smay eb' 'a yib'n̈ jun tzo'n̈ xo chon̈ab', caw jeln eb', til wal chon̈b' tz'em yuj eb', atn eb' cajn 'a jun lum lum pojquixtac yaj yuj a niwc a'.

Jeremías 49:14

'Ix jaw jun 'ab'x 'ayn yuj Jehová: Wan schecn cot jun schecab', yic tzwul yalnc 'a eb' nacion̈ 'ixtic: Molb'tzejc e b'a, tzlajw cha, tzex 'at 'a Edom, 'a'c lista e b'a yic tzex 'at 'a owal, xchi.

Ez 30:9

A yic 'oj c'och stiempoal wa'n jawc yailal 'a yib'n̈ Egipto, 'oj wa' cot eb' alm 'ab'x 'a yol barco 'a yib'n̈ a', ax yalx yab' eb' 'aj Etiopía, eb' may jac tas nab'il yu'uj. Ax yic 'oj yab'nc eb', caw 'oj xiw eb' yab'n tas 'oj jawc 'a yib'n̈ Egipto cha. Caw wal jab'xoj sjaw sc'ul jun cha.

Abdías 1:1

An Abdías in tic, 'icha waychil, 'ixta xyutj Jehová ya'n wal-l jun tzo'n̈ tic 'ixtc 'a eb' 'aj Edom: 'Ix wab' yaln Jehová to xya't junc schecb' 'a eb' nacion̈, xyaln 'ixtic: 'A'c lista e b'a, coyc ca'c owl 'a Edom, xchi. Yuj cha, tzyaln Jehová 'ixtc 'a Edom:

Habacuc 1:7

A jun tzo'n̈ 'anma cha, caw 'ay smay eb', tzxiw eb' 'anma yuj eb'. Caw tzyij chan̈ sb'a eb'. Mun a sley eb' 'a yol yico', a tzyac' eb' c'anlb'axoc.

Lc 10:19

An xwac' e poder sec tztac' e te'n no chan yet' no sina'an. Wu'uj, tztac' eya'n ganar 'a yib'n̈ jantcn̈ej spoder win Satanás. Toxn may junc tas tztac' ex yixtni.